建議九巴 37 38 40 重組，37X 提供全日服務

37X拖下拖下，搞搞下過咗成兩三年連一班車都無出現過
要問下@FBI2同@dennis28a發生咩事🤭
當然而家西隧上繁周不時龍尾海麗邨，鬥快都係唔夠鐵黎㗎啦

38 40不對稱走線，有趣有趣，不過客同搞轉乘嗰班容乜易頭都大埋
香港地好多人唔識搭不對稱走線嘅巴士，呢個位都要考慮

gu9434@24 發表於 2024-7-19 22:59
38 密車掃走晒長沙灣廣場

想問一句 你點解會默認37既客會肯行到長荔街等車???

長沙灣商貿區密度最高係荔枝角站一帶，新 38 長荔街同本身 37 荔枝角站分站都只係一個街口，唔會唔行過去，行得遠少少係本身興華街上車的客。但佢地其實落鐵返葵盛一樣係要行返去荔枝角站，去到葵芳葵興仲要轉車，咁當然會肯去長荔街上 38。最後就係最少客的東京街同怡靖苑客要靠轉乘。深水埗返葵盛就預係上 37 逆走旺角。咁樣重組叫做唔影響下繁長沙灣商貿區返葵盛的返工客，同時比到 37X 全日。

Ricky403 發表於 2024-7-21 00:32
37X拖下拖下，搞搞下過咗成兩三年連一班車都無出現過
要問下@FBI2同@dennis28a發生咩事🤭
當然而家西隧上繁 ...

37X 真係唔知發生乜事，明明站牌都一早整好。早繁落尖沙咀都應該同到鐵打和，勝在唔駛行一程車過，返九龍站都算方便。

38 40 不對稱走線可以解決幾個難題，40 麗城流水冇事、38 東行屏麗徑客倉 40P 做唔到的問題、38 東行點都要做葵興站同禾葵里的問題，40 東行飛美孚會吸走 290 系列客仔的問題。上面幾個問題好多個都係東行限定，而且 38 停長荔街落葵芳唔會慢左，但反方向唔行上路做美孚就會慢好多。另外就係有 38 補返長沙灣返葵盛，37 可以安心改大循環慳車比 37X。反方向因為 33A 出左葵涌道唔做新都會又係做唔到。葵芳一帶因為葵涌道的問題，獨市位好多時都係東行限定，所以只改西行係可以避開到好多問題。

至於走線唔對稱，38 40 本身都好唔對稱啦...... 40 本身都只係單向停長沙灣，38 都係單向停葵芳。葵涌班客一向都好彈性識得坐不對稱服務的，係美孚回程變左 38 要適應下，但佢地賺左密車。

2076 發表於 2024-7-21 02:31
長沙灣商貿區密度最高係荔枝角站一帶，新 38 長荔街同本身 37 荔枝角站分站都只係一個街口，唔會唔行過去 ...

興華街(近貿易廣場)要行去長荔街
好吧 長沙灣站見

荔枝角客部份
咁點解唔係38行多個街口 情願停番正荔枝角站
等本身等開33A/37既唔受影響 而係要逼佢地二擇一?

(ps: 37多唔多荔枝角轉鐵客?? 希望有版友補充)

gu9434@24 發表於 2024-7-21 02:48
興華街(近貿易廣場)要行去長荔街
好吧 長沙灣站見

其實都係，38 停返正荔枝角站係好啲，而 33A + 38 荔枝角站超密車優勢都可以捉返葵芳葵興客回流。

貿易廣場冇計，只好推佢地落 33A 或者長沙灣站，但 38 荔枝角站其實都仲做到絕大部分的長沙灣商貿區。

至於 MTR 轉 37 返葵盛，應該冇人會揀荔枝角站，絕大部分都應該係葵芳轉小巴或者葵興轉小巴巴士。

九龍東去青公得返條無加密嘅42c?唔通唔趕走潛在客源

henryfung1515 發表於 2024-8-6 20:54
九龍東去青公得返條無加密嘅42c?唔通唔趕走潛在客源

仲有 40P，打磚坪街落車去工業區仲方便。

就係因為 40P 都全日服務了，38 九龍東去青公甩走都唔怕唔夠載，42C 本身又有 X42C 分走左客仔。

其實 33 應該同 40 合併
33 改返出觀塘道，直插德士古道去荃灣西約
上下繁單向開 33B 做九龍灣


38 兜埋美孚，來回經葵芳


42C 乖乖做返紅 A 同大窩口

40P 深入東北葵

咁劃哂餅仔各有各做

不如順手改埋 47X 葵盛方向入葵興站加分段，
37M 轉兩味，非繁/假日過車俾 37X

葵興站另加回水機俾葵盛客搭 38 落山

2076 發表於 2024-8-7 16:55
仲有 40P，打磚坪街落車去工業區仲方便。

就係因為 40P 都全日服務了，38 九龍東去青公甩走都唔怕唔夠載 ...

先唔理站位。38做緊咩班次？40p系咩班次？