重組九巴3C/9/203E線

覺得抽車果到真係有D奇怪
3號完全睇唔到點幫到7/208
但又要抽水同11號又好似關係唔係咁大
都要照抽
最得意好似係做唔做是次重組
3B+5C都可以交車

主要想講慈雲山<>尖沙咀快線
條線可以由慈雲山開出之後經3C沿線 (或者行竹園落樂富)去到窩打老道，然後行公主道去到理工行漆咸道南去尖沙咀碼頭，專做黃大仙區去尖沙咀特快
我知咁會好易塞車，但係點都快過行亞皆老街、窩打老道、彌敦道，況且你建議個行法要唔少QUOTA

原帖由 S3BL100 於 2012-1-28 11:51 發表 http://www.hkitalk.net/HKiTalk2/images/common/back.gif


問題係，有冇人咁神心等9號？佐敦返彩虹，正路都搭1A/14/26等線啦。

彩虹就係因為太方便，有齊合理替代方案，仲有大大個鐵路站，
如果你因為彩虹的問題而繼續漠視慈雲山長年交通不便的話，
我只係覺得你搞緊山頭主義，實在講唔通 ...

甚麼是山頭主義?果D又有小巴,又要巴士直達,資源是打劫來的,稍有不順的就講反枱(例子: 胡X偉),
果D就叫山頭主義囉!!

你講果堆線繁忙時間觀塘區都顧唔惦點幫彩虹呀,你都識講27號要搵25號幫手啦,坪石又有鐵路,又有
27號去旺角,更加可以行去觀塘道搭其他巴士的時候(甚至比彩虹方便),為何還要開多條25號去疏導坪石呢?
你又唔抽27號資源開,27號唔夠載,你咪郁23,23M同26M囉,26號夠載咩?你又唔建議開條
四彩跟26號去尖咀的線,順便幫幫條26號手?你由慈雲山同四順的果兩條線都話跟27號行,即是經始創中心
果段彌敦道,咁要唔要QUOTA呀?

你話"慈雲山開返D行法合理少少的巴士線，都有助於疏導小巴轉港鐵的客"，
咁你話116慈雲山去銅鑼灣夠唔夠快先,但我同你講,佢哋都是搭紅小而唔會搭116,一來經富山行(時間多咗),
2來隨時站站停(流水客多),點吸引佢哋去搭?
還有我講"慈雲山道路設計問題,開太多路線反而影響交通流量(37M堆車經常頂死巴士埋站)",而不是
"因為小巴車多而唔去開巴士",而家果堆慈雲山中心開的路線落到德愛都差唔多要用10分鐘的時間,你都
未解決道路問題就塞多D巴士落去鬥塞,咁叫解決問題咩?

我上面問咗咁多問題你都無答過 :
1)  慈雲山南巴士坑不足
2)  彩虹去亞皆老街的替代方案(2A,13D,16,98C,296C自己區都顧唔惦點幫,遲D起動埋九龍東+啟德
公屋落成更加唔駛諗,再講多一次,95去程唔經亞皆老街,回程俾全價)
3)  新3C比現時203E更兜的問題,
另外再加多兩個問題 :
4)  重組方案為何偏向對黃大仙及樂富有利(加咗車)
5)  26號要不要開四彩特車去"順便"幫坪石手
你答咗我上面D問題先回你果條"3C同5C兜到喊"的問題

我覺得暫時唔好講到啟德咁遠
仲有新巴係啟德應該仲有得開線
呢個唔算係反對理由

其實近幾年九龍東的確變天
唔只商業區，住宅區都係

唔計彩盈/德/福

慈雲山北一帶重建完
黎緊仲有安達臣/啟德

相信頭痛既係九巴

其實資源都難分配
但唔係話無得抽既
巴士公司覺得邊處有肉食，就調資源
原有需求平平、開始下降既地區就減(例如何文田)

但起碼唔會減到變0

我會覺得樓主咁做唔算過份
好過依家資源出現錯配..或者過時行車路線

距離鐵路遠既地方，做好服務係應該
比鐵路有優勢既地方，更加要做好

原帖由 5號的前fans 於 2012-1-28 20:53 發表 http://www.hkitalk.net/HKiTalk2/images/common/back.gif

甚麼是山頭主義?果D又有小巴,又要巴士直達,資源是打劫來的,稍有不順的就講反枱(例子: 胡X偉),
果D就叫山頭主義囉!!

成件事我只係覺得你不斷搵藉口，否定慈雲山獲得合理巴士服務的需要。
個問題係，而家彩虹只係少左條佢地根本都無乜點搭的9同203E，
但係仲有大把功能非常相似的路線，亦換左條3C做彩虹 - 蒲崗村道/黃大仙/橫頭磡/九龍塘流水客。
要彩虹有齊咁多條線而要慈雲山十萬人口只能夠繼續被迫慢碌3C/5C，
或者俾貴好多走去搭小巴，無視資源失衡，絕對係唔合理。

你已經唔係第一次晌本板發表利益嚴重向彩虹傾斜的言論。

胡志偉拉5號上去果單野我本身係反對的，因為5號做得好地地。
如果5號未拉上去，我會反建議3B經紅磡繞道延長去尖碼，5C縮去麼地道，
順手縮減慈雲山來往尖沙咀的行車時間。
但係而家5號既然拉左上去，呢個事實無法改變。
我睇唔到你舊事重提對成個討論有咩幫助。

你講果堆線繁忙時間觀塘區都顧唔惦點幫彩虹呀,你都識講27號要搵25號幫手啦,坪石又有鐵路,又有
27號去旺角,更加可以行去觀塘道搭其他巴士的時候(甚至比彩虹方便),為何還要開多條25號去疏導坪石呢?
你又唔抽27號資源開,27號唔夠載,你咪郁23,23M同26M囉,26號夠載咩?你又唔建議開條
四彩跟26號去尖咀的線,順便幫幫條26號手?你由慈雲山同四順的果兩條線都話跟27號行,即是經始創中心
果段彌敦道,咁要唔要QUOTA呀?

23、23M、26M都自顧不瑕，應該同觀塘區內其他線（例如14B、16M等）重組，
而唔係抽黎做對外線。

仲有，我都講左，25係做四彩為主，幫坪石清客為副，只係順手。
彩福彩德出旺角，合理行法只係得兩個：一係就新清水出，直落太子道東跟27；
一係就彩霞道天橋出，直行太子道東。
呢兩個行法以外，任何要再兜的行法都係唔合理。
咁而家係咪因為呢條25號有一半路段同27重疊，
就否定25開線俾四彩去旺角的需要？

始創出面果段彌敦道萬一無quota的話，3A/25（或者其中一條）可以跟而家條24
行洗衣街、旺角道、西洋菜街、亞皆老街。

你話"慈雲山開返D行法合理少少的巴士線，都有助於疏導小巴轉港鐵的客"，
咁你話116慈雲山去銅鑼灣夠唔夠快先,但我同你講,佢哋都是搭紅小而唔會搭116,一來經富山行(時間多咗),
2來隨時站站停(流水客多),點吸引佢哋去搭?
還有我講"慈雲山道路設計問題,開太多路線反而影響交通流量(37M堆車經常頂死巴士埋站)",而不是
"因為小巴車多而唔去開巴士",而家果堆慈雲山中心開的路線落到德愛都差唔多要用10分鐘的時間,你都
未解決道路問題就塞多D巴士落去鬥塞,咁叫解決問題咩?

唔用用116來比，3同3A行法係最直接，3號更加係唔會同小巴競爭。

而家慈雲山埋站塞車，小巴太多係主要原因；而小巴太多，正正就係因為巴士服務水平不足。
如果你話因為咁而唔好開多D巴士鬥塞，唔好用巴士做返一D本來應該係巴士而唔係小巴做既客，
咁即係本末倒置。解決到問題咩？

我上面問咗咁多問題你都無答過 :
1)  慈雲山南巴士坑不足
2)  彩虹去亞皆老街的替代方案(2A,13D,16,98C,296C自己區都顧唔惦點幫,遲D起動埋九龍東+啟德
公屋落成更加唔駛諗,再講多一次,95去程唔經亞皆老街,回程俾全價)
3)  新3C比現時203E更兜的問題,
另外再加多兩個問題 :
4)  重組方案為何偏向對黃大仙及樂富有利(加咗車)
5)  26號要不要開四彩特車去"順便"幫坪石手
你答咗我上面D問題先回你果條"3C同5C兜到喊"的問題

咁我逐點答你：

1. 成個慈雲山成件事都有重大得益，我唔相信佢地會因為要2F、3M繼續停慈南總站
而唔要多兩條線以慈南做總站、唔要3、3A兩條新線。

2. 彩虹去亞皆老街有幾多人？隨時一日總人數得200人以下。
而家好多區連去果頭既車都無，彩虹係咪需要條條街都有車經過先得？
我相信最多人去的係眼科醫院果頭，其實太子道西落車，行露明道入返去，兩三分鐘已經搞掂。
至於回程，仲有24線，可以停太子道東彩虹村，25果度都可以加返個站，收費高唔過9號仔。
另外2A/13D/16/27都可以幫到手。因此彩虹往返亞皆老街無替代只說係不能成立。

3. 蒲崗村道原203E乘客可以搭3去油麻地佐敦 / 3A去旺角，3更加肯定快過203E，
而3A站位亦更靚。另外，斧山道原203E乘客可以搭新9號線，只係等車方向掉轉，但係時間都差唔多。

4. 黃大仙同樂富無加到車，3C已經俾我由12架車減到得返9架行，而9號亦由11架減到10架。

5. 唔好拎26來比，四彩出尖沙咀唔係得26個行法係合理，
但係出旺角就一定要行太子道東直出，否則就會太兜。因此四彩去尖沙咀條線
我唔會建議跟26咁行，但係呢個係beyond呢篇文的scope。

好喇，請信守承諾，解釋一下你係咪認為慈雲山人應該繼續搭3C/5C慢碌而唔俾佢地合理的巴士服務，
或者講下你會點樣俾佢地一D更合理快捷的巴士線。

[ 本帖最後由 S3BL100 於 2012-1-29 00:15 編輯 ]

原帖由 S3M75 於 2012-1-28 14:50 發表 http://www.hkitalk.net/HKiTalk2/images/common/back.gif

7號已經變左一架單, 仲要長期收埋... 仲想CUT?
我反對鳥. 點解一定要去尖碼? 去麼地道唔可以? 已經有5C/5等.

原帖由 vilo 於 2012-1-28 19:46 發表 http://images/common/back.gif
主要想講慈雲山尖沙咀快線
條線可以由慈雲山開出之後經3C沿線 (或者行竹園落樂富)去到窩打老道，然後行公主道去到理工行漆咸道南去尖沙咀碼頭，專做黃大仙區去尖沙咀特快
我知咁會好易塞車，但係點都快過行亞皆老街、窩打 ...

一次過回：

3號同7/208由萬基大廈至尖沙咀一段重疊，
而7號亦唔係真係好爆。
落尖碼係因為尖碼人流點都比尖東多唔少，尖碼坑位同油麻地 - 尖咀一段quota由9號仔換返黎。

當然，唔鍾意由7號抽車的話，抽多架5C都得，
但係5C唔抽得太多，因為條線而家本身優勢就係密車，有效應付流水客。
點都好，如果3號日後有得加班加車，
收費平兼由尖碼至亞皆老街之間行法一樣的7號仔幾乎會係首選抽車對象。

如果行全段窩打老道、公主道的話，塞車機會多好多，
而且食唔到油麻地佐敦客。因此行亞皆老街、窩打老道、彌敦道
已經係吸客、減低塞車風險之間取得最理想平衡。

[ 本帖最後由 S3BL100 於 2012-1-29 00:17 編輯 ]