本帖最後由 HZ8186 於 2018-10-6 22:44 編輯
如果各位之前都有跟開小弟既飛行報告, 相信大家都知道小弟真係無乜認真玩 Mileage Programme - 除左上次小弟飛 KLM 開左個 Flying Blue 之外, 基本上小弟係無其他積分計畫。 本來小弟得知17年年尾會拜訪首爾時, 小弟則向家人提議乘搭大韓或韓亞前往仁川。 可惜小弟家長一直係玩開 Marco Polo, 而今次 Family Trip 亦不例外 - 用Miles換左三張來回仁川既 PEY 之後, 小弟就搭上呢個漢城之旅。
--- Flight Info --- CX416 20/12/17 B-HLS A330-343X STD 16:40 ATD 17:10 (GMT+8) STA 21:20 ATS 21:11 (GMT+9)
--- HKG & The Pier --- 到達機場辦理預辦登機手續既時候, 地勤人員通知三張 PEY 全數已經被升級到商務艙。 實不相瞞, 小弟係對呢個安排感到幾驚訝 - 三張機票都係Miles換翻黎仲可以免費Upgrade,睇黎小弟既家長應該係一粒唔細既菠蘿...
既然有張 Lounge Invitation Card, 咁小弟當然要去坐下啦 - 今次小弟探訪既係 The Pier 玉衡堂。 貴賓室既設計感覺好友善, 除左有非常充足既座位之外, 個空間感都做得好好。 呢個貴賓室既膳食亦非常高質素 - 個擔擔麵係非常好食, 而其他點心都有酒樓級數。 小弟亦點左支 Betsy Beer 飲, 可惜Altitude唔啱 - 支啤酒係地面飲感覺上係偏酸既。當然,對於小弟作為一個遊客黎講, 呢個貴賓室就當然係俾人濫用啦 (曲), 不過如果閣下係一個 Business Traveller , 又想搵個地方抖兩三個鐘既話, 相信呢個貴賓室會非常適合既。
The Pier 既入口 - 小心唔好入錯同名既 First Class Lounge 呀 The Pier 既報紙選擇都算既廣 The Pier 個氣氛係非常 laid back , 小弟幾欣賞
--- CX416 --- 今日既航班係非常準時 - 班機於四點鐘開始登機, 四點四十分準時 Pushback, 再過二十分鐘, 班機已經係馬灣上空。
實話實說, 呢張商務櫈見就見得多, 坐就真係第一次坐 - 係一個三小時既航班上有 Flat-Bed 用, 對小弟黎講已經係一種奢侈。 張櫈的確真係幾好坐, 同時個控制又非常易用 - 雖然個櫈氈對小弟黎講係偏硬, 不過當張櫈完全攤平既話, 呢個硬度則適宜既。 可惜其硬件上有一個缺點, 就係張檯唔係好穩 - 如果張檯有一個位可以keep住張檯係個 deployed 既位置既話, 咁呢張櫈基本上就完美啦
膳食黎講, 今程機既膳食則一般 - 今日既餐單如下 頭盤: 火炙帶子配薑汁沙律 主菜: 蕃茄汁鱈魚配薯蓉及時菜 甜品: 生果拼盤及雪糕
頭盤係非常好食 - 個帶子幾乎係入口即溶, 配上清甜既薑汁沙律, 呢個組合簡直係絕配。 另外, CX提供既蒜蓉包亦做得好好 - 個包係非常香口, 同時食完之後又唔會成口油。 主菜對小弟黎講係有少少跌眼鏡 - 條鱈魚煎出黎唔香, 而個質感就一般 (可能係煮完之後翻熱既後果?) 小弟既家長則點左一個韓國拌飯作主菜 - 值得留意既係 CX 使用既白飯為韓式叮飯, 而上盤既時候係連埋個包裝上。 當然各位香港人都應該知韓國既叮飯係品質保證, 但係連埋個包裝紙一起上盤會否俾到其他非本地 J客一個好cheap既感覺, 引致誤會呢?
最後, 小弟揀左 Summer Berries 既 Haagen Dazs 為呢個晚餐打一個完美既句號 - 感覺上, 作為一個三小時航班既晚餐, 個份量係適宜, 唯主菜既質數則與小弟既期望有少少落差。
國泰既 IFE 方面相信各位讀者都應該唔陌生啦,小弟就唔會係呢度詳細介紹啦 - 成千上萬套電影+大碟 - 總有一套電影係啱口味既。 不過對於一位搭左年半歐洲既航空公司 (BA/LX/KL) 既鹹魚 (i.e. 我), 突然間對住一個咁豐富既 AVOD 系統, 小弟真係有少少唔慣。雖然個IFE設計係非常好, 不過CX 提供既既硬件配套就差左少少 - 個音質係非常之靚, 不過個尺寸則細左一個碼, 全程un住隻耳咁用 - 過左兩個鐘之後真係頂唔順, 用翻自己既耳機手機播歌算。
餘下既航程則無驚無險渡過 - 除左係釜山上空遇上氣流之外, 班機係無驚無險係當地時間九點十一分抵達仁川。
親，你個國旗壞左啊
Welcoming Drink & Warmed Nuts
A Close-up of the menu
頭盤: 火炙帶子配薑汁沙律
主菜: 蕃茄汁鱈魚配薯蓉及時菜
相信每位港人都熟識的 IFE
安全卡
總括而言, 呢趟旅程是否 #lifewelltravelled 我就未知啦, 不過我可以好肯定地講呢個係 #mileagewellspent 。 作為一間傳統既航空公司, 佢既 Business Class 既服務可以話係非常周到, 真係可以睇得出佢對商務客既重視。 雖然日後都真係無咩機會搭國泰, (之後都計畫緊搭 Air France 同 Finnair) 不過如果日後有機會再次乘搭 J 既話, 相信小弟我都會十分之期待~~
--- End ---
下列係其他小弟既飛行報告 歡迎大家入去睇下~~ 浸鹹水遇溺記 第一回 LX139 LX460 HKG-ZRH-LCY 巧遇 Avro RJ100 的故事 浸鹹水遇溺記 第二回 BE1429 SOU-EMA 一個乘搭 Repositioning Flight 的故事 浸鹹水遇溺記 第三回 KL888 KL1515 HKG-AMS-NWI 尋找 Fokker 70 的故事 浸鹹水遇溺記 第四回 KL1426 KL887 BHX-AMS-HKG 被 Avro RJ 尋找的故事 | 
樓主