葉劉淑儀:加強推廣巴士轉乘 減少重疊路線

原帖由 3ASV196 於 2008-8-31 14:47 發表


其實我講的目的, 唔係著重於執法問題, 亦唔著重於其他交通, 因為呢個
係巴士討論版.....其他交通問題, 都一樣要解決, 但不是呢度討論...

對於一個巴士乘客, 當然點到點最好, 但當路面d 巴士多到影響時間,
巴士塞 ...

我亦明白你所說的問題，我知道自己已離了題，但重組的方向是把與鐵路重疊
的路線取消，還是把一些受歡迎的路線以"環保,減少路面巴士數目"為目的陰乾
直至冇人搭甚至取消為此。相信政府自己最清楚了。
舉個例子 : 來往馬鞍山及尖沙咀現時有兩個較直接的選擇 , 一是搭九巴81C及
87D，一是搭港鐵 (馬鞍山線 <> 東鐵線)，相信大多數人會搭87D,因為一來
"點到點"，二來班次頻密。但假設有一日政府以減少彌敦道巴士數目為理由把
81C及87D縮短至樂富然後再加1,7等巴士路線轉乘,這個當然可以減少彌敦道
沿線的巴士數目(可以減少最少20架),亦達到減少與鐵路重疊的路線，乘客影響
亦不大(官方答案,因為可以用轉乘到達目的地),但你估仲有多少人用這個轉乘由
尖沙咀去馬鞍山呢?相信絕大部份人會轉用港鐵了。新87D的最終下場相信不須
說出口了。

原帖由 5號的前fans 於 2008-8-31 15:37 發表


我亦明白你所說的問題，我知道自己已離了題，但重組的方向是把與鐵路重疊
的路線取消，還是把一些受歡迎的路線以"環保,減少路面巴士數目"為目的陰乾
直至冇人搭甚至取消為此。相信政府自己最清楚了。
舉個例子 : 來往馬 ...

其實長遠, 乘客點都要改變乘車習慣...否則香港整體問題無得搞....

我記得好耐之前, 睇電視, 有學者講, 可以考慮彌敦道得返一巴士路線,
來往全條彌敦道, 而其他所有線, 一到彌敦道就完, d人要轉車...

我自己都當然覺得呢方法不可行, 亦帶來太大影響, 好多線亦未必有空間
做方便的轉乘...

不過我有一d 另一想法, 同我做一個好簡陋的例子, 如102/112, 好多路線
係重疊的, 其實可唔可以重組為一路線? 我所講的重組, 唔一定係指少左車,
可以係班次更密, 但好處係, 如果同一路線, D 師傅見到前車前面上緊客,
就可以直接去下一站, 唔需要排隊埋站, 如炮台山一站.....變相加大
效率....巴士公司亦可以用更多特車, 主要服務重點地方, 減少其他路面巴士
如CWB <--> MK (甚至紅隧口) 又不影響點到點

(以上我好簡單咁去諗, 可能好多問題, 但可以係一個思考方向)

而巴士公司, 製造商, 政府, 亦可以共同研究, 放寬, 去諗點改善D 巴士,
我指不只是環保, 而是乘客上落問題, 現在落客都用好多時間(如紅隧口),
可以考慮增加長度, 車尾加多道門, 多一條樓梯(好似德國的雙層MAN),
不但可以車多d人而且仲加快落客時間...減少等待時間....效率又增加....

當樣樣都改善一d, 用更闊的思維去解決問題...情況就有可能好轉了....

對不起, 以上可能都係一d 低b 建議...

(不過長遠都要鐵路轉乘了)

[ 本帖最後由 3ASV196 於 2008-8-31 16:26 編輯 ]