龍運巴士「A」 線及「E」線即日回程短期票價優惠計劃

原帖由 tommy11529 於 2013-10-12 01:29 發表


問題係邊個車貴d?邊個人流多d?
CTB的A線一向都唔係多客，而且大多都係機場員工用(冇記錯就6折)
仲要諗下CTB幾多年冇加價?

同埋...lwb本身就可以過9.7%要回饋，係佢用埋dXX方法令到唔使過9.7%，比人發現先放返d入帳，就要 ...

之前有篇話城巴機場線識搵錢嗰篇文..
先話A21等線好好賺wor...

原帖由 FW614@6 於 2013-10-11 22:39 發表
唔好唔記得城記好多路線都同鐵路有競爭

既然有鐵路競爭 , 一開始定價就咪收太高啦
龍運加左幾次價都貴唔過城巴先吹漲

原帖由 neosan 於 2013-10-12 13:59 發表


之前有篇話城巴機場線識搵錢嗰篇文..
先話A21等線好好賺wor...

A21真係好好搵,不過其他A線應該蝕唔少

原帖由 3AV53 於 2013-10-12 01:15 發表
唔直接答你，用例子答你
FYR:（城巴用即日來回計）
A21里數37.1公里，每程$24.75
A31里數36.4公里，每程$18.9

A22里數44.5公里，每程$29.25
A41里數43.6公里，每程$22.3

A29里數50.2公里，每程$31.5,
A43里數57.9公里，每程$30.9

你 ...

但係咁喎，
A21 全程要75mins
A31 全程要65mins

A22 全程要75mins
A41 全程要65mins

以上都係多1km但係要多10mins，咁樣會唔會影響到成本高左？（因為同樣路程要派多架車）

不過我原本意思唔係想幫住城巴，亦唔幫龍運，我只係相信公司只會將個邊際利潤推到最大。

原帖由 ky927 於 2013-10-12 22:03 發表

但係咁喎，
A21 全程要75mins
A31 全程要65mins

A22 全程要75mins
A41 全程要65mins

以上都係多1km但係要多10mins，咁樣會唔會影響到成本高左？（因為同樣路程要派多架車）

不過我原本意思唔係想幫住城巴，亦唔幫龍運，我只係 ...

1公里邊度直7蚊..

原帖由 neosan 於 2013-10-12 22:33 發表


1公里邊度直7蚊..

但當兩條線都行44公里，大家都20分鐘一班，一條用65分鐘，一條用75分鐘，咁個7蚊就唔止值1公里，係用多1架車嘅價錢（包括油，司機，車等）。我都唔會話呢7蚊全部只係成本，但呢7蚊都未必係全部袋哂落袋嘅。

同埋政府推得兩個專營權出來，一定有營運同管理上原因，如果唔係，批一個專營權得啦。所以但單從里數/車費比例，好難講話邊間食水深啲。

重申，我唔係話城巴食水唔深（係無辦法證明，以上只係認為純按里數/價錢比例唔夠全面啫），但我相信係政府有俾可接受利潤範圍下，兩巴一定將條數賺到盡，計到盡嘅。邊有公司有錢唔賺呢。

原帖由 1181 於 2013-10-13 12:34 發表


但城巴用豪華車行A線, 有實時到站
只係坐滿不時都有加班車(A線坐滿通常啲行李已經塞滿走廊)
龍記好似大把頂閘線喎

實時到站都唔準.. 有等於無..
N23 假期都一樣成日頂閘.. 試過一次上唔到之後.. 之後都係call的士

原帖由 FW614@6 於 2013-10-11 22:39 發表
唔好唔記得城記好多路線都同鐵路有競爭

你咪話我話，早在十年有多前，大約2000年，龍運嗌蝕，o係當時低通賬、甚至通縮既環境下提加價(但之後不了了之)，
當時我同某D同道中人，已o係 HKBDB講過，機場巴士當中，龍運既經營環境實在太好。
城巴全部同鐵路正面競爭(當時未有A10 )，龍運呢，坐擁新界龐大人口，而且除左荃葵o個幾條線外，
其它全部獨市生意，冇一條要同鐵路競爭，唔通東鐵會搶到A43客？定輕鐵會搶到E34客？
連僅有既少少競爭：屯門機場渡輪，都做左好短時間就摺。

龍運咁好經營環境都話蝕，咁人地城巴咪蝕到阿媽都唔認得？人地城巴都未話蝕未話要加價，幾時到你龍運講野？
要加價，都唔該檢討下畀緊乜服務人，如果承諾加價後set返D同九巴既BBI、不再「E車行A線」，否則願受中記方式制裁，咁要加價都可以勉強容忍既.....

當時就畀人圍攻，話無理反九、挑罵戰，又話龍運平、城巴貴....而家有眼見啦！真理越辯越明

呢間龍運，多年黎一直話「同九巴兩間賬戶獨立既公司，做唔到BBI」，
不過同完全唔同集團既九鐵、嶼巴又做到喎，有時同九巴D車撈亂黎用又得喎(根本係經營環境太好，唔憂冇客！)。
要政府出手做野，逼佢要續專營權就要整返同九巴BBI (連呢個與民為敵既垃圾政府都睇唔過眼，龍運有幾惡劣有幾垃圾可想而知)，
跟著佢就整個hea到不能再hea既BBI，只限轉乘A線有，E線冇，仲要只平$1(你當人乞兒呀？！)，而呢個垃圾政府又收貨


利申：已謝絕龍運十年有多，只會八折的 + MTR AEL。

[ 本帖最後由 mckhgc 於 2013-10-18 01:16 編輯 ]

原帖由 mckhgc 於 2013-10-18 01:12 發表


你咪話我話，早在十年有多前，大約2000年，龍運嗌蝕，o係當時低通賬、甚至通縮既環境下提加價(但之後不了了之)，
當時我同某D同道中人，已o係 HKBDB講過，機場巴士當中，龍運既經營環境實在太好。
城巴全部同鐵路正面競爭(當時未有 ...

頭先有人比較左城巴 A 線同龍運 A 線車費，但無比較 E 車。

城巴 E21A 車程 38.9 公里，車費 $14；
龍運 E32 車程 38.4 公里，車費 $10.8。

城巴 E11 車程 50.1 公里，經西隧（$140），車費 $21；
龍運 E34 車程 50.5 公里，經欖隧（$135），車費 $13.9。

城巴 E22A 車程 61.8 公里，車費 $24；
龍運 E41 車程 57.6 公里，車費 $13.9。

龍運早年問題是出在車費太平，
城巴雖然明顯貴過龍運，但都有不少路段比港鐵更平，例如東涌往觀塘，E22 平過港鐵。

不過最諷刺，都係兩間賺到要回贈的公司，都係車費定得平既公司，
車費最貴既九巴，卻反而係蝕錢。