[新聞] 東鐵加幕門 研每程多收1毫

原帖由 KG1428 於 2011-1-15 01:26 發表

其實想在東鐵裝月台門有何困難，學日本地鐵的丸之內線咁樣裝已經得
如上圖的車站是一個例子，雖然月台是比 ...

安唔係問題,同信號系統傾計係另一件事

諗下一定要先關好闡門收好板,先出到Target
係TBL傾親計都好似要慢慢談心就.....

所以等resignal左先搞啦

[ 本帖最後由 herman15hk 於 2011-1-15 03:12 編輯 ]

原帖由 Kaix 於 2011-1-15 00:29 發表

上圖車站月台比東鐵線University & MK East較彎??

除左彎道、闊度仲有月台同車廂高低差(每列列車都有分別)，
三者加埋最闊既空隙(每卡第三隻門)可以有一隻成年人腳板o甘大。


硬件上要配合既當然有好多(呢度包括埋訊號系統)，但唔係解決唔到，
最難預測係軟件，即係乘客點樣安全使用呢套設施又係另一個要考慮角度，
建好月台閘門後，開門前企後排乘客會望到空隙有幾闊嗎？
而家都叫做望到旁邊唔係排隊既地方條空隙闊度去判斷要踏出幾遠。
起幕門原意係防止有人墮軌，但就引伸出另一個潛在風險。

例如當大家o係街上行果陣，前面果個人突然間閃去旁邊，
原來前面有一條只有半身高既柱，如果睇唔切就會撞上去。
同一道理當大家都迫上車果陣，可唔可以99%肯定後排乘客留意到條空隙？

既然唔可以99%肯定又只好從硬件著手將系數提升，有版友指出山手線換車去配合月台閘門，
港鐵買闊車去配合月台閘門都好合理，既然要買新車，又要起沙中線，又要改信號系統，
好自然將所有野綑綁埋一齊去出標書，相信係最經濟方法，最簡單諗閘門起碼唔駛要夾兩套系統，
而且綑綁埋沙中線唔收$0.1根本係應該，不過要花多8年時間去換取。

[ 本帖最後由 on11358 於 2011-1-15 06:28 編輯 ]

原帖由 on11358 於 2011-1-15 05:12 發表

建好月台閘門後，開門前企後排乘客會望到空隙有幾闊嗎？
而家都叫做望到旁邊唔係排隊既地方條空隙闊度去判斷要踏出幾遠。
起幕門原意係防止有人墮軌，但就引伸出另一個潛在風險。

例如當大家o係街上行果陣，前面果個人突然間閃去旁邊，
原來前面有一條只有半身高既柱，如果睇唔切就會撞上去。
同一道理當大家都迫上車果陣，可唔可以99%肯定後排乘客留意到條空隙？

但其實我本身唔同意這論點.....當等車乘客真係望唔到空隙闊度,
咁是否真係好有問題?

我地用現時情況去睇, 但唔係上車乘客, 而是用落車乘客去睇, 其實
諗真一d, 現時落車乘客是更加落車時望唔到空隙
1. 本身已有非透明車門阻住空隙位置視線
2. 一樣可以有其他乘客阻住視線, 旁邊更加車身阻住, 望唔到...
3. 即使前排乘客, 係唔停車, 唔開門一刻, 都一樣睇唔到空隙闊度,
4. 上車同落車的空隙闊度其實是一樣, 一樣會有一班人迫落車情況, 我見唔到好大分別
5. 比上車更危險係, 落車前未必留唔到月台較彎, 而前排乘客開門落車一刻,
距離空隙更少...

咁其實現時落車乘客咪好危險? 但事實上, 東鐵運作多年, 又是否出現好多
落車乘客空隙意外? 反而好似係等車時暈到, 失明人士, 自殺人士意外或故意
進入路軌比較多..

我唔係唔同意望唔到空隙闊度是增加危險, 但質疑係, 實際上影響有多大...?
如果望唔到空隙闊度是問題, 咁現時落車時安全係完全有問題, 好大風險wor...

好多人只留意到裝閘門上車會有問題, 但其實這只是現時落車的同樣問題, 咁現時點解決?
其實都是用廣播, 警告字句等....

所以我覺得裝閘門最危險唔係空隙, 而是香港乘客, 習慣左幕門, 當左閘門等於幕門,
等車時非常貼近閘門, 有車入站時就危險....(欣澳要長期有職員睇呢樣野..)

[ 本帖最後由 3ASV196 於 2011-1-15 09:47 編輯 ]

原帖由 117 於 2011-1-15 01:38 發表

但唔係話大學站同旺角東站都會遷移嘛?
不過都係印象之中．好耐之前有POST講過

話CU再起多四間書院, 咁個車站會北遷400米左右..
同埋新世紀廣場收返現有空間去DEVELOP, 車站南遷200米..

一路以為起沙中線個陣會做埋. ...

的確是在九鐵時代提過，但沒有人說過會於沙中線工程時會落實。

一時話拉直,一時又話唔洗,
MTR唔係玩緊資訊戰呀

原帖由 053h4 於 2011-1-15 16:36 發表
根本起唔起沙中線都可以買車換信號，本身個改善工程合同金額巳經大，數以十億計，洗咩一定且廿沙中線一齊先

咁你話我知，而家既港鐵
除左起沙中線外，仲有乜野誘因去令港鐵肯換車
而家係就係好迫，但係仲可以勉強應付
更可況批MLR仲短命過地鐵M-TRAIN

另外提出一點，既然要換闊車
好可能直通車將會千秋萬代去紅磡，掟落西九龍似乎唔使諗哦

原帖由 053h4 於 2011-1-15 16:36 發表
根本起唔起沙中線都可以買車換信號，本身個改善工程合同金額巳經大，數以十億計，洗咩一定且廿沙中線一齊先

係呀，但無啦啦做乜要咁做先？如果東鐵不是要過海同cut卡，無論九鐵港鐵都相信不會有誘因(或需要)去做。
既然沙中線要令東鐵來一個大改變，一次過搞，對乘客的影響及對成本的控制都相信會較好。

原帖由 053h4 於 2011-1-15 17:36 發表
根本起唔起沙中線都可以買車換信號，本身個改善工程合同金額巳經大，數以十億計，洗咩一定且廿沙中線一齊先

因為可以入政府數嘛
如果唔係沙中線以呢間公司作風用夠40年先退啦

[ 本帖最後由 herman15hk 於 2011-1-15 22:10 編輯 ]

原帖由 herman15hk 於 2011-1-15 02:10 發表

安唔係問題,同信號系統傾計係另一件事

諗下一定要先關好闡門收好板,先出到Target
係TBL傾親計都好似要慢慢談心就.....

所以等resignal左先搞啦

其實用日本E3迷你新幹線o個塊車門伸縮板會簡單一o的?
進站減速至~5km/h就彈板，不過關門都係快唔到好多