冇人提?定冇人知?今日是合併3週年

原帖由 bananasims 於 2010-12-4 13:55 發表
... 作為一個每日坐，坐咗十年火車去旺角東既乘客，我無投訴

請問作為常客, 你覺得合併後呢個站的人流係咪減少左呢? 以前未合併有幾次假日去過呢個站都覺得唔闊落. 當年大堂比而家闊但人好似好多, 想行快少少都唔容易. 而家大堂窄左係肯定的事實, 但講迫又唔多算. 唔知係我錯覺定點呢, 我總覺得合理的解釋係人流少左, 所以影響冇想像咁大

我不認為合併後減少了乘客量，
不過這只是我的感覺。
現在的旺角東站依然很多人,水洩不通。

原帖由 matthew20029 於 2010-12-4 23:23 發表

本來我都想用個客氣點既語氣同你講野,
不過看怕沒有這個需要

1.用一個站距離既車資相比,前地鐵既收費係2.3, 而九鐵既收費係1.4
未計地鐵公司多年來收取的幕門附加費, 前九鐵既車資水平已經低好多

2.你跟本就係度歪曲事實。合併有好有壞，好的就是可以不用出入閘轉乘另一個鐵路網絡，而壞處就是車站需要更改名字(當然還有很多壞處)，容易調亂。我上面既觀點只是認為需要改名,對大部分人都會有點不習慣，並沒有說維持原狀最好

3."你","我", 是在"大家"以內。或者你可能不認同我的說法，但是我相信有部分優點或缺點是大家公認的，沒有需要執意質疑。

4.九鐵在很多時候都將"鐵路(火車)迷"定為一些支持九鐵的人士，因此在"策力"內,也表明了他們的立場(對鐵路迷表示重視及尊重)。
我只是認為港鐵沒有需要趕絕鐵路迷，就此而已。

我黎搭嗲的。我假設你係講小童收費啦，合併前地鐵嘅$2.4無擬係比東邊系統貴，但相比起西邊主線其實已經較便宜，例如兆康來往天水圍就需要$2.6。（有錯請指）

另外嘅係要記住你依家攞住張學生八達通，但係ex-K係冇學生優惠嘅。

地鐵這麼舊，西鐵這麼新，加上全部用的都是新列車SP1900，距離又這麼遠，貴些少都在所難免吧?

[ 本帖最後由 matthew20029 於 2010-12-5 00:38 編輯 ]

原帖由 matthew20029 於 2010-12-5 00:28 發表
地鐵這麼舊，西鐵這麼新，加上全部用的都是新列車SP1900，距離又這麼遠，貴些少都在所難免吧?

西鐵2003年通車，馬鐵相對地新，加上全部用的都是新列車SP1950，點解平均每公里收費會低過西鐵嘅？

那是因為西鐵車站的成本(面積相對大)與走線長度較馬鐵大及長，加上馬鐵沒有空氣調節系統，所以成本大大降低

原帖由 JF1261 於 2010-12-4 21:35 發表


第1,2,4 點同意
d MLR 真係焗到 , 同以前九鐵時代d 冷氣凍到好似雪房咁差得遠

第3 , 列車班次我反而覺得密左

第5, 意外野港鐵都唔想
前九鐵裂紋事件我覺得大獲過合併後任何一單事件 ...

我都同意1,2,4
車站焗左最明顯的是尖東站,
因為兩鐵合併前後一段時間我都有機會係返工放工時間使用尖東站,
發現合併後車站大堂仲焗過九鐵年代, 而家唔知會唔會好D
(印象中最焗最少冷氣反而是冬天最凍果一輪, 夏天都無咁明顯)
至於列車方面, MLR幾時都咁焗,
反而現時連搭東鐵千九都有機會同MLR一樣咁焗先大鑊
連較新的列車都唔夠冷氣

而第3點班次疏左就一定唔係, 起碼港鐵年代加密了東鐵非繁時班次,
包括星期六14:00-17:00, 星期日17:00-21:00
彌補了九鐵年代落馬洲支線啟用後,
羅湖列車遭受削班而九鐵沒有加班抵銷被削減的班次,
羅湖列車由平均每5分鐘一班削減至每6分鐘一班,
直至港鐵年代加密星期六,日部分人流最多時段的東鐵班次,
羅湖列車的班次先還原至平均約5分鐘一班,

自東鐵縮回紅磡後, 下繁誤點脫班情況的確明顯好多,
導致九龍塘站人流增加而列車未能有效疏導人流,
但反而迫使港鐵於數月後加班,
額外增加了一班旺角東往羅湖特車

原帖由 SSBT 於 2010-12-4 10:59 發表
九鐵車站咪就係俾地鐵食左之後，
不斷加商鋪囉

美其名係改善車站環境，
實在上咪就係想賺多Ｄ非車務收入～
不過最好哩Ｄ收入都計埋落去條可加可減 formula
減輕加價幅度... ...

作為乘客，梗係想永世唔洗加價，出面通賬搭車仲最好可以減價。

問題係現實世界唔會發生咁既事，港鐵並唔會同乘客攤分地產項目收益、租務收益，正如九巴唔會同乘客分 Roadshow 廣告收入，發展車廠地產項目既利潤。唔分俾乘客亦係有原因，某年地產市旺分俾你，第二年地產仆直，鋪頭無人租，係咪又要問乘客攞番？車費水平除左顧及個別公司既經營狀況，亦要考慮市場上既其他交通工具，亦要相對地穩定，無可能個年都因應地產收益、鋪租收益去加加減減，影響整個交通市場既供求平衡。

唯有諗下到底港鐵加車站增加非車務收入之後，有無實際對乘客車費有所影響？

若然係無，即係加左商鋪之後，車費增加與否同無加商舖係一樣既話，咁仲有咩要投訴？唔通港鐵非車務收入既一分一毫，用創意創新去賣廣告既廣告收入，全部要同乘客分紅先叫合理？乘客咁想分到呢Ｄ利潤，最簡單咪買港鐵既股票，做埋股東分股息囉。

[ 本帖最後由 ahbong 於 2010-12-5 09:04 編輯 ]

你講起又係，車站大堂窄咗，但係又無話特別迫
有可能合併啲人走去九龍塘轉觀塘綫去旺角

原帖由 2304 於 2010-12-3 11:37 發表
你班鐵路迷最緊要守規矩 ; 唔開閃光燈 、 唔行出黃線外又邊有職員會主動走埋離理你..

基本上我所見過用閃光燈拍照的都應該不是鐵路迷，另外閃光燈的問題便想起無論是海洋公園甚至清明上河圖都是列明嚴禁使用閃光燈拍照，但是十個有九個都是用閃光燈拍照。