51拆線建議

ryandroid 發表於 2018-4-4 08:43
51係社會責任綫
有咩社會責任咁勁
要蝕住錢都要滿足行山人士星期六日 15分鐘一班？

而家上村調頭都要90分鐘一轉
拉完左仲得80分鐘一轉?

你硬要斬一堆人係欖隧轉車唔係唔得既
不過要老九止蝕肯定有更好方案先囉
而唔使勞民傷財玩咁大

Snoopy@FB8617 發表於 2018-4-4 10:51
而家上村調頭都要90分鐘一轉
拉完左仲得80分鐘一轉?

你搭過51未？
上村調頭要90分鐘？
你肯定？

ryandroid 發表於 2018-4-4 08:43
51係社會責任綫
有咩社會責任咁勁
要蝕住錢都要滿足行山人士星期六日 15分鐘一班？

51係社會責任綫
有咩社會責任咁勁
要蝕住錢都要滿足行山人士星期六日 15分鐘一班？

佢社會責任到一個鐘要預 240 人嘅運力上山，未計上村元天客。唔好比我睇死，如果唔夠載嘅話，運吉都會逼佢開臨時加班車 (which 我反對嘅，我認為社會責任線 =/= 強逼食死貓，所以運吉都會 approve 平日一個鐘一班)。

睇翻上次山頂結霜嗰次 http://www.hkitalk.net/HKiTalk2/ ... read&tid=944278 的確亦有其他版友有聽過上一個蝕一個嘅講法，當然真偽相信要內部人士先答到 (擺埋 source唔好話我發放失實消息啦)，又或者攞翻我之前嗰句，就算真係咁，慳到五日嘅蝕兩日影響唔大。你可能話，佢肯不斷出加班車，證明唔會開一班蝕一班，我就覺得你跟死時間表開車，運吉都會話你唔負社會責任 (陰謀論呢啲「永遠成立」嘅命題，永遠冇得推翻...)。比多個例子你，中秋節 75K大尾篤尾班頂閘留後，應唔應該開加班車？全世界都跟足佢時間表去等尾車喎。似乎呢種道德上逼住做嘅做法，就係社會責任。應該存在嗎？可以討論，但現況我可以袋住先。

BTW 條 link另一亮點係話 AAU可以入停車場調頭，要慳油嘅當然可以考慮縮縮佢 (HB兄嘅 R車可以考慮，但係荃灣開根本飛唔到好多站，縮短更遑論加價)，觀景台個站自己唔知支唔支持到三個字一班嘅客量？Link入面話結霜當日荃錦好多車，巴士都入到停車場調頭嘅話，平時應該只係睇有冇要警察趕車嘅需要。

二十人點解唔book 旅遊巴

Em... book 29 座Rosa？專利巴容許企位相信已經慳左好多路面空間，不過好耐之前運吉都想比小巴上去所以唔討論住。我就 concern book旅遊巴嘅價錢嘅，51 $8.9當 $9，當你齊29人 book Rosa = $261，呢個價錢 book 唔 book 到煩請其他版友補充，但係再小人啲，有冇公司肯接咁短途都成問題。

關於行車時間，巴典就寫 27.3 + 29.3 = 56.6，平日用兩架車 (01, 02)應該係驚過鐘同比司機抖，預佢一個鐘一轉又太抆水，就算司機休息時間長，班次起碼易計好多 (預 75/90分鐘一班用一架車客點等)。假日若然出齊 01, 02, W01, P01-03，15分鐘一班的確係計 90分鐘，收一架都係 75分鐘，兩架就 60，四架車 20分鐘一班係抆左啲，司機都係人唔駛下下即捕即解嘅，車務繼續等其他版友補充。

視乎實際情況睇下客量分佈同邊個方案蝕少啲/賺多啲再決定cut 唔cut 車囉
荃灣等車多咗五分鐘
不過換咗大欖隧道轉車站做分流
至少再多人等車到班班頂閘
都有得去大欖隧道至少上到車先

重點仍然係大欖粒糖唔夠甜，你個 model assume 50% 人會轉軚，但係你個吸引力唔夠大唔會 reach equilibrium 呢...成堆人搏荃灣上到車，上唔到車你 assume上唔到車嗰50%會自動轉軚，當佢地全部識得去大欖轉，又有人會覺得荃灣啲野平啲呢，又有人會想坐低食早餐呢？我少行山不過幾肯定呢堆唔係 negligible minority。上到車嘅唔會轉軚，所以我之前好樂觀咁比左 25%個數比你睇條線頭重腳輕。呢 25%有幾多個接受到三個字一班車變半個鐘一班車，有幾多個又接受到「喂你唔好上呢架51住，我入到青衣唔知幾耐到」呢啲時間上嘅 unpredictability (尤其生客)？日間半個鐘一班嘅獨市旅遊線，真係會趕客嘅，constant demand導致一條線所維持到嘅班次係在乎於總客量，但係唔代表每個禮拜做緊同一班人，翻工翻學線有字軌客日日搭，旅遊線嘅班次只係代表有幾多%嘅人口上山 support 呢個班次，但係佢地唔係字軌客，佢地可以揀去其他地方行山嘅，你交通唔吸引佢揀唔去，傳開去總客量唔見得會升。

不過講真佢個位置真係點都唔夠荃灣靚，荃灣本身都係一個會吸引到人去食飯濕平嘅地方，買野有小店街市大商場，食野有快餐扒房素食高中低級全齊，最緊要係佢有鐵鐵鐵鐵鐵鐵，有兩條好重要嘅鐵所以講六次，論 accessibility 同知名度荃灣完勝，論距離同車錢，恐怕大欖轉車站變成一個新市鎮都好，市區人都係揀荃灣，反而如果西鐵車廠有西鐵站咁又可能得喎，但係一車西鐵人又有咩誘因唔荃灣西落先？你條巴士線同條鐵平行冇需要逆走呀。市區人搭荃灣線又唔貴，更加唔會轉啦。

JH_LE4612 發表於 2018-4-5 04:47
佢社會責任到一個鐘要預 240 人嘅運力上山，未計上村元天客。唔好比我睇死，如果唔夠載嘅話，運吉都會逼 ...

社會責任唔係服務行山團的
社會責任只係講緊平日都要有一個鐘一班去俾市民搭而唔可以直接取消
唔好將社會責任放到無限大到假日開十五分鐘一班

停車場調頭？
請問荃灣去郊野公園站之後點入停車場掉頭？
你不如建議停車場改做巴士站先？

我講30分鐘一班係針對你哋話蝕錢
依家你哋話唔蝕錢兼有賺時
你quote 我嗰段係議緊以四架車20分鐘一班試行延長至大欖隧道轉車站
只要有四分之一嘅客改經大欖隧道轉車站都已經值得改綫
當延長後荃灣二十分鐘一班不再頂閘時就可以用實際情況及數據再探討是否需要cut 車進一步止蝕
唔係你捧到荃灣天咁高咁就斷定大欖冇客上

JH_LE4612 發表於 2018-4-5 04:47
佢社會責任到一個鐘要預 240 人嘅運力上山，未計上村元天客。唔好比我睇死，如果唔夠載嘅話，運吉都會逼 ...

51係要90分鐘一轉係咪即係6架車？
係咪司機揸一個鐘就休息半個鐘？
你自己諗清楚吧

如果係會俾司機休息15分鐘嘅
咁咪5架車囉
我改30分鐘一班其實都係跟返實際班次少一架車慳錢

唔講慳錢cut 車了
照用返依家實際用幾多車計
當去上村15分鐘用5架車
去大欖隧道轉車站都係20分鐘用5架車
只要有25%嘅人轉用大欖隧道轉車站就已經值得改綫
係無關依家實際用幾多部車
而係維持相同用車數量定cut 一架止蝕嘅問題

補充一句，據巴典所講（好耐之前望過），aau6,即w01車係51專用後備車，以免啲車過鐘/突發事件如大帽山落雪而穩定班次用，所以實際上51逢一至五用2車，六日同公假就5車

ryandroid 發表於 2018-4-4 12:58
你搭過51未？
上村調頭要90分鐘？
你肯定？

sorry我錯75分鐘一轉
咁用5分鐘可以來回轉車站至上村?

你expect人地去欖隧轉
但有咩原因要係欖隧轉先
想減成本既
15分鐘時段減一半車係英雄亭/荃錦頂調頭仲實際

大佬，小巴公司會肯合併咩

深圳比亚迪 發表於 2018-4-5 15:33
我認為如果cut短51荃灣到大帽山調頭，
收6.8蚊，保持川龍雙向分段，加密至日間15分鐘一班，夜間半小時一班 ...

你打份報告，快快send去俾運吉同區議會