上一條全新開辦的全日行走九巴市區路線

原帖由 LAK2 於 2010-3-2 19:06 發表
安達臣道可能會大機會一點 (彩虹新發展區), 以該區規模, 應該無咁易比小巴食左卦...

駛乜開新線, 又起條核突天橋駁過去寶達邨分站咪得.

原帖由 kaiyip24 於 2010-2-28 23:52 發表
未知對上一條全新開辦的全日行走九巴市區路線是哪條？時間又是何時？

所謂「最新」，即不是由舊線重組或轉全日，所以11X(由13K改成)或224X(由24X轉為全日)均不算。

提出問題原因主要是記起依稀有印象，在多年前九巴表示很大 ...

講到尾唔係運輸政策失誤, 同埋九巴唔爭氣咩?

今日o係裕民坊等小巴, 無論上曉麗苑定南村,
全部幾十人長龍, 起碼等四個字先有位上到車,
同時, 13M上山至今仍然冇o係觀塘道小巴站加站,
又同1A收成三個幾四蚊, 比專線小巴兩個半差得遠,
1A又長路漫漫, 兩條疏線, 等佢地真係不知何日返上山.
漢華紅色小巴去晒做旺角車,
觀塘上山經常冇車返, 已有板友前文回應過, 唔重覆.

根本就係有板友經常講o既病態交通模式,
搞到朱門酒肉臭, 路有凍死骨,
大巴士零吸引力, 小巴人龍好似冤魂不散咁無日無之.

仲有最錯係1968年至今, 點解1A今時今日仍然要經旺角落尖沙咀.
13x轉o左全日服務就快十年, 客量穩步上揚,
偏偏因為九巴守舊迂腐, 促成曉光街客多年被屈多幾毫搭1A出旺角, 而唔係13D,
而同時想快捷出尖咀o既, 就要等一條疏車快線.

我就唔信唔可以用現有1A+13D+13x車輛同師傅總數,
填返一組三線, 一條秀茂坪出旺角大角咀深水步,
一條秀茂坪特快出尖咀, 經觀塘或者樂華,
一條觀塘至佐敦或尖咀, 經旺角油麻地.

至於鐵路接駁線,
點解政府唔係鼓勵載得多客o既巴士公司加班加分段吸客,
而係不斷限制減少旺區長途線車數之餘,
又要將鐵路接駁服務增加權優先俾載客少o既小巴?

對積極巴士公司而言, 長途線經旺區就被祭旗,
短途接駁線被小巴蠶食, 班客就焗住轉投鐵路,
但係對小巴公司而言, 客量因此長期超出車隊負荷,
班市民又唔會知小巴都有配額限制車數, 無法輕言加車,
咪一樣俾人話不思進取?
咁仲唔係雙輸?

一日政府唔改運輸政策,
一日同時有守舊迂腐, 只顧掠市民錢o既運輸公司,
最後大輸家, 就只有一班鐵路沿線外o既市民,
永遠承受呢種病態交通組合,
無論密車疏車, 都只可以死等爛等先上到車.

[ 本帖最後由 transbus 於 2010-3-2 21:48 編輯 ]

原帖由 transbus 於 2010-3-2 21:40 發表


講到尾唔係運輸政策失誤, 同埋九巴唔爭氣咩?

今日o係裕民坊等小巴, 無論上曉麗苑定南村,
全部幾十人長龍, 起碼等四個字先有位上到車,
同時, 13M上山至今仍然冇o係觀塘道小巴站加站,
又同1A收成三個幾四蚊, 比專線 ...

只想針對你所提出1A+13D+13X重組，無錯根據你的想法，
乘客或許可以得益(慳時、慳錢)，但是對九巴來說，這樣只是
自斷了米路，因為1A油水甚高，平常一轉車可以六個客坐過
同一個位，收入$30樓上，和隧巴線無疑，如果三線重組，
仲有無線可以做到呢個收入？所以你要明白九巴無乜動機把1A改
特快，除非1A客量大幅減少。

至於車程長等問題，弊在而家沒有更佳的替代品，你唔幫襯1A，
好多時候都係幫襯九巴其他路線，一係轉到頭暈腳震，最緊要係
而家依然大把人搭1A，以九巴的性格，唔會志在你一個兩個不滿的。
既然而家做到班客，仲有錢賺，點解要改？明明你肯俾$6.2搭出旺角，
無端白事要益你$5.8？根據你的重組，秀茂坪往返觀塘改坐13M，
要加13M車，但係13M車費收入咁低，開多兩架車即係蝕多些，點會咁做？

至於其他評論，小弟大致認同，運輸署的交通政策確有問題，不過在此
略過不贅；至於1A改線，還是看開一點，細想箇中理由，無謂再多想了。

謝謝。

[ 本帖最後由 kaiyip24 於 2010-3-2 22:31 編輯 ]

原帖由 nwfb1601 於 2010-3-2 14:12 發表
111 唔難解決，係坪石隔離0既彩虹站補返個站已經 OK。

呢層我當然知,但總站放邊度?
放出面彩虹鐵路站的話,現時邊條坑要讓出嚟?
(現時條條坑都用盡哂)
即使有條坑放到出嚟,單坑都唔夠111用

我估佢係想講 40P？

原帖由 bustop 於 2010-3-2 20:21 發表


駛乜開新線, 又起條核突天橋駁過去寶達邨分站咪得.

安達臣道落寶達似乎遠左D喎．．．


彩盈落九龍灣都係十分鐘行完條天橋，

安達臣道落寶達20分鐘都唔知得唔得，

而且高度問題足以Ban左條天橋～


寶達唔係地鐵站呀，搞咁多野，到頭來都係要開新線la，

否則寶達現有既路線都難以應付安達臣道的人流～

原帖由 石頭 於 2010-3-3 01:20 發表

安達臣道落寶達似乎遠左D喎．．．


彩盈落九龍灣都係十分鐘行完條天橋，

安達臣道落寶達20分鐘都唔知得唔得，

而且高度問題足以Ban左條天橋～


寶達唔係地鐵站呀，搞咁多野，到頭來都係要開新線la，

否則寶達現有既路線都難以應 ...

安達臣道發展區大約五萬人口,
我諗政府極有可能好似清河咁,開條巴士線出最近既地鐵站,再搵一兩條線兜入去就算數

原帖由 gn3509 於 2010-3-3 01:47 發表
安達臣道發展區大約五萬人口,
我諗政府極有可能好似清河咁,開條巴士線出最近既地鐵站,再搵一兩條線兜入去就算數

其實可能會起"車立"駁落去順安/寶達兩邊
跟手係咁易加一加一至兩架車就算數

原帖由 gn3509 於 2010-3-3 01:47 發表
安達臣道發展區大約五萬人口,
我諗政府極有可能好似清河咁,開條巴士線出最近既地鐵站,再搵一兩條線兜入去就算數

叫綠小71A/B營運商開多條C線咪得, 連投標都慳番.
搵一兩條巴士線兜入去? 五萬人口想同三四十萬將軍澳居民為敵?
就算拉寶達線上去一樣會辣慶寶達區議員.. 起天橋起電梯塔算罷啦.
怪就怪你個邨係「後鐵路為本時代」的產物.

堂堂五萬人既大村竟然得一條落地鐵站既小巴線，未免有點過份，九巴應該都要投降開線架啦