問題：西九龍高鐵站與九龍站之間的通道連接

kei_hk 發表於 2023-6-21 21:36
大部份情況你係正確的。

但係..... 青衣及大嶼山的人來講﹐就真係九龍站係方便得多﹐一程東涌線唔駛轉車 ...

南昌轉一樣姐, 好過行十幾分鐘

eternalflame 發表於 2023-6-21 18:28
九龍站預留東九龍線空間並非東西走向

即係話，東九龍綫行佐敦道，過左八文樓扭向同東涌綫平行入九龍站？

cruisesnet 發表於 2023-6-23 10:04
南昌轉一樣姐, 好過行十幾分鐘

南昌站步行時間就真係短少少﹐但係經驗就係9成唔會車接車﹐蝕等車時間。
最後所花的時間﹐唔會有明顯的著數。


九龍站(東涌線)行過去高鐵站﹐其實都算係好行﹐唔算太差。
其他人的選擇我就唔知﹐我就寧可一程車。

clivetock 發表於 2023-6-21 20:39
西大堂冇得入閘搭東涌綫，一定要行去頭尾屈返過去東大堂先有得入閘，啲人自然堆晒喺東大堂
...

將搭機場快綫嘅行李客分流去西面大堂已經好好多，始終機場快綫在西大堂。現時圓方商場嘅導向指引，只講去九龍站，無分機場快綫定東涌綫。我就覺得，由佐敦道天橋同藝術廣場天橋入圓方嘅行李客唔多，唔分綫路全部指去同一面無問題；但係由高鐵天橋來又前往機場快綫嘅行李客就有唔少，針對呢堆人流，在montblanc對出設置指示機場快綫向左東涌綫向右，對緩解東大堂升降機擠塞會有幫助。

hellomato 發表於 2023-6-21 22:05
師兄解釋相當到位。
甚至我自己最近都試過，跟一位法國人一起出差返大陸，返黎從西九龍站去機場（送法國 ...

我認同改善往來高鐵站同九龍站嘅步程，但唔知掘隧道會唔會太貴。整好穿過跨境巴士總站去九龍站嘅行人路可能已經足夠。

HU6455 發表於 2023-6-22 00:13
你睇下西九高鐵站去西九巴總條路點行,就知佢個設計有幾甘便民

不妨咁講，西九巴總存在嘅價值，只係為符合香港規劃準則，佐敦一定要有巴士總站。
佐敦道碼頭無左之後，佐敦嘅巴士總站就只係擺車，極少人用來搭車。作為過渡嘅渡華路總站都係咁。
呢個高鐵站嘅設計，唔係想高鐵客用佢個巴總，係想高鐵客在佢個cul-de-sec搭巴士。
不過，位於cul-de-sec嘅巴士站就只適合擺總站綫，巴士綫中途兜入來就影響效率。
所幸高鐵客去搭佐敦道西行嘅巴士都未算太麻煩。東行就麻煩少少啦，行翻柯士甸站A出口隧道啦。

sunhoo 發表於 2023-6-23 11:36
我認同改善往來高鐵站同九龍站嘅步程，但唔知掘隧道會唔會太貴。整好穿過跨境巴士總站去九龍站嘅行人路可 ...

再仔細研究圓方G/F地圖後，你前面用跨境巴士總站連接九龍站和西九龍站的建議，似乎能更進一步——
1. 跨境巴士總站遷往機鐵穿梭巴士總站。
2. 原跨境巴士總站範圍封閉，改建為西九龍站小型衛星大堂，使用扶手電梯連接C出口地下通道。
3. 上述新建大堂設有3個新出口（原有連翔道C出口改為C1出口）
  - C2出口：圓方（原跨境巴士總站既有扶手電梯，直達商場一樓）
  - C3出口：新跨境巴士總站（=原機鐵穿梭巴士總站，經斑馬線）、九龍站（B出口）
  - C4出口：九龍站巴士總站
4. 西九龍站C出口加設目的地指示：九龍站（東涌線、機場快線），九龍站巴士總站，跨境巴士總站，圓方。
5. 九龍站B出口目的地指示改為：西九龍站（高速鐵路），九龍站巴士總站，跨境巴士總站，圓方。
6. 改善九龍站巴總行人通道路面環境，以及通風（出曬名嘅焗爐）

sunhoo 發表於 2023-6-23 10:36
即係話，東九龍綫行佐敦道，過左八文樓扭向同東涌綫平行入九龍站？

90年代初嘅東九龍線係由九龍角填海區駛入九龍站

sunhoo 發表於 2023-6-23 10:36
即係話，東九龍綫行佐敦道，過左八文樓扭向同東涌綫平行入九龍站？

九龍站-九龍角填海區(KOP)-尖東(ETS)-紅磡

sunhoo 發表於 2023-6-23 10:36
即係話，東九龍綫行佐敦道，過左八文樓扭向同東涌綫平行入九龍站？

當年因為九龍角仲會填海
東九龍線係駁落九龍站