譴責九巴沒有加車行走948E，導致多位乘客無法登車

(上圖由Media小編加上)


是日九巴刻意安排屬於屯廠的Man 巴士行走948-S02字軌，並負責948E 18:20康怡開出的班次。

九巴明知此舉會吸引大批巴士迷乘搭，卻沒有安排此車以加班車(e車)的形式運作，結果在康怡廣場已經有超過75名乘客登車，駛至北官及模範邨時已經爆滿，多位乘客未能登上尾班車，九巴亦未有安排加班車跟尾，乘客需要轉投其他交通工具。

玩跨廠特不是問題，但不應安排相關巴士行走多人的班次/尾班車

歡迎就此直接致電相關運輸主任投訴

九巴屯門廠兩部歐六MAN A95今日繼續行走荔廠路線，其中一部 M6FX1/YB9150傍晚行走948E尾班車，吸引不少巴士迷乘搭。不過額外乘客卻引致巴士兩站已滿座，鰂魚涌尾兩站的一般乘客未能乘搭尾班車，結果有青衣居民在Facebook群組中抱怨。不過亦有網民認為有關巴士迷亦是付費乘搭，責任不應落在巴士迷身上。

連城巴都知19終極尾車後面插部加班車
九巴呢次離晒譜

但其實唔單止尾班車，收工時間多客嘅線根本唔可以咁玩

九巴會叫你下次早一個站上車或者早啲排隊

根本本身948E冇巴膠都好多客

贊同樓主，建議今日如果上唔到車嘅居民，考慮下 1823 / TCU 投訴。

放題嘅話，大可以玩 948，大可以玩 936 / 936A，一堆荃葵大西北紅隧線任君選擇，點解要打擾 948E 呢？明知呢條線客量高企，青衣月票居民又要靠佢開飯。

KM8453 發表於 2022-8-31 19:52
贊同樓主，建議今日如果上唔到車嘅居民，考慮下 1823 / TCU 投訴。

放題嘅話，大可以玩 948，大可以玩 936 ...

有月票唔通叫佢哋上唔到就求其上架九巴去銅鑼灣轉948咩

今早收到話man會行948e尾車我已經估到會出事，平時已經出緊事，今天就更加，苦了港島東返青衣既打工仔。

D 巴士迷就唔啱啦. 明知部車多人仲去坐

見到呢個post d留言就知點解巴士公司寧願買到周街都一款車都唔肯好似以前咁買多幾款車。條線又唔係最後一日，部車又唔係退役最後一單，仲要特別招呼巴迷開多部車。拿我冇話九巴冇問題呀。

所以我通常都只影不搭...... 要搭 都盡量係少人班次／日子