2019-2020 年度荃灣區巴士路綫計劃

limited 發表於 2019-1-29 01:09
話俾多個選擇青龍頭乘客用屯轉轉乘出九龍東/沙田/尖沙咀等

傻的嗎，青龍頭出市區係向東走，屯轉係向西，點會走去搭反方向嘅巴士？！梗係234A去荃灣轉，52X去美孚轉，962B去上環轉啦。

andy92 發表於 2019-1-29 13:39
230X 入楊屋道應該會趕哂大涌道班客搭 30X/234X/234P

反而 30X 入如心有機會吸到部份酒店自由行旅客，而 ...

根本佢呢個舉動就真係好奇怪，
230X 作為繁時特快，佢就走去郁佢行楊屋道，
30X 應該要改行楊屋道爭客仔，佢就為插旗而插旗兜入去如心廣場一個圈就走返出黎。

成個方向其實真係冇問題，但係得出黎嘅結果就係搵笨至極。

我好理解有時有啲野要慢慢黎一步一步做，但一步一步都唔係咁樣做。
其實今次如果佢建議 230X 全日化，30X 取消，現有 230X 轉為 230P 咁樣呢，
今次我會同意。

某程度上 230X 呢個定線做全日根本比起當年 30X 上西九龍走廊更加實用，
最少唔似得當年咁同 234X 互片搶客，同時又有班楊屋道客撐場頂住，條線點都唔會比 234X 食返轉頭。

但係唔係好似而家咁，30X 仲要死攬住個荃灣站同大河道為乜？
而家大河道條橋都通埋，人地直上已經港鐵站仲需唔需要等 20 分鐘一班嘅 30X。
呢個問題其實我都幾懷疑而家佢建議下，咁樣兜入去如心廣場究竟可以爭幾多客返黎？（其實佢真係做酒店客多，新樓嘅住戶我真係唔覺得會揀佢）；反之今次我就幾睇好 230X 個定線。不過作為繁時線，要荃景圍放生條 230X 唔係唔得嘅，真係開返條 230P 未有機會囉。不過資源有限之下，30X 朝早唔開車先有機會做得到。（不過對於九記黎講收貴左成個 level 又未必唔想做）

但係長沙灣道堆客仔又係一個問題。又假如 30X 全日九龍方向唔經荃灣，轉行大涌道直出去減返 30X 本身所需兜路嘅時間的話 ……

其實方案有好多，只係絕對唔會好似而家九記呢個咁樣無啦啦兜入去當了件事咁。

LAK2 發表於 2019-1-29 13:55
40 直頭可以改用新230X行法經西站、楊屋道走
(反而油荃可以用290行法，主打九龍灣至荃葵)
而38A/40A 更 ...

40 而家開左個頭，加上向來定線係咁都幾難可以改定線。

我都係堅持我個睇法，就係麗城當年咁心急搶 40 返黎就係不智，
假如搶到條油荃入城，成個觀感就唔同哂 － 最少唔需要左兜右兜，兜到出美孚先上路。

而家楊屋道個邊都係比油荃做架啦，
40 就死左條心佢啦。

miklcct 發表於 2019-1-29 13:57
傻的嗎，青龍頭出市區係向東走，屯轉係向西，點會走去搭反方向嘅巴士？！梗係234A去荃灣轉，52X去美孚轉 ...

出荃灣/美孚轉第二程就未必搭九巴（例如尖咀多數轉鐵，東九轉紅Van/鐵）

而家保送去轉車站轉車收屯門價，九巴點都多左錢落袋，居民搭車又平左，雙贏

HR1377 發表於 2019-1-29 13:50
如果換條沙田線不經大窩口和葵涌，海濱DC有機會反對

反而換條東九線可以令40飛走美孚，變觀荃「真」特快 ...

呢個就係魚與熊掌嘅問題，
上面係講緊「換線」嘅情況之下姐，
當然區佬係絕對可以同巴士公司甚至運輸署討價還價去爭取最大利益。

換句話講，咁未睇下究竟佢地認為葵涌重要定係沙田、甚至其他地區重要而已。

見有啲人講海濱，重申幾項重點：

一、假設成件事係以覆蓋 38A 原有客源再善用嗰三架車為主要目的
二、38B 唔順路，唔會有人坐足全程，無意思。只要有好嘅方案，cut 咗條阻頭阻勢嘅廢線係好事
三、如果用城隧線而拆 49X，入海濱嗰條出大窩口葵興係無補償，不如拆 48X
四、40A 誠然走線上影響最小，但問題仍然係 40A 自己無車可用
五、我估計有人 (渣) 會跳出嚟話「做乜要人哋俾資源海濱」，所以講定先：用上面講嘅任何一條線嚟做 / 拆都好，就算唔入海濱，佢哋都已經 cover 緊區外往返葵興甚至大窩口荃灣嘅路段，入海濱其實只係多咗駁腳嗰段路。38A 呢三架車其實只係覆蓋呢段 extra cost，計落（尤其是 40A / 240X 情況）其實都係海濱俾資源出面做全日，而唔係調番轉頭嚟講。
六、而家起壞咗個頭，我估不論係鄒秉恬定係鄭栢強 / 莫遠君，都會死攬住條廢線 38B 唔放，更何況沙田嗰邊都有人嗌過想要 38B（多謝抬舉，不過 no thanks）

AVD1 發表於 2019-1-29 14:04
40 而家開左個頭，加上向來定線係咁都幾難可以改定線。

我都係堅持我個睇法，就係麗城當年咁心急搶 40  ...

40 入麗城，其實只不過係令麗城同荃威海濱一樣，有條線真係落葵興俾人返工，唔使死等 302。

AVD1 發表於 2019-1-29 14:04
40 而家開左個頭，加上向來定線係咁都幾難可以改定線。

我都係堅持我個睇法，就係麗城當年咁心急搶 40  ...

但油荃入唔到觀塘道呢
再講而家40拉左入去差唔多兩年
油荃先開波講招標
有得搭總好過冇得搭

238X 發表於 2019-1-29 14:18
40 入麗城，其實只不過係令麗城同荃威海濱一樣，有條線真係落葵興俾人返工，唔使死等 302。
...

如果40入麗城俾麗城居民毋須死等302去葵涌返工，不如開辦34P繁時單向線，朝早由灣景花園至葵涌道葵芳邨，下繁由葵涌道葵芳邨開往灣景花園

238X 發表於 2019-1-29 14:13
見有啲人講海濱，重申幾項重點：

一、假設成件事係以覆蓋 38A 原有客源再善用嗰三架車為主要目的

請問點樣拆 48x? 唔好講話荃灣來回沙田, 就算係灣景往返可風梨木樹都有客源. 仲未計大把梨木樹人肯比 $8.1 由麗城至眾安街各站返梨木樹.