成日揸住D平線出嚟講又有咩用, 城巴多客嘅港島路線8P 38 788等等貴極都只係$8._ , 相比起九巴只係屬於市區東九X線價錢, 港島偏遠地區如6 6X 14 15 260 973係夠貴, 但客唔算特別多.
離開左港島, 城巴仲有幾多路線比較呢, 但人地九巴新界區區都有$10過外路線, 只講屯元天粉水埔已經一大堆, 長途線短途都大把人搭, 單計政府$2補貼額亦肯定多過城巴好多.
城巴港島有邊條「長途」線會有人拿來當短途搭呢, 數落長途極都唔算貴價(同九巴比較), 極其量係過海車唔過海就落車, 不過喺對家時段即等同收入變0, 咁計冇意義.
所以, 你只能夠期望城巴得到一D貴價班次密, 做大聲勢畀沿線乘客知道, 唔理正價半價都大把人蜂擁去搭嘅路線.
不過, 現實話畀你知, 就算唔理條新線(現在或將來)好唔好客, 總會有個對家衝出嚟死呃爛呃都要呃條線出嚟打對台, 慌死執輸.
政府每年補貼$2乘車款額冇得呃人, 城巴線平, 補極有限數, 反而係九巴點解喺某些人眼中已經不斷想辦法開源截流, 但仍然要提出加價6.5%?
單計政府每年貼錢補助$2乘車, 政府/納稅人已經幫九巴埋左好多次單, 唔通又講得過去?!
再者, 九巴單程票價高, 好多路線+6.5%已經高過城巴+9.5%.
例如用番上述最貴的38做例子:
全程$8.7, +9.5%=$9.5
九巴揾兩條出名多客路線嚟比較:
58M $10.4, +6.5%=$11.1
74X $11.1, +6.5%=$11.8
城巴38算係貴得嚟多人坐, 全程加$0.8.
九巴+6.5%, 但金額係$0.7, 未計呢個價位只屬中高價, 仲有大量路線比58M 74X貴, 而城巴38未離開本區(i.e. 香港仔往北角及維園往置富)已經有分段, 分段金額係加$0.7, 同九巴58M 74X一樣, 九巴就甚少主動給予類同的分段收費, 顯然冇為市民利益著想在先, 面對諸如大老山隧道搶錢式轉乘「優惠」, 更加係明刀明槍打劫市民荷包, 又好似唔會受到譴責.
上面講完一大堆廢話好似離咗題, 但你一句「港島區一直都係收取太平收費」其實同里數不無關係, 港島面積就係得隻蚊咁大, 人地新界係隻牛咁大, 九巴九龍市區線跌錢仲有大大個新界喺度, 城巴呢, 市區線之外, 數來數去只係得個別路線咋陰功, 點救呀?! |
