85C 開 線 通 告 與 秘 史

原帖由 DT716@71A 於 2011-11-21 07:38 發表
容生爆料，熱烈歡迎

85C 嘅問題，其實係返當年去睇，雖然係減過車行，d 班次仲整到好肉酸（相信實際等車係更肉酸），但九巴都照如期開辦呢條線，其實九巴係配合馬鞍山呢個「沙田延展發展區」有超過兩個屋苑落成而開辦，雖然，今日睇起黎 ...

呢個就係九巴定線既最大弱點,咩線都係順路就兜埋啦
結果一條阿公角街塞十幾條線入去,條條馬鞍山線都要兜濱景第一城
天水圍又係條條線都兜天南先出
大家齊齊塞,要改線又因為中途站流水客有無限量既組合
大量既得利益者缺乏替代路線
結果就係想改線就有70號式既改廿年都改唔到...

睇返馬鞍山早期路線,係跟返沙田區的對外路線(85系,86系,87系及89系)而決定目的地,往市中心一定要有,
然後觀塘的89C,跟住長沙灣的86C,跟住旺角(但因交通協調政策放寬而可以出到尖沙咀),之後開土瓜灣(因交通協調政策放寬而可以在紅磡碼頭為總站)
85C開線行獅子山隧道時不是跟85系一樣,行窩打老道,左轉浸會行聯合道咁行.
85C用雞車係咪用到差不多全冷前?定係特見?

89C cut 左新蒲崗同鑽石山，新蒲崗由85M 做，85C 就頂埋89C 個位
道理同兩條線岩岩轉行大老山一樣

原帖由 HR9710+KU1391 於 2011-11-22 00:46 發表
85C開線行獅子山隧道時不是跟85系一樣,行窩打老道,左轉浸會行聯合道咁行.

唔係, 係左轉龍翔道, 轉左經迴旋處去鳳舞街, 到東頭村道先到聯合道

請問行3架車時既班次係怎樣

原帖由 ME9661 於 2011-11-22 11:30 發表
請問行3架車時既班次係怎樣

睇返行車時間54分鐘一單,咁我估計埋休息,即係一個鐘一單,2個鐘一轉,除返即係要40分鐘一班,如果食飯冇車攝,開少架車,咪即係一個鐘一班?

原帖由 HR9710+KU1391 於 2011-11-22 13:09 發表


睇返行車時間54分鐘一單,咁我估計埋休息,即係一個鐘一單,2個鐘一轉,除返即係要40分鐘一班,如果食飯冇車攝,開少架車,咪即係一個鐘一班?

那些年，一個鐘一班都唔係奇事，85M開線時聽聞話得一架寶行添。
那些年，新市鎮未有鐵路，加上地鐵相比巴士貴唔少，明知等得耐都要等；
那些年，沒有手提電話，等到忟都要繼續等，唔可以中途縮沙；
那些年，沒有上網，不能查看路面情況及預計到站時間；
那些年，經濟未係咁好，唔係個個都會等唔切就搭的士；
那些年，A地去B地有架直達巴士你搭已經謝天謝地，即使要等到海枯石爛；
那些年，尤其是假日或新區，又真係等上30-40分鐘車都唔覺得耐，唔覺得佢應份要密車。


85C當年成為首批掛大白龍的路線，真係嚇我一跳，乜佢有咁多人搭咩？
有一段不短時間，85C係大老山最「雞」的路線，重視程度可想而知。

對　當年好多野都無　更遑論轉乘優惠
A地到B地　一票坐到底　有直車　係一件值得大聲叫嘅事　更何況　出紅磡嘅　竟然係馬鞍山幾個咁遍遠嘅新區
而唔係拉經大圍、市中心個架85 過去，即使路經嘅地方，較似樣嘅都係得第一城
好可能同九巴有更多經營概念有關
大圍、市中心呢d 旺區，如果睇行車時間，打埋85 延長埋都唔係火車+行路/轉Van 仔嘅對手
而85C 馬鞍山、小瀝源一帶，老九就貪佢駁腳要時間，而第一城乘客就係肯花呢個時間又有需要去土瓜灣的話，85C 就提供P2P, 點到點服務　所以第一個策略就係時間預估
第二點係提高乘客嘅登車消費
馬鞍山去大圍　點解我要俾九龍價，即使係最平嘅85C, 86C 都要　然後呢　沙田區往九龍城、土瓜灣，由於85C 有紅磡一段積高左個車程，比85, 85A, 85B 已經收多4 亳，九一年水平　上面提到：那些年，經濟未係咁好，唔係個個都會等唔切就搭的士
其實實況係一樣，不過態度我有唔同解讀，唔係經濟唔好　話唔定當年d 人梗加肯花錢　而係消費心態精打細算姐　打的呢d 咁無預算嘅行為　住第一城d 人或者會咁做　真正考驗d 消費量度同花錢信心嘅　應該係巴士vs.地鐵或巴士vs. van 仔上面　不過，沙田馬鞍山就老九大晒嘅　d 綠van 幾乎係少量市場有競爭空間　大家心態係點　都未必完全反映到

老實講　即使85C 再雞都好（的確　睇返d 舊相　1996 年係有雞掛，朝早出左隧道之後都係未爆）
老九都係照顧返馬鞍山開新區時　有一群來自原寨城嘅居民　聽講　87 年拆個時　有相當部分搬左去恆安邨　設計嘅出發點就係呢批居民有相當嘅生活基能去返九龍城、馬頭圍以至紅磡一帶
老實講　呢一帶工作基能都唔係話　十分熱絡呀　難怪89C 爆到頂　85C 係沿路（無論改路前後）都係有更密、更直接替代選擇
30-40 分鐘一班　差唔多啦　93K 都要4 個字以上啦

原帖由 HR9710+KU1391 於 2011-11-22 00:46 發表
85C用雞車係咪用到差不多全冷前?定係特見?

唔係wo~ 85C未搬過馬鞍山市中心做總站時都已經係雞車天下,
直到後來全冷之前先用過一陣老虎頭, 都唔係好耐的事..

原帖由 DT716@71A 於 2011-11-22 15:21 發表
對　當年好多野都無　更遑論轉乘優惠
A地到B地　一票坐到底　有直車　係一件值得大聲叫嘅事　更何況　出紅磡嘅　竟然係馬鞍山幾個咁遍遠嘅新區
而唔係拉經大圍、市中心個架85 過去，即使路經嘅地方，較似樣嘅都係得第一 ...

我想,有D不願等咁耐車,寧願搭85K再轉車.
咁城寨居民有可能在觀塘返工返學,令89C有需求.
如果講到照顧因市區搬入新市鎮例子,睇返網上資料,例子有70X
恒安耀安對外線之中,43X較遲開辦.

原帖由 hkbw 於 2011-11-22 17:11 發表

唔係wo~ 85C未搬過馬鞍山市中心做總站時都已經係雞車天下,
直到後來全冷之前先用過一陣老虎頭, 都唔係好耐的事..

咁85C在1997前的客量短雙層也足夠應付.
85C轉老虎頭,可能因為雞車大量退役,要抽調雞車取代返較早退役的雞,例如81K必須用短車.
順便問,85C有冇用過鴨車?

[ 本帖最後由 HR9710+KU1391 於 2011-11-23 00:27 編輯 ]