重組九巴3C/9/203E線

原帖由 GL3789 於 2012-1-30 22:27 發表 http://www.hkitalk.net/HKiTalk2/images/common/back.gif

四彩與康城有咩關係?

康城就有大大個港鐵站晌樓下，點解可以有一條全日X線、兩條P線去尖沙咀，加埋一條S線去旺角？

如果你講關於TD政策果D論點係成立的話，點解康城可以咁著數？果堆所為政策何在？

原帖由 dippy 於 2012-1-30 15:02 發表 http://www.hkitalk.net/HKiTalk2/images/common/back.gif
你一句彩虹有好多替代品, 無左幾條線都唔反對
咁我每一個區都無少到線就更加唔會反對啦
根本就雙重標準
新既7號可以考慮入一入尖碼或者唔去尖東
呢個唔係重點
重點係橫頭磡無問題
依家少左條尖咀半特快既7但多左條真 ...

你又試係度偷換概念，亂將蘋果同橙比較。

彩虹的確係少左條9號同203E，但係多左3C，overall係少左一條線，
但係3C可以取代203E做彩虹 - 蒲崗村道流水客，仲多埋橫頭磡、九龍塘，
而203E同9根本唔多人搭佢地出旺角，來往旺角仲有大把其他巴士線可以揀，
特別係95，行車時間無加長過，服務性質無變過。

至於你話樂富由1/7/208變1/7/7A，唔好意思，
雖然一樣有返咁多條線，但係服務性質唔同晒，受影響人數多。
本來樂富出油麻地佐敦好地地有條7號，捧場客數話多唔多話少唔少，
改完之後只能夠行上去富美街搭新7號，兜多10-15分鐘、塞旺角，
而尖沙咀果條所謂7A，原來來回都要兜廣播道，再加埋紅隧口塞車，
我唔覺得會比而家條7仔快幾多，而且行漆咸道南而唔行彌敦道，
彌敦道班客可能鑽晒入地底，流失晒。
仲未計非繁忙時間油麻地佐敦加埋幾乎肯定比尖沙咀多客，
咁一搞，原本好地地搭緊7仔班客真係多得你唔少，
話就話有返咁多條線，但係服務水平唔同晒，唔少人受影響。

個建議橫頭磡應該支持，但係隔一條街樂富邨已經有充份理由反對。

208如果九龍城區議會唔反對的話，可以改為廣播道 - 橫頭磡 - 旺角 - 佐敦，
填橫頭磡個窿，咁都好過你拉埋堆本身無咩問題的1仔同7仔大改行車路線，
令好多人受影響。拎D做得OK的老牌流水線大改，本身係非常不智。

原帖由 GL3789 於 2012-1-30 21:47 發表 http://www.hkitalk.net/HKiTalk2/images/common/back.gif

我個比喻係想講如果交通真係咁不便，唔計等車時間，24延長點解d人傾向辛苦d落山搭車都唔搭24 ?
咁既然居民無得揀，點解唔見步行步食左個offer先，而係不可為而為之，非開新線不可?

即係你由頭到尾覺得四彩因為無得揀，所以佢地好蝦，唔需要俾d合理既野俾佢地。

見步行步食住個offer先就死，因為條線太兜就唔會有人搭。
到時咪又大把數據話「對外交通需求不足」，佢地更加唔會有更多交通服務。
我唔係話要四彩有齊晒車去全港十八區，起碼新界線係不切實際，
但係一條直出旺角，一條合理速度去到土瓜灣同尖沙咀，實在係好基本。

24跟你個方案延長，要加幾多架車？而家24山下根本無咩客，
點解係要山上人就呢班唔存在的山下客？兜路好好玩？
24學你拉得就無可能唔加車，even加一架都只能夠做17-18分一班。
與其係咁，我寧願24、25拆開做，齊齊20分鐘一班，
都只係加兩架，好過整條咁畸形的線俾佢地嘆。
嫌加兩架太多的話，咪24再減多架，變30分一班，加埋25做住20分一班先，都只係五架車，
反正山下面的確唔見得需要24。

[ 本帖最後由 S3BL100 於 2012-1-31 00:18 編輯 ]

原帖由 GL3789 於 2012-1-30 16:05 發表 http://www.hkitalk.net/HKiTalk2/images/common/back.gif

四彩既居民出太子/旺角有大量其他交通服務選擇，(唔計綠小83A/83M轉港鐵、紅小)，牛頭角道既2A/6D/13D，觀塘道既1A/13P/14/16/40/93K/296C，新清水灣道既27/42/95，九龍灣站搭港鐵，由北/西/南三個方向都有交通服務選擇，路程少則5分鐘，多則15分鐘，平均係10分鐘之內已經有車搭
請唔好誇大居民出入不便既問題
如果真係咁唔方便，點解9號特車客量唔高? 原因就係現時有大量其他交通服務選擇，足以滿足現有需求
連早繁咁具指標性既班次客量都唔掂，仲點能夠說服其他地區居民讓d資源俾你開全日

你果條25只不過搞場大龍鳳玩數字遊戲，我只能解讀為由3B/5C抽車五架，削減慈雲山區居民交通服務，並且加重旺角等繁忙地區既塞車情況
個個屋邨都要有條巴士線出旺角，咁TD唔洗用quota限制巴士途經繁忙地區既架次，令該些地區塞車問題更趨嚴重，最好塞到唔郁得，呢d結果係咪你所希望 ?

如果你話行三個字出去搭車係滿足到、合乎到居民需求的話，我只會覺得你打橫黎講。

你可以話我開頭個方案只係玩數字遊戲，我事實上亦覺得
將成條24搬上山好過要郁埋3C/9/203E的資源。但係
9號而家做埋坪石同彩福，因此重整慈雲山區的資源的同時，分返五架車
取代我搬走條9號，俾返一條合理少少的彩福旺角線，一箭雙鵰，其實非常合理。
同時我亦無實質削減過慈雲山的交通服務。
慈雲山縮左條3B同減班，5C減兩架，亦無左3C，
但係多左佢地更加岩用的3同3A，是但一條都比3B/3C現時班次密，
佢地服務係有增無減先係。你同樣可以解讀為我將3B/5C的資源分俾3/3A。

25號一小時最多得果五班車，對旺角交通的影響有幾大？唔鍾意行彌敦道的話，
跟24行洗衣街都得。明明而家旺角唔係條條線都多客，點解唔可以分返D資源俾真正有需要的人？

就以你當初既方案，係做唔到彩盈，再加上彩榮路彩德既站位位置唔就腳，試問又會吸到幾多客?
結果你果條25只能夠食到部分客源，大部分居民繼續去外圍搭車，最終做成資源重疊，令其他更有需要既居民得唔到適切既交通服務

彩德彩福本身無全日巴士線，要開巴士線資源就要向外「乞求」
如果彩德彩福交通真係咁不便，點解24延長係接受唔到?
情況只係有個細路仔嗌肚餓，人地好心俾舊蕃薯你食，果細路講「我唔食，我要食麥當當」
咁究竟個細路係咪肚餓? 原來只係扭計，見到有人食薯條漢堡飽，自己想食就嗌好肚餓

不如你又講下我點樣「令其他更有需要既居民得唔到適切的交通服務」？

仲有你個比喻根本唔恰當，因為四彩只有一d唔合乎佢地需要既野。

原帖由 cong 於 2012-1-31 00:32 發表 http://www.hkitalk.net/HKiTalk2/images/common/back.gif


http://www.hkitalk.net/HKiTalk2/viewthread.php?tid=544608&highlight=%2Bcong

尖沙咀果度, 同意上面板友用返 5C 資源解決, 不過就應該狠 D:

1. 5C 縮去九龍城碼頭, 減車 13 架
2. 12 架要黎開 5B, 做慈中鳳凰 ...

你兩個建議唔係唔work，亦覆蓋到現有絕大部分乘客，受影響人數唔多，
但係你何嘗唔係好似我咁，抽9號仔加埋土瓜灣的資源（慈雲山 <-> 土瓜灣
由5C + 3B變成得返3B之後，一樣減少，甚至減得比我仲勁，雖然我唔認為會唔夠載），
分別成全慈旺快線同慈尖快線？換言之，你#1扣我分的理據已經唔成立。

我自己就對aPower睇得好開，不過都想講一下，討回公道而已。

另外，你將5C縮短要減價至$4.4 - $4.6，而3B來往下路慈雲山亦比5C平，
結果係好多人俾少左錢，區議會當然歡迎，但係我唔肯定九巴有冇誘因咁做。
我的建議下，當然都有人俾平左（3A旺角循環線$4.8），但係3A回車快過3C好多，
巴士公司未必無著數。

當然，5C斬短之後，對改善脫班、拖卡應該都有幫助既。

原帖由 dcyw 於 2012-1-30 23:05 發表 http://www.hkitalk.net/HKiTalk2/images/common/back.gif
純粹多口一回：

因看見部分樓主提及可以連同九巴24一同進行重組，那麼便要考慮
因啟德發展區而有機會出現的重組了，因為原來九巴是有計劃重整
5D及24的路線以服務啟德發展區的。

資料來源：
政府當局就109KA - 在啟德發展 ...

多謝分享。

我一直都強調將24成條搬上山係最好，但係呢個情況下，
我抽3C/9/203E資源上去彩福其實都唔見得唔合理。

當然，上面有人提到13D繞經，我覺得都相當值得考慮，但係
前提係13D需要同時改經振華道上落秀茂坪，否則牛頭角至秀茂坪之間一段
的行車時間會大幅增加，做黎都無意思，倒不如行振華道，到時秀茂坪反而仲有機會快少少。

===

http://www.cedd.gov.hk/eng/projects/major/doc/7719cl_a.pdf

反而根據上面呢份規劃文件，5D可以拉上彩福，來回經啟祥道天橋、宏照道，
入啟德新發展區，經土瓜灣道延長段直落下路，甚至可以考慮埋經紅磡繞道拉落尖沙咀，
咁到時四彩來往土瓜灣、紅磡甚至尖沙咀都能夠有合理行車時間，
仲可以做埋下路尖咀特快，視乎需求長遠甚至可以轉返全日。

原帖由 DIH 於 2012-1-30 15:13 發表 http://www.hkitalk.net/HKiTalk2/images/common/back.gif

新線3，想搶地鐵轉37M班人唔易，好多時唔係錢問題，而係「安心」。
搭地鐵我知一定好快有車、37M又係一定有車，
要駁腳都方便過有條直達線但唔知幾時有車。
假設我人在油麻地，3由尖碼出到加士居道，沿途咁多盞燈，
前車順燈後車長紅已經隨時令中途站要等20分鐘，20分鐘地鐵已經到黃大仙。
好似我而家去親九龍鬧市如果有地鐵到都係揀地鐵先，只有去尖沙咀會搭5號。
假設我去旺角／油麻地，我在鳳鑽苑分站齋等車（3C/203E雙飛喎！）的時間，搭地鐵已經去到旺角。
就算現實中有架這樣的3，而我要去油麻地或尖沙咀，
我而家已經可以話畀你知我唔會去等，慈雲山上居民的心態相信都差唔多。

唔反對，但係一程車直過始終有吸引力，
睇返37M下繁黃大仙可以排幾百人，同樣有不穩定因素，
地鐵轉37M vs 新3號仔的行程所需時間相信只係差唔多，
我唔認為3號仔會搶唔到地鐵轉37M的客。

諗下條3在窩打老道走，都要行足半條彌敦道，在乘客感受而言，有快到嗎？
用返「上班心急下班閒」心理，3只係比3C/203E行少700米彌敦道，
油麻地班客真係唔介意搭部3C/203E在旺角塞一陣架喎。
與此同時土瓜灣已經畀你抽走七架車（3B x4、5C x2、11 x1）［區議員上身：大拿拿七架！http://images/smilies/default/funk.gif］。
最多車又最貴的5C你抽得少，走去抽平價又本身已經難等的3B/11，即係「神風」班流水客嗟。http://images/smilies/default/titter.gif

唔反對，不過行窩打老道走的確係幾直接。

而油麻地客唔介意旺角塞多10-15分鐘，係因為而家根本無一條線好似條新3號仔
由窩打老道出返去九龍城、彩虹道，乘客無得揀。有左呢條新3號之後，情況可能又唔同晒。

另外，唔鍾意抽11的話，可以抽多5C一架都得。
我同意5C而家拖卡拉低效率的問題存在，但係我唔主張5C抽太多。
始終5C而家做緊尖咀返下路獨巿，抽太多會影響流水客
（或者好似上面cong建議縮短5C都得，但係九巴會收少好多錢）
或者，如果5C而家行緊果段路可以用到大車的話，已經好好多。

反而3B因為除左富山之外都有替代，抽多少少問題亦不大，
而3B亦有必要縮落慈南，慈中條坑讓俾3A。

你可以話我抽貴價5C抽得少、抽平價3B/11抽得多係唔合理，我唔反對，
但係以巴士公司立場，5C係全九巴最好賺的路線之一，相反3B/11我相信最多只係收支平衡，
抽車當然係抽3B/11先，特別係3B。

我個人感覺係尖沙咀連尖東已經夠踢架5C直飛彩虹道，慈尖特快用返5C搞好過。
「尖東」同「尖沙咀彌敦道」個市場係唔同的，身在彌敦道首選一定係地鐵，
身在尖東暫時首選都係巴士，沙紅線建成後更加需要主攻真正特快。

同意沙中線起好之後更要主攻真正特快，但係我對於只做尖咀尖東、
直飛彩虹道的慈尖特快，非繁忙時間係咪夠客，其實有d擔心。
睇返同樣只做尖沙咀（其實仲多個佐敦）的特快線13X，覆蓋面人口唔會少過慈尖特快，
但係繁忙時間最密亦只係做到10分鐘一班，非繁亦唔爆。
當然你可以話牛頭角、樂華、even啟業都俾條平價28分走好多客。
只做尖沙咀的特快線，只係得215X非繁都做到個位數一班兼且仍然可以坐滿甚至頂閘，
不過215X有觀塘巿中心呢個工商住區支持，情況已經同慈尖特快只係得慈雲山同彩虹道爭好遠。

原帖由 cong 於 2012-1-31 01:09 發表 http://www.hkitalk.net/HKiTalk2/images/common/back.gif

1. 由始至終呢板冇人反對過郁 9, 如有麻煩 QUOTE 出黎
2. 第二個 PLAN, 所有資源全數用返落慈雲山土瓜灣, 如果慈雲山土瓜灣資源俾左其他區,請指出
3. 尖沙咀 PLAN 既誘因係可以摺左 5A 同埋下一步用 5C 食埋 8A,  ...

都有人死都要攬住條9號既，例如#38樓的「5號的前fans」板友囉……

唔反對第二同第三點，但係你個plan的土瓜灣overall服務水平其實真係未必多過我，
起碼我係減5C兩架，依然做到頻密班次，但係你條3B加返四架車都做唔返呢個班次。
當然我唔係話你個plan唔work，事實上你都做得幾嚴謹。