北區巴士重組將於8月17日展開(70X尾日為8月23日)

277P客量似乎幾好

去市區:50-60%載客量，在鑽石山更有人落車
去北區:都OK，下繁可以接近坐滿狀態

原帖由 樂仔〞 於 2013-8-27 00:26 發表
由於兩件事唔同 , 我另開新文

話說今日入一入上水 , 普遍乘客對雙向分段都係處於一頭霧水既狀態
甚至連司機都唔知成套 logic 係點
有客知 76K 上水落車要拍卡 , 但同時又以為 273A 落車再拍多次

373A 尾車客量 ...

如果暑假過後373A仲有咁好客, 都值得試下開日間全日.

原帖由 straysheep123 於 2013-8-27 21:12 發表
今日近兩點睇到277P藍田方向經過荷里活廣場

兩層坐位都坐到一半(即係窗口坐滿)

18:00放工見到北行277P入四美街總站

大約坐左70%位...過埋四美街應該有人要企

其實277P有得做...... ...

70X 情況都一樣, 其實 70X 都有得做...... 只不過 70X 咁密車 (密過 277P ) 而未至於要企, 但天馬苑上車的人兄仍可能要企

原帖由 transbus 於 2013-8-27 23:24 發表

如果暑假過後373A仲有咁好客, 都值得試下開日間全日.

第三輪重組唔係全日呢咩？

原帖由 sea1986 於 2013-8-28 00:08 發表


第三輪重組唔係全日呢咩？

哩層小弟當然知,
不過同大家一樣, 擔心轉全日萬一唔夠客, o的車咁用唔值.

利申: 華明帝國既得利益者 (雖然我冇左條 76K)

我覺得撇除九巴想縮皮因素, 其實今次重組個大方向係正確。郊區線本身需求唔大,
例如 77K 主要係俾粉錦公路沿線居民 "出城" 購物同轉車 (主要係港鐵), 上水去祥華
呢一段單程就已經 15-20 分鐘, 來回已經超過 30 分鐘, 仲未計龍琛路人車爭路...
73, 73A 本身華明去上水一段客量稀少, 兩架車同時由華明開車, 令大窩西支路居民
等車更有預算, 加返 74X / 75X 轉乘優惠都算係對取消 70X, 在時間上損失的補償。

偏偏呢期唔知點解有咁多 73A, 77K 忽然 fans 走出來話聯和墟 / 上水冇車搭...
我明白由有變冇, 就算只係好少數人受影響, 的確令乘客在時間上 (今次咁多轉乘
就冇乜金錢損失) 蒙受唔少損失。但我又覺得, 冇理由為左班連半個鐘一班小巴都
載唔滿的客去繼續浪費資源, 搞到冇車開其他路線... 聯和墟本身同大埔都有咁上下
connection, 其實可以考慮開返條綠色小巴 (但只去到大埔墟), 如果唔係又肯定收
到 502 咁既天價... 至於上水就算吧啦, 上水開條巴士 (甚至小巴) 直上公路出大埔
根本唔會夠客, 時間亦唔見得快過搭火車轉 K 巴好多。

反而呢個華明轉車站我就覺得係做 show 多過實際。試問上水居民又會唔會咁
特閒兜半個鐘去華明, 再轉架唔係快的 73 / 73A? 最初個 plan 係上水完全零巴士
服務去東九龍, 但觀乎今次 277E 的客量 (今晚 21:40 的 277E 甚至比 277X 更多
人搭), 根本遲早都要轉全日。到 277E 轉全日時, 上水已經有齊哂北區所有出市區
的路線, 277E 仲要比 70X 快很多... 270A, 278X 同 279X 同以前又冇分別, 仲多左
架 373A 40 分鐘特快出上環, 呢個時間, 港鐵都做唔倒...

我覺得要谷 373A 的話, 就一定要宣傳上水 40 分鐘特快出上環呢個優勢, 但你唔好
預佢會好似 307 咁會做到班班都坐到滿哂, 試問粉嶺 (甚至上水) 去灣仔, 行西隧
點講都係唔順路, 甚至你去問下駕車者由北區出灣仔, 10 個有 11 個都唔會選擇西隧
(最多行東隧同東廊) 唯一優勢只係時間上較穩定, 但要快的話, 搭火車轉隧巴又係冇得
輸... 要盡量爭取客源, 去程改行軒尼詩道 (大約同 960 / 961 一樣行法) 係底線...

講返呢堆路線, 我覺得仲有好多地方可以優化:

1. 277X 不入華明快車呢兩日俾人投訴到暈, 我在想: 原本 29 架車都可以食哂兩邊客
(回程一個鐘都開緊 5, 6 班吧), 而家加到 39 架車 (唔好計收車 / 有車要柯打 373 等路線),
我當有 10 架車拉左去做 277E / P (但佢地一個鐘只得 5, 或者 "非法地" 開了 6-7 班),
仲有 29 架車做返兩邊 277X, 而每一架車仲要用少 10-15 分鐘做全程, 有乜理由會有人
等到上唔倒車? 會唔會又有班祥華 / 粉嶺站附近的居民知道 277X 唔入華明, 又由火車
回流?

2. 既然 277E 晚間非繁都 keep 住半滿 (反而 277X 被分薄), 我覺得開返兩邊全日線對
大家都有益處。雖然華明帝國的區議員想霸哂出東九的資源, 但調轉諗, 其實而家 277X
有 22 架正字軌, 每邊 11 架車都已足夠維持兩邊 15 分鐘一班車 (等於以前 70X 非繁開
7 分鐘一班), 連 74X 做哂成個大埔都係同佢差唔多... 反而路線上真係有好大進步空間。
而家兩條線都要橫跨火車軌, 尤其係 277E 經過區內大量塞車黑點, 要改善的話, 我覺得
用火車軌兩邊分家都係可行建議。聯和墟出發根本經上水同經華明分別都唔大, 百和路
又可以全日有車出東九, 上水 (特別係天平同火車站一帶) 又唔駛塞兩次雞嶺迴旋處,
華明方面, 反正聯和墟同嘉福的客量又相若, 入座率都係差唔多。祥華 / 粉中方面, 其實
都係行多兩步跨過火車軌就有車搭 (佢地都係咁樣行過去搭 278X)。早繁華明特別多人
的時段, 就用清河 / 粉南那條再拆開兩邊, 清河 / 嘉福同粉中就過華心 (建議唔停景盛華心)
直出公路, 唔駛入華明, 華明繼續開吉車清客...

3. 77K 元朗區縮短對慳車根本冇幫助, 粉錦出元朗又有一定需求, 建議搬返去元朗西做總站,
另繁忙時間設特車去錦上路站調頭。

4. 76K 粉嶺縮短對慳車幫助唔大, 反而元朗縮返去元朗西效果更顯著, 元朗西去朗屏一段
車程, 時間根本同經元朗廣場天橋行過去冇乜分別...

5. 278K 而家反正唔夠頻密小巴爭, 搭得佢都係用來轉 278X / 270A, 咁不如索性延長至華明,
只需跟 277X 在華明兜一個圈出返去, 順手解決 501K 小巴晚間車疏 / 唔夠載的問題。全程
收費加到 $4.1 都可以接受, 咁樣兜個圈一轉都係講緊 30 分鐘內就行完。

6. 既然上水有埋 277E 就已經有齊所有線出市區, 咁翠麗 / 天平居民根本用 270 已經可以
轉車, 270 加返哂北區對外線轉乘已經解決。班人搭火車, 九巴至少有 $3.4 落袋, 班人搭
巴士出外, 九巴又係除笨有精... 70K 又唔需要特登入天平後面同翠麗, 要方便學生哥返學,
照樣加返 70K, 273A 甚至 273B 轉乘就得。

7. 278P 朝早三班車經百和路 / 華明圈根本多餘, 建議過上水後直上公路, 吸引更多聯和墟
同上水居民乘搭, 聯和墟又唔駛焗搭 279X 兜路。

8. 273D 棄清河保上水市, 反正粉嶺南搭 273A 同 273D 去百和路沿線分別不大, 273D
可在 273A 最多學生客上落時段當做快車來往上水同粉嶺南。

9. 73 不入工業村時段都要繼續兜太平工業中心, 又要入廣福道根本冇需要。反正轉 74X / 75X
都可以在寶鄉橋轉車 (係去程要行多兩步), 建議入工業村時段, 過寶鄉橋後用返懷義街調頭,
經大埔中心總站, 南運路入汀角路, 回程相反。大埔中心做總站時段就懷義街調頭後直入大埔中心
總站, 回程一樣... 如果要去廣福, 或者轉 74X / 75X 又唔想行,就請預時間搭 73A...

10. 漏左講 277P, 建議繁忙時間保留, 北區用類似 270A 走線 (回程直行百和路, 不入華明),
過大老山隧道後經新蒲崗, 黃大仙去樂富做總站, 朝早 7-8 每 20 分鐘一班。回程就黃大仙中心
起載, 經四美街同鑽石山上大老山, 傍晚 6-7 每 20 分鐘一班...

當然我仲諗倒點樣解決九巴成日話唔夠車, 唔夠資源問題。西港島線 / 南港島線就快通車, 到時
港島區肯定有唔少新巴城巴 cut 出來, 我覺得可以趁機俾新城甚至嶼巴殺出一條血路, 收返部份
過海線出來招標 (例如 373, 961)。既然當年開 B1, B2, B3 都係用額外資源出來做, 有需求的話
根本一樣可以拎堆線出來投標。甚至我有狂想, 連 44 / 44A 小巴都拎返出黎投標, 搵其他巴士公司
開條經屯門主要屋苑 (可以不用跟足 44 / 44A 咁行, 例如入良田不入兆康), 等巴士同小巴可以各有
各做。而家 261 同 44 / 44A 根本係嚴重資源錯配, 景峰一帶需求最少就用巴士做, 屯中, 良田同
屯碼需求大就有唔少乘客經常要久候小巴... 調返轉做根本條路可以少好多車... 屯門西可以考慮
用巴士做良田建生, 小巴做外圍的山景同兆康, 實行各有各做...

如果76K往朗屏改成建議中的68A, 經擊壤路.元朗安寧路.媽廟路.宏達路.鳳池路.朗屏路返總站唔知會唔會快左,
加276 276P(往天慈)八達通免費轉乘, 已經cover到水邊村個窿, 仲可以去埋屏山/天南.

原帖由 樂仔〞 於 2013-8-27 00:26 發表
373A 尾車客量遠比各位講既單層一隻手數得哂既情況差得遠
一部 AVW, 上層坐滿 , 下層差 10 個位坐滿 , 呢個連我都跌哂眼鏡
似乎新聞咁樣宣傳法 , 373A 全日又唔一定係大家想像中咁差 , 不過只係一時一刻觀察 , 未能作準

當373A全日後，我認為九巴除了要加強在北區宣傳「50分鐘特快由上水往中環」外，
還要在港島區及大欖隧道轉車站宣傳
欖隧轉車站南行和北行，373A可以分別幫968（南行）和279X（北行）清客

968大欖客已經識373A。南行如果見到佢，相當多會上車。北行就更加—永吉街D人見有位坐嘅373A，貴幾毫都一定上。轉全日後跟968同路，客量一定冇問題。架車到大欖轉車站，更加掃曬條279X嘅龍。

有版友話揸私家車去灣仔吾行3幹?如果三條線隧道費一樣，我保證九成人會行3幹!不過當然到時會塞死中環。

[ 本帖最後由 rkkwan 於 2013-8-28 10:18 編輯 ]

我覺得261及277E要放棄天平，即縮返以上水廣場為總站減少行車時間，有助加密班次。
就算開巴士線同44/44A並行，小巴都以速度取勝，總好過尾站上車困難。
76K應縮去鳳翔路，77K返回元朗西，比錦田客同時叫54及77K兩飛。橫台山村的村民有小巴入到村，77K元朗區同小巴差不多，講速度不夠小巴，又入不到村，而家只到元朗市邊緣。其實77K可否不入博愛，加54轉乘，不用塞廻旋處都慳到時間。
277P建議清河開，學278X咁行，入到華明幫277X手。
70K,優化上水區路線，我建議到天平後，直去翠麗，建造業訓練局出馬會道，跟住往清河行寶石湖路及粉錦公路，並經太平，跟住清河，雞嶺回旋處到上水鐵路站，新豐路，寶石湖路，返回原有路線往華明。