[破局] 重組182/182X/982X + 開辦981來往沙田及西區

I20091157 發表於 2020-9-3 12:51
同意沙田過海線要執一執，尤其繁時行西隧係好
但我認為182X全日好D，始終紅隧平D，可以過獅子山隧道後直去 ...

如果182X直接全日，南行你打算點行？好似會好塞車......

castanopsis 發表於 2020-9-3 19:29
如果182X直接全日，南行你打算點行？好似會好塞車......

學而家182X咁，（當然相反方向），獅子山後直去紅隧。
當然怕唔夠客可以停公主道D站。
始終非繁忙時間用返成本低D嘅隧道都合理。
但是182X建議上繁後才提供服務，繁忙時間我都prefer行西隧

我之前出過另一個981嘅建議係經禾輋+美林（路過銅鑼灣村口，唔兜入去）而唔係富豪，而且唔經西營盤，不過被人話太慢先上到青沙。而當時我係鋪埋後路，太慢嘅話就索性拆線，用681服務77區，680X轉全日。

本身 103 上繁南行都係得一個鐘三四班，唔見得會抽到兩部車出嚟行 103A 之後仲 keep 到 103 20 分鐘一班，全日南行無咗快車都唔容易過。

I20091157 發表於 2020-9-3 20:25
學而家182X咁，（當然相反方向），獅子山後直去紅隧。
當然怕唔夠客可以停公主道D站。
始終非繁忙時間用返 ...

紅隧北行有巴士線插隊
南行唔同，唔止繁時塞車，連非繁都會倒塞到公主道
就算飛走曬九龍堆站，行車時間仍然唔吸引
港島段如果直接跟182X/101/111行灣仔道，就更加要塞埋時代廣場落橋位
就算跟182直行告士打道，就同會展/金鐘站打到正，而塞完車大部分時間都係快唔過鐵
唔係好理想

政府2023年開始應該會代繳西隧隧道費
如果條線係打算東鐵過海之後繼續做落去，隧道費支出係minor concern
所以都係prefer南行行西隧避塞車，北行做返灣仔道行街食飯客

miklcct 發表於 2020-9-3 21:25
我之前出過另一個981嘅建議係經禾輋+美林（路過銅鑼灣村口，唔兜入去）而唔係富豪，而且唔經西營盤，不過被 ...

睇過你份建議
雖然走線望落似，但實際客源同目的都好唔同

我條981
主要客倉係西營盤<>沙市/石門
再順便補埋182富豪漏洞，以及77區出中環既真空位
西營盤<>沙田/石門班客，東鐵就算過海都仍然會慢過巴士唔少
變咗就算中環/金鐘客流失，條線都仲有生存空間/存在價值

你條981，就真係同東鐵打到正，無客都無西營盤客打救
77區/濱景/沙市，從來都唔係客倉位，再拆線就更加危險
版友對條線前景有疑慮，正常

另外想問，如果你條981唔做富豪，咁182你打算點算？

ATSE40 發表於 2020-9-3 21:36
本身 103 上繁南行都係得一個鐘三四班，唔見得會抽到兩部車出嚟行 103A 之後仲 keep 到 103 20 分鐘一班， ...

其實除非真係上半山
否則103原有乘客係可以搭103A，就算銅鑼灣都可以伊麗莎白大廈行過去
就算103/103A各自30，聯合15分鐘一班，我覺得都唔係太差

例如將103頭15班車，改為——
0600 0615 0630 0645 0700 0715 0730 0745 0800 0815 0830 0850 0910 0930 0950
（紅字為103A）


應該可以接受？

castanopsis 發表於 2020-9-3 22:35
睇過你份建議
雖然走線望落似，但實際客源同目的都好唔同

西營盤連一條905都做得咁樣衰，我都唔睇好再開第二條西隧線嘅需求。你再開條咁嘅線，引晒班客落西隧口之後就已經跳晒車，轉車去上環／中環。

重有，嗰條所謂沙中線係連中環都唔到嘅，我專心做好上環中環，客源基礎點都多過西營盤。我唔做富豪嘅原因係因為做咗富豪就一世做唔到禾輋，咁我唔郁182就可以有空間做禾輋。重有我額外做多過美林呢個鐵路盲點，我諗美林去中環嘅需求點都多過沙田市中心去西營盤嘅。

如果我條線77區出中環嫌慢，咁你條線兜埋西營盤，更加唔會有77區嘅人搭，所以如果拆線嘅話會用681食681P，咁77區就肯定會搭條線出銅鑼灣啦。

miklcct 發表於 2020-9-4 09:38
西營盤連一條905都做得咁樣衰，我都唔睇好再開第二條西隧線嘅需求。你再開條咁嘅線，引晒班客落西隧口之後 ...

905係巴士公司做得樣衰，主因係收費太低，同成本不成正比
但計客量，就算今時今日，905仍然係西隧線數一數二
已經未計904/971/970/970X都有唔少西營盤客
加加埋埋西營盤係唔係少過海客，我好有疑問
特別係咁行會有雙向客源，兩邊坐得滿，係好過一邊頂閘一邊吉

源禾路/富豪問題
如果981做源禾路，182做富豪，咁水泉澳點算？
源禾路多客過富豪我明白，但差距一定無一個水泉澳咁大，無理由為咗源禾路棄水泉澳
特別係源禾路本身仲可以行去沙市上車/搭280X轉，繁時源禾路亦可以搭沙市火炭開真特快

對77區而言
富豪>沙市>青沙，係快過源禾路>沙市>美林>青沙
就算兜埋西營盤，我個版本對77區都唔會慢過你條線，何況想快仲可以西隧跳車
Again，77區中上環唔係條線既主要客源，只係順便做埋，吸引力差少少都尚可接受

castanopsis 發表於 2020-9-4 14:38
905係巴士公司做得樣衰，主因係收費太低，同成本不成正比
但計客量，就算今時今日，905仍然係西隧線數一 ...

905而家非繁忙時間已經閒閒地16分鐘一班，同904已經相差唔多遠。

時間上富豪=禾輋，但係西營盤>美林。重有水泉澳係新區，禾輋+瀝源係已經發展成熟嘅區域，兩邊可容納人口相若，所以後者（舊區）會需求多過前者。
如果你話禾輋可以去沙市搭車，我同樣理據水泉澳可以去博康搭車。

重有你係唔係打算一世唔做美林？因為美林對出嘅大圍顯徑已經註定保鐵嘅啦，對面河亦有170／182，但係美林如果有線直到西隧口就會有絕對優勢。