271地點新顯示？

我大致係同意電牌加屯門好過就咁出寶田, 只不過你講個情況, 如果佢在尖沙咀忽然要去屯門市中心, 又想坐巴士, 佢都係走埋個巴士站度睇下乳豬紙搵下有咩車去屯門, 咁乳豬紙上唔會只係出寶田二字, 有晒途經地點和分站名, 唔會怕搞錯, 再唔係咪查 app 囉, 稍為有多少少時間嘅都應該係咁。今時今日, 唔會唔望乳豬紙, 唔查 app 就咁逐架睇前來嘅巴士上的路線顯示, 寶田, 寶達, 耀安, 耀東 ... 咩來o架呢, 咁卦 ?! 而家又唔係冇 app,  冇乳豬盤, 巴士站得「巴士停車需」5 個字乜都冇嘅年代, 係咪。當然你講個情況唔係完全唔會出現, 去到巴士站剛剛有車嚟, 唔截車架車就走, 又趕時間, 睇電子牌轉頁都來唔切, 最清楚當然係睇巴士顯示牌, 但無論顯示牌出乜嘢, 都好容易會出錯, 你咁都上車, 上錯車就閣下自理啦。

原帖由 AVD1 於 2014-5-27 14:21 發表

你唔可以比人即興的嗎 ?

假設,
有人起尖沙咀, 無啦啦收到人電話叫佢去屯門市中心,
佢答好, 想去 o既時候, 正路之下可以揀坐 260X, 問題在於寶田呢兩個字又係唔係可以表達到架車去到屯門,
可能到最後該人都係選 ...

哥哥仔,你自己咪用緊巴士迷角度去諗野囉
即興/唔熟路,正路就係坐鐵路有錢就坐的士
仲邊度黎搵架唔知邊個站落既巴士 ?
係因為你知條260X經屯門市中心所以你先叫人坐260X

原帖由 NA4179x賢 於 2014-5-27 16:02 發表


哥哥仔,你自己咪用緊巴士迷角度去諗野囉
即興/唔熟路,正路就係坐鐵路有錢就坐的士
仲邊度黎搵架唔知邊個站落既巴士 ?
係因為你知條260X經屯門市中心所以你先叫人坐260X ...

260X 只係一個例子, 假如所屬地區冇鐵路又如何 ?
巴士起香港作為第二多乘客量 o既交通公具, 次於港鐵,
以你上面個回文, 即興坐巴士的人就等如巴士迷, 呢個係咩邏輯 ?

原帖由 sea1986 於 2014-5-27 14:18 發表

咁想問寶田寶達出名啲，定抑或港澳碼頭同中港碼頭出名啲？

橫向比較並無參考價值
香港人對碼頭的認識一定出名過香港人對「寶X」的認識

但若是比較香港人對「寶X」的認識以及非本地人對香港的碼頭的認識
兩者認識程度不會太大分別

唔係周街全部都係香港人(我都想係), 唔係周街都係巴迷
要是每次都單從自己作為香港人作為巴迷的個人認知及知識去判斷, 所有事情都很不user friendly

硬要提高產生誤會的機會,
然後誤會發生後全諉於乘客
其實公司乘客雙方都不便及不滿

[ 本帖最後由 ccchhhuuunnn 於 2014-5-27 17:29 編輯 ]

原帖由 NA4179x賢 於 2014-5-27 16:02 發表


哥哥仔,你自己咪用緊巴士迷角度去諗野囉
即興/唔熟路,正路就係坐鐵路有錢就坐的士
仲邊度黎搵架唔知邊個站落既巴士 ?

不太正確
鐵路不是萬能
也不是個個坐的士

乘客認不認識260X巴士, 不是永遠非黑即白
不會只有「完全不認識有巴士來往屯門尖沙咀」及「完全了解260X走線站位詳細資料」這兩種情況
一般人口耳相聞可以聽說有尖沙咀有快車方便往屯門, 可以有位坐, 可以在彌敦道上車云云,未必知道它是260X或其站位
又或者以前曾經乘搭一兩次260X但已經忘記怎樣搭

換另一個例子荃灣往沙田大埔北區
非巴迷的一般乘客很多都會知道鐵路是兜路
也可能知道城隧有一些X線遠比鐵路好得多
但未必會清楚40X 43X 46X 47X 48X 49X 73X 278X每條線的詳細分別


巴迷的角度很有趣
一是當一般乘客完全無知, 只懂搭鐵路的士
一是當識搭巴的的一般乘客有著如他們一般對巴士路線的認識

原帖由 AVD1 於 2014-5-27 16:31 發表

260X 只係一個例子, 假如所屬地區冇鐵路又如何 ?
巴士起香港作為第二多乘客量 o既交通公具, 次於港鐵,
以你上面個回文, 即興坐巴士的人就等如巴士迷, 呢個係咩邏輯 ? ...

我無講過亦都無表達過「即興坐巴士的人就等如巴士迷」呢個意思,我唔知你係邊度腦補翻黎
我只係講出「你係巴士迷」「你知道260X經屯門市中心」先會提出叫人坐260X
你提出嘅例子係一個「唔識路」「唔知坐咩交通工具」嘅人要入屯門市中心
咁我咪用呢個角度答你,個人唔會優先選擇巴士入屯門市中心囉
你自己都答最終可能會選擇鐵路啦

以「求目的地」黎選擇服務,唔係以「多乘客量」行先,我又想個呢個係咩邏輯黎 ?
即使無鐵路嘅地區,一樣有其他交通工具選擇,巴士只係其中一個
以你個例子,假如呢位人兄係尖沙咀問人邊度有巴士入屯門市中心
而又有巴士線經屯門市中心,咁佢咪有可能會選擇坐巴士囉

原帖由 ccchhhuuunnn 於 2014-5-27 17:40 發表

不太正確
鐵路不是萬能
也不是個個坐的士

乘客認不認識260X巴士, 不是永遠非黑即白
不會只有「完全不認識有巴士來往屯門尖沙咀」及「完全了解260X走線站位詳細資料」這兩種情況
一般人口耳相聞可以聽說有尖沙咀有 ...

的確
但呢樣野,只係你假設佢本身對某部份線路或者對該區有某程度認識
可以係鐵路同的士之外嘅第三第四第五......選擇
市民有以上情況,選擇巴士嘅可能性會大大提高,甚至完全選擇巴士

[ 本帖最後由 NA4179x賢 於 2014-5-27 18:06 編輯 ]