你真好記性！
其實德國人係「嚴謹」與否呢件事，就暫且按下不表吧！
地鐵有路線編號與否亦同德語區無乜關係嘅，你睇 貴國嘅紐約市地鐵，1-9，A-Z線，飛站特車一樣玩得出神入化。最深印象係7號線用菱形外框表示特車。
地上鐵/區域鐵路/通勤鐵路方面 貴國就較為弱啲，通常一個路線名就夠用。
關於德國嘅比較稍後再補充。
講返倫敦，其實地上鐵同地鐵都有線路名，我覺得從乘客資訊嘅角度已經好足夠，
每條線都有特別班次，固定又好，特別日子班次，臨時更改又好，永遠都會存在。
話唔定以後 Northern Line分拆營運嘅話會有多一條路線名都唔定。
至於DLR同 METROLINK，感覺就好似如果香港嘅輕鐵喺屯門市中心站某月台見到一班車去兆康，一班去田景，兆康，田景。。。。
無話無左路線號碼係世界末日，但成見到事唔形象化囉，如果有人想去大興，我要教佢「搭去田景嘅車」，同「搭507」比較，你話邊個好啲？
真係世界末日嘅可能係喺兆康站會有三條唔同路線去屯門碼頭，無號碼/名稱點溝通好？！
我知倫敦同曼城嘅輕鐵線網無咁「複雜」（其實日後可能會有更多路線喎），
但感覺佢地內部都有人想用路線號碼或名稱，只係喺唔同嘅爭論同爭持中停左下來。
至於伊利莎伯線（伊線），以下是我兩年前的親身經歷：我和家人訂左Acton Main Line車站附近的酒店，由機場出來乘坐伊線很順利就能到達，之後從那裡再去市區就沒有再乘坐過伊線。 到了回程的時候，我計劃完成上午的行程後，由市區先回酒店取行李再前往機場，我在Google Maps上先查看了行車的時間， 但完全沒有留意Actin Main Line這個站只有每15分鐘的一班車會停站，而每一班車都會前往機場，心想伊線每3分鐘便一班車， 所以在Liverpool Street站見到月台上有車便馬上跳上去了，完全沒有理會Google Maps指示的開車時間， 也完全對伊線係火車服務而非地鐵，同埋喺英國搭火車要睇清楚每班車停站呢兩件事無知。 我沿路上有留意電子顯示屏的資訊，但大部份時間都不是顯示之後的車站，而是其他的訊息 。 但火車過了Acton Main Line車站竟然完全沒有停車，我這才第一次醒覺到原來伊線有跳停這回事。 當下我有點緊張，在Ealing Broadway 站火速跳下車，衝到對面的站台跳上正在等待的火車， 但到了列車開出後卻發現這班往倫敦市區方向的列車同樣不會停靠Acton Main Line! 由於這兩個錯誤，我再次到達Paddington 時仔細檢查了網上和車站現場的資訊，才登上了正確的火車。
我事後寫信給了TFL以下的建議： - 伊線為許多往返希思羅機場的遊客提供服務。 遊客不知道它的運作細節。而伊線的品牌就像地鐵服務一樣：它的高頻率、它的線路圖不區分可以跳過或不跳過的車站。 此外，Acton並不位於城市外，看起來不可能會被跳過。 - 如果在Paddington 或Ealing Broadway向乘客廣播提供即將跳過車站的資訊便最好了。 -也許也可以延長螢幕上顯示停站的時間。 -最後也許日後可以將伊線以不同的路線分支來宣傳，例如EL1、EL2、EL3等，這樣就不必重複大量資訊（「這列火車開往xxx，停在aa、bb、cc等）。 儘管如此，我對伊線整體服務非常滿意：速度、舒適性、便利性、價格。
題外話，其實香港電車內部都有路線編號（我忘記了邊條咩號碼，可能鄰板朋友可以補充），只係佢地對外溝通中好似好少用到。
至於對英國國鐵系統方面我稍後會回應。
| 
樓主