我認為一條機場路線單以繁忙時間行走,去定奪該線夠唔夠客係唔足夠.因為機場是廿四小時運作,任何時候都會有人上班下班,單靠某一時段,甚至某一兩班的客量去反映該線需求,實在唔足夠.
雖然我不是四順,秀茂坪的居民,但我都會估計當時大家辛苦爭取開辦機場的目的,除左服務在機場上班的居民,亦希望有條真係去機場的巴士線,唔係麻煩地拖住行李,仲要搭車落地鐵站再轉地鐵/或者巴士.咁樣實在太唔方便.
況且,我亦都認為巴士線,尤其是機場線,唔可以單以某一轉的客量去取決佢有無存在價值.莫講話機場上班族,就連真係搭飛機嘅旅客,大家都唔會估得到有幾多;一日都有咁多班飛機升降啦.
所以我認為E22B要試辦,其實應該辨全日.試三個月好,半年好;每日一小時一班好,半小時一班好;就算全日行單層都無問題,起碼試辨得番來的數據都會準確些.如果全日都係得小貓三四隻,我諗大家都應該心服口服.
其實宜家A41P,A10等班次都唔係好密,有時某D班次好吉,但有時又好爆,客量一樣唔平均;但整個固定時間表,相信乘客都願意等,甚至可以自己"因"時間.從巴士公司角度,可能全日條數拉埋都可以COVER營運條線呢!
況且,E22B行個條龍翔道附近,相似路線係繁忙時間有E22,E22A,E22P,E23,E23P,攤薄左已經固定嘅上班客,浮動嘅旅客又唔會集中係個時段出現,咁其實對E22B個客量數據都唔係咁有利架.
總結:現時E22B唔夠客,唔足以反映現況需求. |
