[北港島綫系列]探討將軍澳綫/東涌綫局部直通運行的可行性

053h4 發表於 2017-12-5 11:26
首先, 根本唔存在反悔, 因為根本係有接近一半人反對歐脫, 而家係對佢地利益做成損害先話要重新投票
而且反 ...

如果分手費完全唔關事
英國政府可以大不了照俾囉
咁點解要拗咁耐？
單單呢個分手費足以左右文翠珊有機會倒台
咁都唔關事？
冇人反悔？
大把人公投之後轉軚囉

點解啲人搭新鐵路
就係路面擠塞導致交通不便
新鐵路係提供多一個交通工具改善整體交通
難道鐵路唔係交通？

政府起鐵路係睇交通需求先
南港島綫唔多客嘅話
政府都唔會起
立法會及政府評估道路及鐵路基建客量係要評估公帑運用是否恰當及改善整體交通
而不是你嗰啲鐵路系統完善及使社會更有效率囉

如果只係鐵路系統完善及使社會更有效率，咁應該早啲起埋屯荃、九龍東西綫、仲有網絡改圖入面好多天馬行空嘅鐵路都得㗎，立法會唔應該反對喺林村、石崗、馬灣、西貢、黃石、大潭、赤柱、清水灣、大澳、東平洲 起鐵路去「完善鐵路系統及令社會更有效率」喎
係咪先？

053h4 發表於 2017-12-5 11:39
作為一般乘客, 搏柴小"服務改善", 不如靠港島島線直接有車到灣北添馬港島北重好
新城垃圾係人所共知, 有 ...

咁換綫方案咪幫到佢港島東有直車去灣仔北囉
係有時要比平時班次等多兩分鐘先有一班
但政府起多條機鐵隧道喺十號碼頭附近上岸就可以令青衣至柴灣班次全面兩分鐘一班
呢啲都係可以研究嘅方案
而唔係為急急上馬就掃哂落地氊

你答咗我未？
政府應該跟足程序可以最快幾時上立法會尋求撥款？

我想對於一般市民來說，俾多條路行就已經係改善交通
北港島綫的case，重點是增加過海線之間的capacity，efficiency則次之
理應在高鐵和沙中綫工程完畢後優先上馬，甚至最好跟東鐵過海段同步建設。
而且也不見得凡事“efficiency先決，best or nothing”會是一件理想的狀態。

hellomato 發表於 2017-12-5 11:51
我想對於一般市民來說，俾多條路行就已經係改善交通
北港島綫的case，重點是增加過海線之間的capacity，eff ...

一般市民係咁諗
所以先會造就依家不斷用好多唔成理由嘅理由打壓換綫方案迫人接受交匯方案妥協
我都唔prefer all or nothing
但幾百億公帑起一條唔方便嘅路同方便啲嘅路係有分別嘅
起條唔方便嘅路只會令人繼續塞原有舊路
對大家都冇好處

到時港島綫下繁繼續塞爆
你估公眾及立法會唔會嘈爆？
依家唔係單單就依家市民諗咩
而係長遠去諗邊個方案令整個鐵路網絡更完善及有效率
淨係諗市民諗咩就唔會依家要嗌回購領展

我又唔係話唔起北港島綫
本身跟程序最快都係2021-2022先上立法會
只係2022年研究好咨詢好後先上立法會
唔好為咗急就咩數據都未研究就已經買定交匯方案
呢四五年時間足夠我哋諗吓仲有冇其他可行方案
咁樣有問題嗎？

ryandroid 發表於 2017-12-5 12:09
一般市民係咁諗
所以先會造就依家不斷用好多唔成理由嘅理由打壓換綫方案迫人接受交匯方案妥協
我都唔pref ...

2021年好似係預定北港島綫開工，所以過立法會一定在更早時間。
而且交匯係咪真係咁唔方便？何況港島綫和北港島綫之間的分工都叫做明確：
北港島綫建成後，4條過海綫有3條都會經過使用，
而且四個站都在CBD範圍內，可謂主打過海通勤客
包括會展站，其實做兩綫出站返工客多過轉線

至於港島綫就繼續做街坊生意，而且把整個港島北岸連為一體。
這觀點看似是象征意義多於實際，然而鐵路連結社區的能力要比巴士、的士等強大得多。
假如一條鐵路被一分為二，分別連接其他線路，兩段鐵路之間社區片區的關係也會被迅速切割——
上面的現象或許會出現，假如用“換線”的話；
不過這屬於Social Science的命題，我這個工程佬也就不再深究了

hellomato 發表於 2017-12-5 16:46
2021年好似係預定北港島綫開工，所以過立法會一定在更早時間。
而且交匯係咪真係咁唔方便？何況港島綫和 ...

2021年動工係2014 時嘅schedule
了解政府嘅行政及政府動態
就會知道2021年北港島綫上到立法會尋求撥款係有啲危
樂觀睇都要2021年上半年上到立法會
咁都或者可以2021年尾動工嘅
但保守睇至少要2022年先有得上立法會

交匯方案嘅話
睇怕會展乘客上唔到沙中綫過海要坐倒頭車先得啦
呢個就係增加嗰個capacity?
換綫方案至少唔會令金鐘站已經打爆咗沙中綫列車
會展站仲有位上客(雖然都仲會上唔哂)

社區呢啲嘢係港鐵公關技倆
Cultural studies 或者sociology 關心嘅「社區」唔係港鐵呢啲冷冰冰、密質質嘅勞工輸送帶及地產商破壞社區的幫兇
社區係電車、小巴、街坊老店、舊樓、茶餐廳、公園呢啲社區情懷及鄰里間的聯繫

港島東同港島西兩個隔住成個CBD 嘅唔同地區都叫連繫社區
咁港島東都可以同東涌、天水圍、新界東北都係聯繫社區㗎

所以不要俾那些語言偽術騙到

053h4 發表於 2017-12-5 16:08
要快, 2017-18立法會會期申請做設計, 包括探土及施工圖則及各項臨時改道措施
設計加最後咨詢兩年, 2019-20 ...

你唔好一而再再而三講屈我要拖北港島綫三年又三年
你自己又話要跟程序
根本你就唔知程序
2017-18個會期得返半年
港鐵連初步設計都未交俾政府
點樣依家變個詳細設計圖咨詢？
你連程序都唔知就唔好屈我想拖三年又三年

快極都19年上半年先就詳細設計咨詢
快極都21年下半年尋求撥款
呢啲程序冇得慳囉
我話2022年下半年上立法會咁都係拖一年
點樣拖三年又三年啊？

依家唔係個站近邊度嘅問題
係交匯方案令會展站有大批乘客上唔到沙中綫過海
大量沙中綫過海乘客仍然要在灣仔至柴灣塞港島綫直達金鐘轉沙中綫打爆沙中綫架車
或者搭倒頭車去金鐘
我理得個站近邊個大廈
會展站轉唔到車去沙中綫即係廢咗
連帶荃灣綫或者南港島綫及西港島綫嘅乘客都要焗塞港島綫

鐵路喺政府、議員、公眾心目中都係整體交通一部分
市民選擇鐵路或巴士都係交通選項
路面、鐵路本來就係互補
鐵路一直都係扮演分擔路面交通的角色
冇一個鐵路撥款唔考慮路面交通情況而上馬
只有中鐵路毒太深嘅人會將鐵路抽離交通成為獨立個體

借問聲
你唔係支持直通㗎咩？
呢度討論就可以取代政府、港鐵嘅咨詢嗎？
政府、港鐵未討論過直通方案就直去交匯方案又是否叫完成咨詢？
如果要求政府諗直通方案又係咪叫推倒重來？
直通同交匯都要動工前決定㗎喎
唔係會廢咗添馬一層月台
會展至香港條隧道又要再執過
呢啲唔需要俾咁多持份者睇清楚、諗清楚嗎？

撐直通但又唔使政府詳細咨詢係咩玩法？
定係直通方案只不過係用嚟分散反對交匯嘅人嘅「袋住先」假方案？