本帖最後由 KM8453 於 2022-1-31 00:39 編輯
我同意你說法，應該進一步分析、舉證去討論，唔好太理想、唔貼地。關於支持開線嘅論據，版友Anonymous、he_01 仔細論及過，有唔少深入、精準嘅觀察（例如援引 E36A 同 E37C YouTube 行車片），實在令我非常佩服。
反而，就你呢段唔睇好新線嘅論述，從深入淺，技術分析，我最少可以點出三個爭議之處：
1. 低估「K76 + 港鐵」組合過檔比率？
你提到，「俾一半你搭新線都只係 400」，我會懷疑，究竟過檔比率係咪只有「一半」。
係我地一貫樂觀、客觀而務實嘅估算下，出屯門市中心以南，新線比「K76 + 港鐵」可以快 15-20 分鐘，加上舒適度更高，上落站位更方便，我認為 50% 過檔比率係未能如實反映路線吸引力。過檔比率，最少應該去到 70%，採取翻你提出「800 人去屯門」呢個數字，到時估計新線人數起碼係560 人（每小時？每兩小時？）。
Anyway，he_01 版友已經提出，400 人已經等於四架 12800 坐滿，560 人更加等於坐滿 6 部 ATENU / 83xx。呢個生意一定有得做。
2. 低估新線客源？
你提到，「天西轉車客，主要黎自 65 同 76」，非常明顯，新線客源絕對唔止來自 K76 嘅轉車客。
起碼，你已經忽略左三類客群，包括（i）751 全程客、（ii）705 同 706 + 港鐵轉乘客，（iii）搭的士出去 / 逃緊票班客。
地區上黎睇，新線唔單止覆蓋 K76 沿線，更加包括左濕地公園（依家乜都無，估計將來 100% 全投巴士），天晴慧景軒，嘉湖北（估計一定唔會比 751 / 輕鐵轉西鐵慢，但係比較舒服），甚至部分天頌天華貪快嘅乘客（參考 265M 成功案例）。
咁樣，新線客量係咪唔止你提出嘅「400」呢？（都係果句，你統計嘅單位係幾多？）
3. 比較地區潛力時候，可比性欠奉？
你提到「輸在隔離有個大個天水圍嘅洪水橋/廈村發展區等住開發，對巴士黎講，仲大好前景喎」，究竟新線沿線（天北、濕地公園、天晴、嘉湖北）係咪同「洪水橋/廈村發展區」有可比性？我極度懷疑。
天北等左屯門特快二十年，嘉湖北條 A73 就取消左差唔多十年。只要新線開左，搭巴士嘅人流同收入就可以即刻兌現。你所謂嘅「洪水橋/廈村發展區」（亦即是北部都會區？），十劃都未有一撇（亦即是無二十都要十年先會開始發展）；況且上述兩區仲有環保運輸系統，到時究竟巴士可唔可以兜入去各個小區，統統未知。
至於你後來講「俾我有資源多嘅話，我就情願放資源去 969，都好過食呢舊瘦肉」，just for your information，天耀 7:38 特班岩岩加入 976 行列，開始放暑假。我估城巴會想將架車放落去 967 / 967X，甚至係 20A，都睇怕唔會係 969 啦。
更加唔好講，呢條線一蚊隧道費都唔駛俾，衰極咪攞黎俾城巴做 967 / 969，將架車送出去屯門 / 送入去天水圍。
| 
