東區紅隧過海路線重組優化建議 (新線Rt.120)

係咪我get 錯左d野?

我諗個idea係如果有116X, 就會取消埋110, 因為我專登兜上耀東, 填返110佢個位.

至於110旺角特快, 如果用返102 (我) / 102X (你) 既做法, 咁110咪唔需要囉? 我有無get 錯左?
******************
轉乘係需要既, 因為上面真係簡介, 所以都寫漏左. 謝提點.

*****************
PS. 其實樓主既建議只牽涉東區<-> 西九龍既線, 而家我地講埋106、116 (雖然都幾有關), 會唔會騎劫左樓主既建議?

如果樓主介意, 請即管提出. 我會另開新頁去討論. 謝謝

我明白難度絕對唔低, 而且比102、112重組更難.
但只要看看而家106呢條隨時要行個半鐘既線, 但客源其實集中係 "太古<-> 九龍城" 既一段, 其他路段, 15分鐘一班都嫌多既時候, 咪做成浪費資源?

所以重組係必要既, 我亦都希望盡量減少對乘客既不便. 但因為資源有限, 重組無乜可能係cover 哂所有人士既利益之下完成. 唯有盡力減少犧牲.

***********************
Q:土瓜灣道及紅磡一帶沒車去太古以東的地區?

1. 而家馬頭圍都無車去喎, 但新建議下就116X 去到; 一邊由無變有有, 一邊由有邊無, 可能講唔通, 但係兩區都唔算太遠, 所以我既諗法係: 116X 始乎比106P 更有需求.

2. 轉乘. 其實我會搞106 <-> 102、116X、118既轉乘. 咁到時紅磡既客就可以特快去東區, 比而家呆坐106更著數.

***********************
Q: 106而家做緊港島流水客.

1. 話明港島流水客, 請諗辦法俾返流水線做, 而唔係叫106、682死頂.

原帖由 neoplan720p 於 2012-1-15 10:13 發表 http://www.hkitalk.net/HKiTalk2/images/common/back.gif
係咪我get 錯左d野?

我諗個idea係如果有116X, 就會取消埋110, 因為我專登兜上耀東, 填返110佢個位.

至於110旺角特快, 如果用返102 (我) / 102X (你) 既做法, 咁110咪唔需要囉? 我有無get 錯左?
****************** ...

我知道你既意思，我只係話呢個情況下新110（#2，食埋愛民邨、旺角東、大角咀版本）
無可能出現，好大機會係成條110斬左，因為根本唔夠資源（但係計落其實又未必，見下文）。
而新110的確開拓到一D新客源，例如何文田來往港島東。

再諗落，如果102可以全日行清風街天橋、唔入興發街，成個天后俾晒112做的話，
咁我#2建議的新110，存在價值即刻大幅減低；雖然新110可以做到旺角東，
又做到愛民邨新客，但係充其量都只會係102的輔助線。

到時個情況會係：
102
縮短至鰂魚涌海澤街，與N72同站，減車10架，班次大致不變

102X
美孚 - 筲箕灣，來回程健康村上橋，派車14架，約10分鐘一班

112
縮短至天后，減車4架

至於106/116果組，based on你的建議，盡量照顧返原有乘客，我會作如下微調：

106
縮短至鰂魚涌祐民街，即現時116總站，減車10架；另外九龍區總站可以考慮
搬去樂富，減少同116的重疊，來回行聯合道、界限街；
果頭而家無巴士去港島東，如果106成功搬去樂富的話，有利於日後103與其他線重組，
不入銅鑼灣減少兜路。

116
總站擺北角健康村，即現時112總站，主因係北角碼頭無位；減車4架

116X
大致跟你的建議，糖水道上落橋，經耀東，以筲箕灣為終點站。
不過考慮到慈雲山本身無鐵路同埋由有變無的問題，
我會將條線由黃大仙拉上慈南，經蒲崗村道，做埋鳳德村同鳳鑽苑一帶，
時間只會加多幾分鐘。派車14架，全數由106/116縮短抽調。

之後110果12架車，有以下兩種處理方法：
1. 跟我#2的建議，由九龍站搬去維港灣，做炮台山 - 旺角特快；
但係如果102可以全日行清風街天橋的話，110的存在意義即刻大減。

2. 考慮到太古城、筲箕灣電車路、柴灣小西灣由有變無的問題，
我會開返106X，小西灣藍灣半島 - 黃大仙，
來回程經柴斜、筲箕灣道、太古城，填補110太古城的空缺，
可以打造成太古城/西灣河/筲箕灣 <-> 紅隧/紅磡/土瓜灣的特快，
而行車時間亦只會比起106P九龍方向而家個行法多5分鐘左右。
港島方向亦可以在紅隧口幫118清客。
九龍段可以跟返106，但係我會認真考慮，花多10分鐘時間，
紅磡段跟115咁行，食埋黃埔同紅磡灣，擴大客源。
初步繁忙時間做15分一班，派10架車；
非繁忙時間20分一班，派8架車，估計足夠應付需求。
咁剩返果兩架車，就可以拎俾106/116加返班。

原帖由 adv_106 於 2012-1-15 07:02 發表 http://www.hkitalk.net/HKiTalk2/images/common/back.gif
除左110之外，東區紅隧線條條都賺到笑，這也是巴士公司一直不肯作出改動的其中一個原因。
其實紅隧線本身就比較特別，除左條118快D之外，條條線都慢到喊，但是日日都人山人海http://images/smilies/default/sweat.gif.

但係要記得而家條條慢到喊，正正令到一d本來會搭的乘客卻步，轉投港鐵，甚至再轉車。
如果能夠整幾條特快線，改善分工、縮短行車時間，好大機會可以吸多唔少新客，巴士公司的收入都有所提升。

一大段路空載其實唔見得好賺。

首先應搞掂拆賬問題 加大BBI先la
e+比完一程錢後轉乘果陣又要比多一筆(得-$3.5優惠)
我真係好懷疑有幾人會用e個優惠

原帖由 S3BL100 於 2012-1-15 11:40 發表 http://www.hkitalk.net/HKiTalk2/images/common/back.gif


但係要記得而家條條慢到喊，正正令到一d本來會搭的乘客卻步，轉投港鐵，甚至再轉車。
如果能夠整幾條特快線，改善分工、縮短行車時間，好大機會可以吸多唔少新客，巴士公司的收入都有所提升。

一大段路空載其實唔見得好賺。 ...

雖然條條線都慢到喊，但是載客量一點也不差。
無可否認在筲箕灣和西灣河坐102過海係慢，但仍然有不少人捧場，很難說服巴士公司更改路線。
最差果段，個人認為是112行英皇道和106的柴灣道西行，的確有點浪費資源。

區內流水客由區內線做返係很正常，但東區的區內線本身就很有問題，一係慢，一係疏車。
如果區內線係做得掂既，點解D人見到106/606/682/694收5.7都照上? 我也見過有人上A12
例如康山，82X 通常4個字先有1班車，106 4個字隨時黎4班車，咁D客會點揀呢?
如果你CUT短106，D客返小西灣焗搭82X，他們唔投訴就怪。

BBI唔係唔可行，不過涉及到3間巴士公司，唔係咁易做到。
(紅隧口的侯車環境也可能製造不少難題)

[ 本帖最後由 adv_106 於 2012-1-15 21:59 編輯 ]

載客量不差不等於不需要改善.

以小弟為例, 我而家由太古去MK, 都會揀MTR, 唔坐102.

但如果102 改特快, 我諗我會坐102.

原帖由 neoplan720p 於 2012-1-15 10:19 發表 http://www.hkitalk.net/HKiTalk2/images/common/back.gif
Q:土瓜灣道及紅磡一帶沒車去太古以東的地區?

1. 而家馬頭圍都無車去喎, 但新建議下就116X 去到; 一邊由無變有有, 一邊由有邊無, 可能講唔通, 但係兩區都唔算太遠, 所以我既諗法係: 116X 始乎比106P 更有需求.

2. 轉乘. 其實我會搞106 <-> 102、116X、118既轉乘. 咁到時紅磡既客就可以特快去東區, 比而家呆坐106更著數.

***********************
Q: 106而家做緊港島流水客.

1. 話明港島流水客, 請諗辦法俾返流水線做, 而唔係叫106、682死頂.

1. 你當106冇到? 106響馬頭涌道家計會對面咪有個站囉, 不過我相信搭106既人唔多, 有需要既人都寧願轉車
另外下繁土瓜灣道仲有小巴去筲箕灣, 但班次比106仲疏, D人寧願搭106都唔搭佢, 相反, 回程佢就搶106唔少客
2. 響邊度轉乘呢? 如果響紅隧口, 真係冇乜著數, 果度太多人了