為什麼巴士路線要來回不同路？

carson911 發表於 2017-8-1 11:11
恭喜巨準成功嚇走彌敦道客仔

又話廣東道不會趕客？！九龍公園徑比廣東道更近彌敦道。

西半山夠冇一條路線同路，咪又係咁搭。以前最接近同路的13同咗幾十年最後都要改路。

kei_hk 發表於 2017-8-1 10:11
純粹推測:

在未有西鐵﹐大欖隧道﹐錦田繞道之前﹐51由錦田開出﹐可能一直都無位掉頭(可能一直要去到凹 ...

都係純粹靠估：
我估就算有得調頭，都仲要解決是但一邊無車問題，
而且當年亦未有八達通轉乘，如果只行錦上路/錦田公路，
即變相是但一邊一定要行/自費轉乘，
變相對是但一邊唔公平，依家一人一邊變相係公平啲。

至於點解搬去錦上路站時無順便是但一邊用轉乘代替，
我諗九巴係覺得51晌錦田一段已經作用不大，
加上九巴似乎都唔想咁多人搭51，
所以不變都無咩關係。

至於點解唔拆線或改循環線，
個人覺得51班次本身唔密，
錦田人口當年又唔算多，
如果格硬拆線班次除繁忙時間外，
分分鐘比當年既90/290更疏！
但90/290主要客源幾乎一樣，
所以疏都唔太大問題。
而循環線方面，
其實51車程已經長，
仲要行荃錦公路咁大上大落，
我諗九巴根本唔會考慮。

dennislokawai 發表於 2017-8-1 12:12
都係純粹靠估：
我估就算有得調頭，都仲要解決是但一邊無車問題，
而且當年亦未有八達通轉乘，如果只行錦 ...

睇了51的資料﹐以前總站位於元朗﹐之後才改去錦田(1983年4月)﹐同時改行錦上路回荃灣。
之前係一直來回用錦田公路的。


基本上可以睇成無位掉頭的機會係最高﹐真係要睇番當年的舊地圖才可引證。


至於64K方面﹐其前身路線﹐自1962年錦上路開通後已經取道錦上路。


如果你話 "是但一邊無車"﹐似乎唔係太關事。
因為有路掉頭﹐大可用回錦田公路返荃灣 (未改去錦田總站之前﹐一直都係這樣行走)﹐根本無必要改行錦上路。唔需要無情情令錦田公路的客返荃灣﹐要駁多一程車/行一大段路。
假如係基於"是但一邊無車"的原因﹐83年之前都可以改行錦上路﹐不必83年改總站才改行錦上路。


但係今時今日﹐點解51 及 64K/54 唔加番轉乘﹐以處理這2條路有一段距離的問題。
可能...... 受影響的人真係寥寥可數﹐這堆人根本唔用巴士服務出入荃灣﹐所以一直都無人出聲提出。

同埋 251M 的出現﹐都處理了 51 唔同路的問題﹐而且251M 在欖隧的轉乘﹐令更少乘客使用51﹐變相51/64K都唔需要做轉乘。


如果唔係大帽山要有巴士服務﹐相信51早已經消失 (隨時係251M 開通後幾年便發生)﹐而不是現時在上村掉頭做循環線。

miklcct 發表於 2017-7-31 21:02
奇就奇在74X、75X南行無一經鑽石山，北行兩條都經，令到74X北行極迂迴。

如果74X北行可以這樣入隧道已經 ...

照睇走線，74X出九龍經鑽石山係明顯迂迴
唯有75X新蒲崗行過去，因為實在好難同時兼顧兩邊
(以家有八達通轉乘，就更加會等你自己轉82X 85M 286M...)

你設計既呢條74X北行，都係要兜入鑽石山果邊
但係就入唔到鑽石山站，咁不如用番原定走線？

rusf101001 發表於 2017-8-1 01:58
260X個類索性改做漆咸道南，梳士巴利道，九龍公園徑，廣東道走仲好
反正都話彌敦道客可以去尖東上車

260X 回程油麻地, 炮台街都執唔少, 所以先話成條彌敦道都係客倉就算一開線回程係行九龍公園徑, 我諗西鐵延線通車之後九巴都會改返行彌敦道執客
同埋你覺得回程行九龍公園徑比尖東快D, 定經彌敦道兜油麻地多客d?你懂的

根據巴典資料:
30/6/1994 九巴開辦603線 往藍田方向經灣仔道 堅拿道及堅拿道天橋往東區走廊
29/8/1995 往藍田改經怡和街 高士威道及興發街

28/10/2002 運吉正式批准307線全日服務
2/12/2002 307線往大埔繞經告士打道 高士威道及興發街

姐係話有D路線其實本來來回程既路線相約 但係後來先改路線 又淨係改一邊唔改一邊603同307 小弟有個咁既諗法
603往中環行告士打道 只停差館 分域街 皇后像廣場 等 沿4號幹線行 因為站少 所以客源反而集中 係死曬個站落
去藍田行內街 站多結果客源分散 所以唯有落埋銅鑼灣補數

至於307 小弟覺得只係正於之前版友所講 順住條路係行車時間冇太大改變既情況下食多D客

當然仲有其他可能例如好似170咁 為左減少實際行車時間
華富開: 香隧-->天樂里-->灣仔-->銅鑼灣-->紅隧
沙田開: 紅隧-->銅鑼灣-->波斯富街(銅鑼灣/灣仔外圍)-->跑馬地-->香隧 改為  紅隧-->銅鑼灣-->香隧

paul2357paul 發表於 2017-8-1 08:22
你想260X/268B/269B等線梳士巴利道出黎特登去廣東道尖沙咀段打個轉上客先至出番去彌敦道？
同意sell更 ...

城巴A20已經做緊啲咁嘅野

miklcct 發表於 2017-7-31 21:02
奇就奇在74X、75X南行無一經鑽石山，北行兩條都經，令到74X北行極迂迴。

如果74X北行可以這樣入隧道已經 ...

Google Maps係可以縮短網址的：https://goo.gl/maps/97YgSqVZBGL2
(Menu > Share or embed map > Share link - Short URL)

你提出的是（或類似）74X在1991年6月至1994年1月的路線，但當年西行經龍翔道定彩虹道我就唔記得。同一時間75X往大埔係停完沙田坳道站之後直上隧道。下繁彩虹道塞車唔係人咁品，加上蒲崗村道右轉大磡道盞燈紅長綠短，74X車海線唔適宜咁行。

補充資料：84M/85C於1993年5月至1996年6月期間行大磡道＞上元街＞鳳德道＞龍蟠街上隧道，當年龍翔道東行上蒲崗村道北行，路面劃線所限係無可能右轉鳳德道，直至後來更改劃線才有現在行法。以此推斷75X在1994年1月至1996年6月期間都係行上元街，巴典無講呢一忽，75X過往路線資料話1991年開始有鳳德商場分站明顯有誤。

kei_hk 發表於 2017-8-1 12:45
睇了51的資料﹐以前總站位於元朗﹐之後才改去錦田(1983年4月)﹐同時改行錦上路回荃灣。
之前係一直來回用 ...

現時 51 與 54/64K 有轉乘, 54/64K一程免費