九巴新路線 88 站位圖

Jacob 發表於 2017-6-18 22:58
我係88K真正用家，唔該唔好誇大鄉士會路既塞車情況，最多係慢車，而慢咗既時間並唔會影響到班次，如果你話 ...

其實唔洗咁複雜，拎番條 80M（280X）、81K、88X 做人版就得。

如果好幸運地三部車係山尾街同時走，假設鄉事會路／大會堂／火車站唔塞，
80M（280X） 通常去到帝都酒店果陣，部 81K 先入到沙市埋站；而 88X 最後應該會沙燕橋同 81K 相遇。

問題係，邊條路比較塞？塞得比較嚴重？
星期五晚、六、日中午，通常大會堂出事機會率最高；
星期一至五早繁，鄉事會路基本上一定出事；晚繁影響唔太大，碰多係慢車（塞主要係返入沙田）；
而火車站，只要撞到鄉事會路出事，或者星期六、日，都一定會慢車。

咁再睇番星期日中午，新城市大塞車日，最主要考慮既因素係 Home Sqaure 停車場有幾塞，
如果塞到出大埔公路，就算 3 部巴士一齊係山尾街走，80M（280X）去到大會堂埋站果刻，81K 部只係剛剛入到市中心，而 88X 就唔好講，都唔知上到平台未。
如果塞唔過大埔公路（鄉事會路慢車），而大會堂依舊大塞車，一期停車場車尾頂到出吉野家，81K 去到好運果下，80M（280X）先埋到站；
如果塞唔過大埔公路，一期停車場車尾只係去到 89 站頭，80M（280X）去到大會堂埋站果刻，81K 部只係剛剛入到市中心。

唔計早繁，事實上大會堂係唔係好塞？
有時係，仲會塞多過 10 分鐘，但好多時一個月間只係得幾日去到咁嚴重。
如果根據同樣經驗，係鄉事會路塞 5-10 分鐘常唔常見？又係一個月有幾日係咁。

反而早繁係另一回事，又假設 3 部巴士一齊係山尾街走，
88X 入完火車站去到沙燕橋，部 81K 先至成功出市中心總站，都未塞好運個站，而部 80M 一早去到文化博物館。
依件事真係每朝都發生緊。

所以係 88 入唔入市中心，80K、88K 走唔走市中心，真係幾睇幾條線既定位。
K 車入市中心，因為係方便人轉乘，如果市中心唔係無位，一早掃埋條 288 入去。
88、88X 依類跨區線，係唔係咁大必要入市中心呢？依點係可圈可點。除非九巴送一埋 K 線 BBI 比佢地。

dennis28a 發表於 2017-6-19 00:35
但如果將埔線真係比九巴投到，只要佢肯兜入大埔墟火車站做東鐵過境客，加埋大量九巴客即時有馬鞍山、北區 ...

將埔(翠順埔)其實可以入埋大學站 而家經老隧去科學園一帶都只有60分鐘一班 走咗等食塵嘅74D 甚至太和呢啲有唔少人住嘅地方都係得架74D 更莫講大學站 更加係一架車都冇

其實未來將埔如果入大學站 應該可以大幅提升使用老隧轉車站嘅客 第一 係中大學生 第二 係假日去馬料水一帶嘅郊遊客

繁忙時間入大埔方向更加可以入埋科學園 等科學園附近豪宅如果入夥更加可以全日入科學園

其次 將埔入埔火(大埔方向 廣福後入埔火跟64K 回程跟64K入埔火再出返廣福)一來可以吸引東鐵客 亦都吸引假日去埔火轉乘小巴/巴士去郊遊嘅客 順便做優惠(例如89X等任何一條老隧線+將埔→埔火 轉乘74K/275R/64K...)

再者可以延長至大埔頭 經太和 不過恐怕呢條線太長 都幾兜 亦都唔到觀塘等大地區 依然需要靠轉乘 但係始終叫做有老隧轉乘線咁解

去到九龍區走線 我諗緊有冇可能大埔方向經新蒲崗 取代部分74X服務範圍 亦都擴闊蒲埔線服務範圍 我個人想法係經四美街總站之後左轉繼續行彩虹道 之後右轉蒲崗村道 再右轉落大磡道 之後上老隧 而74X同274X改做梅花間足班次

10598C 發表於 2017-6-23 02:07
將埔(翠順埔)其實可以入埋大學站 而家經老隧去科學園一帶都只有60分鐘一班 走咗等食塵嘅74D 甚至太和呢啲 ...

大埔區內跟現在A47X條路(但全日入大埔中心)都唔錯

nickk 發表於 2017-6-23 07:58
大埔區內跟現在A47X條路(但全日入大埔中心)都唔錯

想問現實九巴PROPOSE條將埔定線是點?(如果不方便可以PM),謝謝

其實好運中心站頭...有時等埋站都等好耐。

dennis28a 發表於 2017-6-19 01:09
其實唔洗咁複雜，拎番條 80M（280X）、81K、88X 做人版就得。

如果好幸運地三部車係山尾街同時走，假設鄉 ...

88X既話，始終係開辦時就以沙田站做總站，為左方便原有乘客，咁做都無可厚非。而88是全新線，雖然係市中心既站位吊腳d，但巴士公司揀得咁行，都係想確保個客量，
況且市中心既商場群大多有天橋連接，都仲可以接受。

至於288既問題，我唔否認288入埋市中心總站既需要，不過我又咁睇，
如果佢開辦時已經決定左個定位，佢現時既走線應該係最適合，可以做哂大半個市中心既商場群。
當然，就算現階段288入埋市中心總站，雖然接駁東鐵或去政府合署一帶既乘客更方便，
但對去一田、好運、瀝源以致源和路那邊既乘客又係咪好事呢？
在水泉澳既fb group度，有人講係源和路一帶返學，係搭288係沙田大會堂站落車行過去。
現時水泉澳是沒有車去源和路一帶(按：7月1日後可以用同81K既BBI)，288已經算勉強去到個外圍。

88往中秀將改停沙中，不停好運中心，全線16部車

FBI2 發表於 2017-6-23 16:27
88往中秀將改停沙中，不停好運中心，全線16部車

S,K各8部？

FBI2 發表於 2017-6-23 16:27
88往中秀將改停沙中，不停好運中心，全線16部車

擺邊個位？72嗰度？

FBI2 發表於 2017-6-23 16:27
88往中秀將改停沙中，不停好運中心，全線16部車

嘩…

以全程收費 $7.5 計，16 部車意味每日要做大約一萬個客先可以回本

但係 290+290A 服務範圍大唔止一倍都係兩萬幾，然後新巴條 798 都係 5000 人上下

雖然 88 係一定有客，但係咪去到 8000-10000 人呢個級數，
我估應該好難，就算計埋龐大轉乘網絡既 feed 都係咁話