香港鐵路站名雜談

Schrodcan 發表於 2019-9-26 00:37
塘尾係旺角北站最orthodox嘅地名，原因在以前九龍塘個池塘嘅位置

其實道路名稱某程度上反映咗舊時地理
深水埗區兩條舊地區幹道
長沙灣道正正坐落長沙灣個沙灘
荔枝角道至少係通去荔枝角
唔會路名同地名唔相干
同樣塘尾道北段係直指塘尾
而可能因為後期發展而界限街止步
而太子站離舊時嘅塘尾或者塘尾道都有一段距離
所以講到最符合歷史嘅話
太子站應該係改返做最接近嘅九龍塘站
而依家嘅九龍塘站應該改做九龍仔站

九龍仔以前係橫跨石硤尾至九龍城一帶
但三十年代政府將界限街以北分成四區
即荔枝角、深水埗、九龍塘、九龍城
九龍仔以窩打老道被九龍塘及九龍城瓜分
可能係為咗避免混亂
窩打老道兩邊嘅分區都唔再保留九龍仔個名
窩打老道以東就借九龍塘個名去命名分區
九龍塘站亦因而得名

旺角北站用唔返九龍塘個名、又唔近塘尾或者塘尾道
咁以佐墩站喺佐墩道及當年油麻地原本叫窩打老、旺角叫亞皆老嘅邏輯
旺角北叫太子站都係有跟據過塘尾嘅
(咁路名適唔適合做鐵路站名就個人喜好了
比起以前馬頭圍站同土瓜灣站調亂已經好好)

PS長沙灣從來都唔俾當係分區名稱
直到長沙灣填海區先當成一個分區
另外荔枝角站唔知喺咪咁啱喺新九龍入面嘅荔枝角區啦

基本上大部分位於九龍嘅鐵路站名都係按行政區、填海區或相交道路命名而唔係隨意改名
只係一百年來舊地點名稱、行政區劃分及填海區劃分做唔到完全一致
所以先會有九龍區鐵路站名混亂嘅感覺

ryandroid 發表於 2019-9-26 02:01
其實道路名稱某程度上反映咗舊時地理
深水埗區兩條舊地區幹道
長沙灣道正正坐落長沙灣個沙灘

九龍塘村係喺九龍塘水體嘅東北角，所以我會歸陸地名去大坑東嗰邊，而且佢一般被認為係九龍仔一部分，同旺角一塘村。塘尾的確喺西角，雖然近深水埗，但實際上擲界，喺大角咀同深水埗中間（大角咀以前亦屬旺角區），塘尾村受界限街影響冇擴張太多；太子站係服務佢最多嘅車站，參考塘尾道嘅終點，先話塘尾最接近南角嘅太子站。
如果水渠道以前條水道有名嘅會好啲，呢處有個三角洲噉嘅形態，唔講地名就梗係旺角北啦。

mckhgc 發表於 2019-9-23 22:44
又係呢個萬年年經話題，係咪真係未世界末日都仲有得講呢？其實來來去去大概係幾類：

一地名幾站混淆類：深 ...

呢個話題又唔算好年經，
起碼例如ryandroid終於翻到D香港地方蘿底冷史出黎讓大家大開眼界。

雖然前地鐵對紅綠線咁樣改站名態度確實有囂張成份，
但起碼大家插佢之前，唔好忘記香港某些地名定義在古代確實有過大變動。

至於任何以地標/屋苑/屋邨之類命名之站名，少不免有呢類選擇之爭：

天榮站個站名真係好無厘頭，為何當初冇揀麗湖居之類命名？
天榮路果個輕鐵站有翠湖/天頌站名選擇之爭，但偏偏天華路迴旋處果個輕鐵站容許到兩溝站名頌富，取自天頌苑及天富苑？
再北D果個輕鐵站又唔可以照樣兩溝恩富/富恩之類？
有時私樓優先冠名，有時公屋優先冠名，於是例如俊宏軒，慧景軒，天晴邨，屏欣苑等等咁就喪失左在車站命名機會。

當然前九鐵既性格都有番咁上下囂張，改輕鐵站名都有做過下，但跟住又係冇左影，
若果佢肯再做埋例如坑尾村站改番做屏欣苑站，蔡意橋站改番做卓爾居站之類，俾大家既感覺又會好D。

paul2357paul 發表於 2019-9-27 19:56
呢個話題又唔算好年經，
起碼例如ryandroid終於翻到D香港地方蘿底冷史出黎讓大家大開眼界。

頌富站站名係來自頌富商場

ryandroid 發表於 2019-9-26 02:01
其實道路名稱某程度上反映咗舊時地理
深水埗區兩條舊地區幹道
長沙灣道正正坐落長沙灣個沙灘

太子站附近尚有另一地標：「花墟」。

個人認為，以路名、邨名命名無可無不可，但保留「道」、「邨」等通名較為理想。

長沙灣、荔枝角，九龍灣、牛頭角兩組車站，最棘手之處，在於各有一站較近地標/鄉村遺址(長沙灣、牛頭角)，另一站則較近都市化後的心臟地帶(荔枝角、九龍灣)，而附近又甚少其他適當地標。

反觀港島區，天后站、太古站明顯位於銅鑼灣、鰂魚涌的(傳統)心臟地帶，銅鑼灣站位於「東角」遺址，甚至可稱作鵝頸/寶靈頓，而鰂魚涌則可稱作七姊妹。

ArnoldC 發表於 2019-9-28 23:04
太子站附近尚有另一地標：「花墟」。

個人認為，以路名、邨名命名無可無不可，但保留「道」、「邨」等通 ...

其實鰂魚涌站位於北角同鰂魚涌交界﹐所以屬北角區。七姊妹本來就係北角區嘅舊稱﹐起源位於健康村、模範邨附近﹐開埠前已經存在嘅七姊妹村；而舊銅鑼灣嘅中心地帶其實較接近炮台山站﹐或者舊港島線方案﹐位於對面馬路七海中心地底嘅「天后站/銅鑼灣站」﹐現天后站係位於舊銅鑼灣與大坑交界﹐所以裁判司署個巴總其實叫「大坑(銅鑼灣裁判司署)」。