原居民應否有優先上車權?

slsso 發表於 2023-4-12 14:44
無聊假設性問題
無遊客咪開小巴囉，點會維唔到皮

簡單反問你就話人假設，點知你自己仲整個更大嘅幻想
假日客大大話話都貢獻咗唔少收入畀嶼巴，先至令到居民平日都可以用較便宜車費有合理服務
我諗居民都應該有自知之明? 如果唔係有假日人潮，佢地會接受到嶼巴車費加到幾多?

至於你話嘈，要求提供適切服務，唔係唔得，例如再增加班次、擴闊羗山道、引入雙層巴士、開闢新路，呢啲都應該做，但就唔係要攞特權
或者掉返轉，掛banner嘅嗰個商會自己爭取下大澳區內執咁幾間商鋪、唔好開船出海睇海豚，減低大澳吸引力，都可以幫助舒緩返人流過高嘅問題 但就唔係一邊賺住人錢一邊仲想人做二等人

Ohm 發表於 2023-4-12 15:06
簡單反問你就話人假設，點知你自己仲整個更大嘅幻想
假日客大大話話都貢獻咗唔少收入畀嶼巴，先至令到 ...

嶼南又無想像中的無客﹐比起有陸路連接之前﹐已經多了唔少居民。
梅窩有新居屋﹐亦增加了嶼南的居民數目﹐更加引入雙層巴士入嶼南。


非繁忙時間﹐半小時一班﹐差不多等同夾梅窩船。
一班船會有幾多客?
同一時間有幾多部車(線)在梅窩開出?
拉平均計﹐你估每部車(線)載有無十幾廿人?

返工放工繁忙時間﹐你又估下又係唔係真係半小時一班車﹐唔需要加密班次疏導乘客?


所以﹐講到嶼南的乘客需求係養唔起嶼巴﹐我相信今時今日的機會唔係咁大。




而且﹐嶼巴亦唔只得嶼南路線。
所有專利巴士公司﹐都唔會所有線都有盈利﹐一定會用個別高盈利的路線去補貼無盈利的路線。
嶼巴有東涌區內線﹐亦有B線係有盈利的。
換句話說﹐要維持嶼南非假日的基本班次要求﹐無理由做唔到的。
**疫情幾年另作別論。**

Ohm 發表於 2023-4-12 15:06
簡單反問你就話人假設，點知你自己仲整個更大嘅幻想
假日客大大話話都貢獻咗唔少收入畀嶼巴，先至令到 ...

你幻想先陪你幻咋

你講既增加班次、雙層巴士、開新路、擴闊舊路
除左增加班次，無一樣可以短期做到
啲居民忍左唔止幾年，嘈下真係唔過份

我自己覺得總站整 "月票/多程票隊" 短期係可行既
船都咁樣玩左幾年，唔見得對遊客有乜影響

但首先運吉要同無良柏傾掂個票種玩法

我淨係知大澳啲居民會係龍田邨啲分站上車，然後唔使畀錢掂行掂過，不過就多數都要企啦。

Ohm 發表於 2023-4-12 15:06
簡單反問你就話人假設，點知你自己仲整個更大嘅幻想
假日客大大話話都貢獻咗唔少收入畀嶼巴，先至令到 ...

所有野講平衡。有平衡就大家都好地地，側重左其中一邊搞到其中一方要出聲嘈，要用適切政策處理，就大家都無引。你話假日收費補貼平日係事實，咁不如我又反問，居民享受緊平日車費，容忍假日不便嘅界限又喺邊？等半個鐘、一個鐘？而家咪就係超出左界限有人出聲，然之後你又話人地冇諗清楚遊客有份補貼自己，而家冇諗清楚果個係邊個？

另外，點解assume所有大澳人都受惠於旅遊業？做生意都只係一小部份人，其他非受惠居民我諗都有權出聲，真係做生意fatfat果班原居民，都唔在講能力上負擔私家車出入都唔係難事，真特權階級連巴士都唔需要坐啦講經。

其次，所謂特唔權根本大把方式處理，樓上講嘅月票隊已經係一種。

雖則由呢個所謂華商會提出呢點問題睇落係幾矛盾同諷刺，但唔代表民間對於假日難上車嘅呼聲係唔存在。

咁咪叫嶼巴每半個鐘一班居民先可以用的班次囉…點判斷係居民，要求上果班車人的八達通一定需要登記，如果係居民就收返平日與假日之間的價，非居民收假日的雙倍價，去到嶼南道就正常價，可以疏導沿線客，或者設計個Apps，只有大澳居民先知班次同上車位置，藉此分流乘客，不過大澳常常搞活動引人入去但同時埋怨更多人入去，不如諗辦法平衡返D利做生意同原居民的矛盾好過啦…仲實際的話要求政府准許只有原居民可以坐的居民巴士

請勿歧視中國人

Ohm 發表於 2023-4-12 11:51
無遊客嘅平日車照開，係因為有遊客嘅假日筆錢補貼咗，咁簡單嘅道理應該唔使喺度解釋?
...

既然有遊客嘅假日錢補貼咗，令巴士公司喺無遊客嘅平日車照開，請問 嶼巴1R線、新巴X9線、九巴92R線 、96R線、275R線、289R線 幾時會平日車照開呢？點解唔平日車照開，方便居民返工返學？有遊客嘅假日錢補貼咗喎！

12Lane 發表於 2023-4-12 16:52
所有野講平衡。有平衡就大家都好地地，側重左其中一邊搞到其中一方要出聲嘈，要用適切政策處理，就大家都 ...

而家啲巴士公司好似側重咗喺其中一邊；雖然居民享受緊平日車費，但係遊客享受緊一程直接往返九龍同嶼南嘅嶼巴1R線服務，往返九龍市區返工返學嘅嶼南居民卻要出東涌轉車，有冇適切政策去處理呢樣野呢？既然假日收費補貼平日，咁275R、92R呢啲假日路線係咪應該喺平日亦提供服務，方便居民出市區返工返學呢？

LauCT 發表於 2023-4-12 23:02
而家啲巴士公司好似側重咗喺其中一邊；雖然居民享受緊平日車費，但係遊客享受緊一程直接往返九龍同嶼南嘅 ...

拿搞清楚先。
我就冇支持平日開R線呢個point嘅，你中意借頭借路講第D野我就唔多想知。
但大家討論緊嘅係假日居民出行難嘅問題，你平日開番五十條R線比佢都係唔會解決到問題。