[其他]
關於未來富蝶邨巴士建議-如果城巴投中篇
[複製鏈接]
|
大家執著嘅野唔同, 無野好拗, 亦無係啱定唔啱,人嘅選擇姐
你執著於一定要去大埔墟站,我執著於快去駁鐵姐
你都係無解決上繁嗰個問題,要幾耐去到火車站? 條線點行先唔塞? 點回車?
X71A我係舉個例點樣快啲由富亨去到火車站, 你自己覺得上繁有冇可能2條邨加埋去1條特快線去火車站? 上完富蝶富亨都無位上啦,所以你睇清楚,我強調嘅係上繁1邨1線,你咁鍾意去大埔墟站, 無所謂架, 咪再多D車姐嘛, 俾6架車你行JA, 回車唔切,咁可以點? 你從來都無諗點解決。
記住我從來都淨係講緊上繁。
|
|
|
|
|
其實都答左你好多次, 重點唔係去邊個站, 重點係避走南運路。我講左嘅其他方法係包括大埔墟/太和站。
我幾頁前咪講過271仲快過71A到廣福十字路口。
你搞清楚啲我個重點先啦, 我唔係唔想去大埔墟站呀, 你點解決上繁要半個鐘先駁到鐵呀?
|
|
|
|
|
推佢出大學站都可以避走南運路架喎
而且,南運路你話佢塞,係因為佢容納唔到咁多車,容納唔到咁多車要做嘅係工程,而非改走巴士線,否則今日你話南運路塞要去太和,咁他日太和塞你可以點?
|
|
|
|
|
本帖最後由 TPCYP 於 2023-1-17 23:47 編輯
我都話講朝早咯, 朝早度度地方都塞架啦, 度度地方都擴闊啦不如。
你都係無解決辦法, 死都一味要去大埔墟站。
去大學站又要冒吐公車手嘅風險, 同埋要用幾多架車? 咁點解唔可以去太和站?
事實就係南運路上晝塞同埋回車慢, 你咁堅持你嘅大埔墟站, 你覺得上晝應該要點行? 實際啲啦不如
|
|
|
|
|
就係因為度度都塞,所以要擴闊T6橋
就係因為度度都塞,所以要擴闊大埔公路沙田段
就係因為度度都塞,所以要起T4路
就係因為度度都塞,所以要研究沙田繞道
上述咁多樣,都係解決塞車問題,當然你可以否定其作用,但我倒想請問你,如果解決塞車問題,唔由擴建或起新路解決,尚有乜野解決方法係實際?
而且我都問過你,今日南運路塞,你改架巴士去太和,咁如果太和都塞的話你仲可以改去邊先?
|
|
|
|
|
本帖最後由 da93 於 2023-1-18 02:59 編輯
同埋,唔係我要堅持大埔墟站,係你一直無法解釋到點解K17同71A面對嘅道路情況一致時,點解K17唔會攪到好似71A咁回唔到車之餘仲可以車等人?到底係巴士公司營運問題定係條路問題大d?
俾你開到X71A都好,如果擠塞情況一直惡化的話有誰能夠保證佢唔會行足半個鐘?
更甚,如果你講得要開X71A,點解個目標要放晌大埔墟站,用你嘅講法應該去太和站更理想吧?
既然你都講到話d人出紅橋坐75K而放棄71A咯,咁你整個繁忙時間走線,用番75K個行法出番大埔墟火車站都不為過架喎,最多不停站直飛架啫
|
|
|
|
|
本帖最後由 da93 於 2023-1-18 04:31 編輯
皇后山要「教」人出去轉鐵,另一個原因就係南下鄰近地區根本無任何交通工具可以選擇,佢地唔出去轉鐵根本好多地方去唔到,同埋,我自己本身就唔否定佢見到嘅實況,但只係話,俾佢做左呢樣野都好,唔會因為咁就叫解決左個問題。
就正如你果句,自己都抗拒嘅模式去叫人接受,咪睇下到時點囉,你講得啱架,到時俾人嘈71A拉入去都係自己攞黎。
都已經唔講作為民主派有冇尊重民主呢種咁虛無嘅事了
|
|
|
|
|
本帖最後由 TPCYP 於 2023-1-18 05:33 編輯
同埋,唔係我要堅持大埔墟站,係你一直無法解釋到點解K17同71A面對嘅道路情況一致時,點解K17唔會攪到好似71A咁回唔到車之餘仲可以車等人?到底係巴士公司營運問題定係條路問題大d? 咁你要搞清楚2條線上繁行車時間係幾多,用車係幾多部先啦。鐵巴車廠就喺後面,後入就支援到啦。無錯, 就係唔同巴士公司囉。我無話九巴啱,但車就得咁多部, 車回唔切可以點? 繼續加車? 車從何來?
俾你開到X71A都好,如果擠塞情況一直惡化的話有誰能夠保證佢唔會行足半個鐘? 啱呀,所以咪想要alternative囉
更甚,如果你講得要開X71A,點解個目標要放晌大埔墟站,用你嘅講法應該去太和站更理想吧? 我從來無話一定要大埔墟站,唔停站去太和無問題架,最緊要快。你都仲未明我重點
既然你都講到話d人出紅橋坐75K而放棄71A咯,咁你整個繁忙時間走線,用番75K個行法出番大埔墟火車站都不為過架喎,最多不停站直飛架啫 如果你整條唔停站嘅75K行法,點解唔省躬草堂直去太和?仲快落車啦,我目的係要快,我去邊個站都無所謂呀記住。(俾你入到去到大埔墟站,又係嗰句,出邊度最快回到車?)
唔再回應喇,大家觀點唔同, 你所有嘅回應就係堅持要大埔墟站, 我要嘅係快駁鐵。但你又俾唔到一個實際可行嘅solutions 上繁點樣解決要半粒鐘先駁到鐵。擴闊南運路? 邊有位成條整呀? 新城市出面都整左10年呀! 又唔係全日爆, 擴乜鬼?
我重申我立場係上繁你俾我快駁到鐵就得, 而最穩定同埋令成個營運最理想係去太和,但要順時針行。非繁我係同意大埔墟站。
完!
|
|
|
|
|
本帖最後由 da93 於 2023-1-18 07:38 編輯
啱呀,但我咪話囉,有車果陣九巴用左去邊?寧願有車去攪74E,74F果陣,佢唔俾71A喎,到底個問題係九巴真係冇車丫,定係佢當你睇富亨唔到先?鐵巴個車廠晌後面,九巴個車廠咪又係晌鐵巴隔離,大家都係果條路出咋喎。
再計鐵巴條大數,其實鐵巴都冇乜車剩,20架車,3條全日K線再加上繁K14,你話71A 6架唔夠,ok冇問題,你話K17 車多過佢我又當係嘞,但實際上多幾多先?隨時佢泵盡都係多你71A兩架,咁6變8你都要話車從何來,講真叫九巴佢攪少d無謂野條數都晌返度啦。
計空間,起碼有半條南運路個整體環境都好過大埔公路沙田段,你諗下大埔公路沙田段俾火車軌同屋邨邊緣加單車徑限死晒,中間再有一棟連城廣場,棟樓果d牆唔拆得,但一樣照諗方法做擴闊。你南運路個環境點都唔會差得過大埔公路,真正要計唯一做唔到嘅係火車橋底果段,但又問心丫,呢d位係咪完全唔可以透過調較交通燈去處理?由等5,6轉燈變成等3,4轉燈呢~冇錯係未必根治到個問題,但係咪連舒緩都做唔到?以至成條南運路咁多組燈,係咪全無改善嘅空間?富蝶太和線已經係幾乎兩年前嘅事,呢兩年呢d所謂組織有冇去視察過呢d野?我唔知啦,淨係記得佢好叻咁叫房署斬樹安置巴士站呀,話要攪人地個斜坡連排水位做火車站出入口。
而且,完善路仲係咪應該只駁出吐露港南行,而不能駁出吐露港北行或者入番廣福?根本大把位可以容許到你有思考空間,大把位可以帶出個討論點去減少交通擠塞個問題。真真正正過時嘅,追唔上社區需要嘅係道路容量同道路配套,而唔係巴士線(當然你話71K去到今時今日係咪過左時呢個係第二個問題)。
仲有,晌蔚景園支路擴闊後,工程曾經停過,條路係完整過一段短時間,只不過係後來開展擴闊工程嘅時間相距短,令你有錯覺以為佢整左十年都未完成啫。
既然經汀角路直衝去太和係你接受到嘅話,就唔駛諗點回車啦,仲有,你想快d去火車站啫,不如將佢當地區工程,要求政府研究同規劃一條有蓋行人通道連行人輸送帶,接駁富亨,汀太路直去太和,隨時仲好過你將架巴士左搬右搬,仲要唔駛怕塞車。
最後,我想講嘅係,青沙夠唔係全日塞,但一塞果陣你會嗌救命,用你嘅講法,上述所有已開展同規劃左嘅工程係乜都唔駛做。
|
|
|
|
|
將藍已經有板睇出九龍多成條公路
結果咪又係過幾個月又再塞車
|
|
一出RDP 要去鵝頸橋?
|
|
|
|
Advertisement
Advertisement
Advertisement
Advertisement
Advertisement
|