影張相啫，駛唔駛罵戰 ??

原帖由 ckw7a5 於 2013/2/26 02:04 發表
熱狗最後一夜....
我 用24-105都係乜都影唔到.... 除左人頭

最後用10-22影左d
雖然變型變到媽媽聱

如果你睇返呢度當日嘅照片, 好多站友都用不同焦距相機影咗好多精彩嘅相片。甚至最後一班車的廣田總站, 用一般廣角 (二三十 mm) 都可以影到冇人阻的巴士相, 例如當巴士剛入站, 轆緊埋去停定位置前, 啲人係唔敢行得太貼, 而車坑又係孖坑, 當時就有都唔算少時間供你影到無人阻的相。

不過話說回頭, 如果你只係想影「巴士」唔想影人頭, 甚至連人都唔想見到, 咁點解你又要去影「最後一夜」呢? 「最後一夜」的特色不就是人多嗎? 如果你只係影「最後一日」, 咁其實當日咁好天, 沿途好多靚位的, 或者你早幾晚去影, 肯定少人好多, 影出來架巴士本身亦冇乜分別。又或者你唔好喺總站入面影, 影臨入站前或出站後的街道, 已經少好多人啦。影巴士雖然一般係業餘興趣, 但亦牽涉應了解清楚自己影相目的, 然後考慮去邊影, 幾時影, 點樣影, 用咩機和鏡去影, 事前作好計劃和準備, 了解和評估「食白果」的「風險」再行考慮, 不是嗎。

原帖由 syp 於 2013-2-26 09:39 發表


如果你睇返呢度當日嘅照片, 好多站友都用不同焦距相機影咗好多精彩嘅相片。甚至最後一班車的廣田總站, 用一般廣角 (二三十 mm) 都可以影到冇人阻的巴士相, 例如當巴士剛入站, 轆緊埋去停定位置前, 啲人係唔敢行得 ...

在「再見熱狗」的過程中，甚至會故意將其他行家或者途人放進構圖入面。巴士攝影其實唔一定要影標準相先叫做好。
話說回來，如果根本現場環境唔容許：例如企位和本體中間係隔一條流量極高的馬路或者行人路，堅持要用返同一套標準不分日夜地點環境去影巴士，係一件好痛苦的事。

其實越罕見嘅情況就用越簡單容易嘅方式去影就命中率越高囉, 你唔怕今日影唔到聽日都可以影過, 上午影唔到下午都可以影過的, 用啲非常需要倚賴幸運嘅方式去影冇所謂呀。但如果硬要反其道而行, 就唔好怨天由人囉。

原帖由 syp 於 2013-2-26 13:04 發表
其實越罕見嘅情況就用越簡單容易嘅方式去影就命中率越高囉, 你唔怕今日影唔到聽日都可以影過, 上午影唔到下午都可以影過的, 用啲非常需要倚賴幸運嘅方式去影冇所謂呀。但如果硬要反其道而行, 就唔好怨天由人囉。 ...

agree
再舉多個example，如果有架單層壞車換入1A，你大多數都會企尖碼/中秀影，唔會走去旺角企一個車阻高危位架ma?

原帖由

KG4055-70X

於 2013-2-26 21:36 發表

agree
再舉多個example，如果有架單層壞車換入1A，你大多數都會企尖碼/中秀影，唔會走去旺角企一個車阻高危位架ma?

尖碼其實系一個車阻人阻高危位來的。因為會有人過馬路 或者 有時車坑太多車會塞翻出黎，所以都好大機會影唔到

[ 本帖最後由 MM2801@12A 於 2013-2-26 23:10 編輯 ]

10頁唔得閒睇....
但見咁耐樓主都無改我就當前面無人講過
樓主副相下面車牌係打錯的

原帖由 頭文字TRIDENT 於 23/2/2013 22:05 發表
有幾何會聽到龍友係大型攝影活動影靚模時
會影到又罵戰又話要報警先得架

國內有某D影會規定參加者係要用135mm或以上影靚模
班搞手鍾意玩托炮(定蕉300mm或以上)
135mm係人班眼中只係ultra wide鏡