深夜荃灣綫炒車 車長受傷被困 (金鐘至中環已恢復正常服務)

solomon 發表於 2019-3-18 19:37
小濠灣幾卡後備車箱已成零件車，要出返嚟行都要時間安裝零件，然後測試後先可以出車，而聞說當年正因為零件 ...

真係零件極短缺嘅據我所知只有B/C459，同埋要修復A/C131都極可能要拆呢兩架車嘅連接位組件落嚟改，不過唔好唔記得仲有相對上新啲嘅B/C493同D737/784

barking 發表於 2019-3-18 18:49
控制室 mon 直至 call cab 可能有 delay 。
應該一早通知cab 佬今晚搵你試嘢，無論任何情況今次入站在80 ...

無可能事先知道會炒車
可能尋晚試車並唔係試果個波口, 而係試第二度, 架車行緊過去
要睇晒成個試車時間表先知乜事
雖然不排除港鐵推責既可能, 但亦可能港鐵早已經試過果個位, 點知尋晚都係炒左

053h4 發表於 2019-3-18 18:10
雖然話軟件有事, 但似乎其實按排人手去MON機, 可能有機會避免相撞

一來測試計劃應該係預先準備好, 所有人 ...

坐房睇mon未必了解到最前線(列車)的情況﹐因為個mon唔可能好細緻去表達到列車的位置﹐只能粗略地表示列車位置。
試想想﹐2個車站的一段路﹐最近都幾百米(旺角/太子-586米)﹐試問你在三幾部電視﹐點去細緻表達到出來。

再加上﹐可能有少少delay﹐點都唔夠列車司機去直接發現問題。


至於列車司機﹐正常就係需要睇訊號燈及前路情況﹐明知係做測試﹐就唔會百份百相信訊號系統﹐隨時做好停車準備。

根據報導﹐列車司機係有反應去按停列車﹐如果無做得話﹐這位司機應該唔可以自己行上白車。

以此推測﹐司機有機會係見到可前進的訊號燈﹐又見到列車自己行緊﹐就去睇前路。
當發現有異樣﹐見到有機會撞車﹐就即時按制急停。
要知道行駛中的列車﹐唔係話停就停到﹐在未能完全停下的時間﹐就撞到前面的列車。

有陣時為左要做測試﹐總會去到最後關頭才會人手按制停車。
太早按﹐就未去到系統設計的停車位﹐試唔到系統是否正常﹐只是司機比系統更早做反應。
去到死線才按制﹐列車又未必停得切﹐就成為今早的事件。
(日常行車司機早過系統按制停車﹐就沒有問題﹐因為系統只係一個把關﹐最重要都係司機本身)

053h4 發表於 2019-3-18 22:05
可以的，本來鐵路信號就要即時匯報所有資料比主機判斷列車位置同車速，呢套重要係移動自動閉塞系統更加要 ...

如果唔係軟件層面有超低級錯誤﹐就唔會發生今次事件。

因為無做到有列車過波口時﹐封鎖其他車行經波口。
如果無這個超低級錯誤﹐列車就應該識在波口前停車﹐就唔會發生撞車。

成條線仲有唔少波口位﹐真係要詳細檢查其他波口位﹐特別係荃灣掉頭位﹐差不多係相同環境﹐唔知會唔會同樣地出問題。

053h4 發表於 2019-3-18 20:58
其實成百噸撞擊力，其他車廂都可能因受到較大衝擊力而內傷，要詳細檢查先知要幾多錢整。個人認為整的機會好 ...

其他表面上冇受損嘅車卡，當然都會再進行檢查同埋測試先至會重投服務，即係確保冇你所講嘅內傷問題

其實點解閃燈路線圖同西鐵路線顯示屏仲show荃灣線可以去到中環？呢d科技嘢就係突發事件用嘛

LokManSiu 發表於 2019-3-18 20:40
冇錯，兩抽砌成一抽喺短期嘅做法，但係照我睇，雖然部車撞到車身完全毀爛，但係應該有部分機件係冇事嘅， ...

其實﹐當荃灣線新訊號系統正式使用﹐亦同時代表新車可投入服務(最多只係再遲多一兩個月﹐以作不載客於日間試車儲里數 "出牌")。

當新車可投入服務(據報已經有3抽新車到港)﹐自自然就即時解決1抽車報廢而唔夠車使用的壓力﹐就不用花錢去做維修這抽列車。

所以﹐出事2抽車應該會盡快重組成1抽之後。
餘下的車卡是否做維修﹐真係睇下少左1抽車之後﹐對於整體後備車是否仍足夠應付。
最多只係輕微減班﹐繁忙時間出少1抽車﹐以解決問題。

除非更新訊號系統真係要推倒重來﹐否則1年半之內一定完成﹐正式上場。
我就唔信M公司真係為左1年半唔夠車﹐而去花錢去維修半報廢的列車。
隨時﹐器官移植 + 訂欠件去大嶼山幾卡閒置車卡﹐隨時都用半年時間﹐再加埋試車時間﹐隨時加埋9個月﹐介時可能已經可以轉用新訊號系統。