九巴又想用陰乾法玩3C?

原帖由 FBI2 於 2010-12-4 22:21 發表


我以前都有讀關於ISO既課程,佢地除左講安全,還要品質保証,包括守時程度,後備計劃等等....可是,現時九巴出車率低,收車情況十分嚴重,車長零STANDBY,後備計劃欠奉等,根本不符ISO公司的標準,不如取消參與ISO,明正言順 ...

其實我地可吾可以直接向 ISO (ISO 係乜組織頒比狗巴?)度投訴 ? 舉報狗巴既服務態度每況愈下...

原帖由 ME19andG316 於 2010-12-6 20:13 發表



其實我地可吾可以直接向 ISO (ISO 係乜組織頒比狗巴?)度投訴 ? 舉報狗巴既服務態度每況愈下...

數以萬計機構有ISO，服務差的多不勝數，ISO怎會理你這麼多？
而且ISO無非是收錢做生意，你肯給錢就他們就給證書你，哪會理你實際服務如何？

ISO都係買顧客信心，standard係公司自訂...
其他類似ISO既product原理都係差唔多

而家開始都覺得鐵路係非常可靠
每次等巴士都好耐, 而且成日無位坐

而家搭巴士都要企, 班次又唔穩定, 咁點解唔搭地鐵?
就算離鐵路遠少少, 或者轉幾程車, 都仲會快過等巴士囉...

原帖由 cong 於 2010-12-5 20:54 發表


但係 203E 計埋前身 3E 都開左好耐啦, 如果真係呢個因素既話問題唔會係近排先有

P.S. 繁時在QE外等11號返鑽石山仲慘, 等 40 分鐘黎部頂閘既, 又見到 D 車私牌飛左上天橋........最慘 E23 冇站, 如果想上到車都係 ...

我當時其實係想回應返#20話3C客量可唔可以「追到203E咁多」，其實不行，
因為係同一個餅，而且個餅冇大到，203E多客幾乎直接等於3C會少客，大概可以想像成70 vs 270A。
我感覺上，3C唯一比203E多出的客路係佐敦旺角＜＞樂富（富美街的站要停好耐），
黃大仙可以搭MTR，鳳凰慈南可以搭203E，慈中可以搭紅小。

不要忘記3E係行斧山道，而203E初開線時係用AM，203E係慢慢因為乘客搭唔到3C而多人搭。
203E在九龍醫院很多人上落嗎？似乎不是。在富豪東方很多人上落嗎？那只是流水不是獨市。
那剩低的就是佐敦旺角＜＞鳳凰慈南這班客，正正是同3C直接競爭。

203E的開辦（或稱3E高級化），當年可以話係分擔3C的龐大客量（特登由富山繞過鳳凰邨），
但近來，在九巴營辦者思維轉趨短視之下，只想左縮右減，
部分老牌線資源被削，才令3C及203E由並肩作戰變成此消彼長。

營辦思維及公司文化的轉變，陳祖澤的離去是一個關鍵。
澤叔來前，九巴係少公關多實事；
澤叔期間，九巴係多公關，實事係受惠於新市鎮開發，算係唔錯，低地台巴士等確係創先河；
澤叔走後，九巴係實事做唔好之餘，連公關都唔太掂。
此部分是個人情感直覺。

講開老牌線，我間唔中會同朋友到尖東港晶唱Ｋ，自己返屋企的首選係5號，不過時代變遷係咁：
5號搬離尖碼前：一定係搭5號，車多又快，＆我有家屬証
5號在永安期間：都係等返5號，雖然班次疏了，但有大把位（已無家屬証）
5號重回尖碼後：班次無乜密到，試過送車尾之後，好忠心咁等，下一班頂閘飛站
現在的首選：見過鬼怕黑，行返去紅磡MTR好過。（5C在任何情形下都係衰在車程太耐）

[ 本帖最後由 DIH 於 2010-12-6 22:16 編輯 ]

原帖由 happykeroro 於 2010-12-6 20:36 發表
而家開始都覺得鐵路係非常可靠
每次等巴士都好耐, 而且成日無位坐

而家搭巴士都要企, 班次又唔穩定, 咁點解唔搭地鐵?
就算離鐵路遠少少, 或者轉幾程車, 都仲會快過等巴士囉... ...

我係唔鍾意鐵路行上行落, 左轉右轉
不過個別老牌線服務水平真是愈來愈差
如果出發時間係非繁忙時間, 再加坐港鐵係不用轉線的話
我已經多考慮港鐵

例子
以前都會坐40往返石硤尾, 貪回程坐到總站, 沿路可以打瞌睡
不過自從40 減班, 又收車, d班次疏之餘, 又唔準
搞到港鐵車程隨時可以cover到大半等車時間
我就決定轉投港鐵...條40, 真是見到有車就到站先至等

原帖由 DIH 於 2010-12-6 22:13 發表

我當時其實係想回應返#20話3C客量可唔可以「追到203E咁多」，其實不行，
因為係同一個餅，而且個餅冇大到，203E多客幾乎直接等於3C會少客，大概可以想像成70 vs 270A。
我感覺上，3C唯一比203E多出的客路係佐敦旺角＜＞樂富（富美街的 ...

九龍巿區內陸線本身重組空間唔係好多，但係偏偏我個人認為最有迫切需要重組的兩組，
都係同慈雲山有關（3C/203E/9同3B/5/5C）。
慈雲山雖然係死角位，但係話晒有十萬人人口，
我就諗唔明點解出旺角/尖沙咀都要慢慢碌3C/5C（慈南都仲叫做有條203E），
呢個亦好可能係小巴，特別係綠小37M，在慈雲山當道的原因。

3C呢條線應該係無乜可能有得賺，就算203E應該都唔好多幾多，
亦都可能係導致九巴無心經營的原因，
老實講，重組未必會即刻令到客量大幅增加，亦都唔一定轉虧為盈，但係起碼可以蝕少d，改善一下形象都好。

我自己其實係有諗過類似以下的方案，唔知大家覺得點：
9：
坪石/彩虹太多替代品，建議與203E合併，改為富山 - 尖沙咀碼頭（或九龍鐵路站，
我對總站位置無意見），行斧山道落山後跟9號現有路線。
3C：
改經蒲崗村道、彩虹道、太子道東，不經龍翔道、富美街、窩打老道，縮短行車時間
11A：
新增路線，來往鑽石山鐵路站至旺角循環線，出總站後跟3C現有路線至旺角，後轉入旺角道，跟3C路線至蒲崗村道，後返回總站。

另外既然有人提到5C都係左兜右兜，在下順便提出建議：
3B：
經紅磡繞道，延長至尖沙咀碼頭，全程收費加至$5.0，紅磡起分段$4.2，班次加密至平均6-10分鐘一班。
5C：
縮短至尖東麼地道總站，班次減至平均6-10分鐘一班。
5：
3B延長後富山已有巴士線直達尖沙咀，可縮回彩虹及減費至$3.2/$4.4。

其實單單講要 5 號仔減價 , 九巴已經唔會制
攪咁大場龍鳳 , 為既只係收多你幾毫

原帖由 12A 於 2010-12-6 23:59 發表

例子
以前都會坐40往返石硤尾, 貪回程坐到總站, 沿路可以打瞌睡
不過自從40 減班, 又收車, d班次疏之餘, 又唔準
搞到港鐵車程隨時可以cover到大半等車時間
我就決定轉投港鐵...條40, 真是見到有車就到站先至等

據聞運吉捉到 40 既實際出車數同佢手上條數有好大出入
跟手就整咗一封 warning letter 俾九巴嘆
而家 40 應該好等咗些少, 但唔知遲吓又會唔會故態復萌