北港島綫的最新消息：建議方案 VS 替代方案

s3n370 發表於 2021-11-20 01:34
換線一定唔會俾交匯方案平，即使有添馬站。

添馬無論係設站定剩係隧道都好，

藍田站一出站就有預留位駁去油塘站，但係東隧嗰邊就無預留位駁去油塘站，當年有停運過呢段觀塘綫做接駁工程嗎？
鰂魚涌站下層管道一樣係無預留位駁去北角站，當年有停運過呢段觀塘綫做接駁工程嗎？

s3n370 發表於 2021-11-20 01:34
換線一定唔會俾交匯方案平，即使有添馬站。

添馬無論係設站定剩係隧道都好，

咁隧道興建方案又不是只得明挖隨填既，而且不要太少看添馬站的成本及興建難度，tonyng兄特意bold咗 interface這個因素出來是有意思的。

至於接駁隧道的問題，無論交匯或是換綫方案都需要在運作中的鐵路隧道旁開挖，而且都有需要在特定日子暫停列車服務。雖然交匯方案的風險相對較細，但這並不代表採納換綫方案就一定會顯著增加成本。

P.S: 其實我個人反而會建議東涌線伸延至鰂魚涌將軍澳綫月台下方，中途只加會展站（及預留銅鑼灣北/維園站）就最好，而全程基本上只在地底開挖隧道及興建一個轉乘站。這樣建造風險（包括對現有路線的影響）可以降至最低，而成本亦相對較易控制。將軍澳綫可以直駁香港站的方案分流效果雖更好，但這偏偏受制於香港站下的樁柱及龍和路交通，工期、成本及風險相信會更高。

westrail 發表於 2021-11-19 19:08
咁隧道興建方案又不是只得明挖隨填既，而且不要太少看添馬站的成本及興建難度，tonyng兄特意bold咗 interf ...

添馬站及隧道：响填海區，條隧道仲要係淺層。
唔明挖隨填仲可以點起呢？

就算真係有難度，
旁邊大大條落成無耐嘅中環及灣仔繞道隧道。
沙中線响附近穿過，
香港站越位隧道延長工程，就算耐少少，都係呢個世紀嘅事。
鄰近咁多新近落成嘅隧道工程，
添馬站/隧道究竟有乜咁特別，唔可以搵番呢D前人經驗去參考呢？

交匯方案响香港站及會展站已興建預留位，
相對遠離營運中嘅鐵路。
而响天后廟道附近嘅將軍澳線隧道，
同港島線隧道有一定距離。

而換線方案需要直插港島線隧道，
兼且要改建營運中嘅港島線隧道。
兩者難度同風險係差天共地。

hokachung 發表於 2021-11-19 19:02
藍田站一出站就有預留位駁去油塘站，但係東隧嗰邊就無預留位駁去油塘站，當年有停運過呢段觀塘綫做接駁工 ...

咁換線涉及嘅港島線隧道，地質同結構究竟似你所提及，
無需停運嘅藍田段隧道（承受不均壓力能力較佳嘅箱涵隧道）、
鰂魚涌段（深入堅固岩層嘅隧道）、
定係上環（泥層入面嘅鑽挖隧道）呢？

s3n370 發表於 2021-11-20 02:00
東將直通雖然對客黎講係方便D。
除佐上述嘅將兩隧連埋嘅風險問題，
仲會有個唔顯眼嘅副作用。

「過兩次海收少咗錢」呢個係non-issue，舉例而家佢個app油塘／尖沙咀／奧運三個站之間路程都係建議過兩次海。

就算交匯／換綫方案，東涌綫來往將軍澳綫都會大把人選擇過兩次海轉一次車。

講返假如將軍澳綫延長至香港站，都可以考慮新月台放在民祥街地底，可能要佔用機場快綫第二月台預留位，最大障礙似乎係東涌綫大堂往F出口兩條電梯及停車場，我唔知停車場在該處的立體空間如何，亦唔知預留位闊到去邊。

就算冇添馬/銅北站，係唔係都應該接駁到東涌綫先至能有高效益呢?

214P_world 發表於 2021-11-20 17:41
就算冇添馬/銅北站，係唔係都應該接駁到東涌綫先至能有高效益呢?

東涌線接駁會展站的效益無疑是大，但金鐘站日日人山人海，東鐵乘客很可能會在會展站轉將軍澳綫，到時將軍澳綫還可不可能兼顧埋東涌線的乘客也成問題。

westrail 發表於 2021-11-20 03:08
咁隧道興建方案又不是只得明挖隨填既，而且不要太少看添馬站的成本及興建難度，tonyng兄特意bold咗 interf ...

添馬站嘅問題似乎不在其成本和技術難度，而係在於附近建築物？樓主bold咗interface似係暗示主要問題唔係車站站體／鐵路走線本身，而係周邊設施，而且港鐵想起但政府唔想都反映咗工程技術並唔係最大concern

DIH 發表於 2021-11-20 17:40
「過兩次海收少咗錢」呢個係non-issue，舉例而家佢個app油塘／尖沙咀／奧運三個站之間路程都係建議過兩次 ...

IFC停車場比東涌綫月台仲要深，要興建通道連接民祥街未必可行

https://www.facebook.com/PNUTCre ... 52/1959823677473052

要拉將軍澳綫去香港站最簡單可能係直接用2號月台做單月台總站，香港:會展 1:1?

DIH 發表於 2021-11-20 09:40
「過兩次海收少咗錢」呢個係non-issue，舉例而家佢個app油塘／尖沙咀／奧運三個站之間路程都係建議過兩次 ...

東將直唔直通，對往返將軍澳線同東涌線沿線係唔大分別。
但對於荃灣線及西鐵線就有。