將軍澳隧道公路事故 交通擠塞極度嚴重

原帖由 transbus 於 2013-12-16 00:30 發表

其實將軍澳私家車多都幾難減.
第一, 舊道路冇預算將軍澳大填海之後, 會起大量高密度樓,
仲要地鐵都載唔晒o的人, 引人渣車,
第二, 首批高樓寶林坑口, 90年代樓市爆煲前起, 中產買入, 通常有車,
次批將軍澳南, 千禧年 ...

其實今時今日私家車問題並非由將北甚至尚德造成
因為2002年TKL通車之後，隧道塞車情況係有極大改善
只係過往呢幾年將南大量新樓同埋日出康城入伙，先再令隧道塞車情況惡化，至比12年前更嚴重既水平
亦都同時導致寶林、坑口既駕車人士改行山路，塞埋秀茂坪道

原帖由 ~誰@359~ 於 2013-12-15 22:52 發表
其實只要睇返而家隧道出口既實際車流量，同埋隧道公路限50同70既理論車流量
就可以大約估到公路70變50對車流既影響
但可以肯定既係，因為隧道入面既車都唔會全程開足70，所以公路改限速既影響唔會有想象中咁大
而條路本身 ...

改限速唔代表渣車要跟
條路行得70km/h,夾硬迫行50km/h
同慢駛遊行示威既效果一樣

其實,想D人唔cut線就落雙白線
想D人渣慢D就加相機
加盞影70km/h既相機就ok

龍翔道炒得重密,咁龍翔道全程改限速50km/h
又係咪會炒得無咁金?

加巴士專線
加到翠林斜之前就ok
重有 清水灣道科大至坑口道變四線雙程
一定好用過三跪九叩既寶林路

[ 本帖最後由 GA6072 於 2013-12-16 01:11 編輯 ]

原帖由 GA6072 於 2013-12-16 01:05 發表

改限速唔代表渣車要跟
條路行得70km/h,夾硬迫行50km/h
同慢駛遊行示威既效果一樣

呢個係咩道理？

原帖由 GA6072 於 2013-12-16 01:05 發表
其實,想D人唔cut線就落雙白線
想D人渣慢D就加相機
加盞影70km/h既相機就ok

咁請問如何防止D車冼胎？又如何防止冼胎之後其他車收得切掣？
答案就開慢D…

原帖由 GA6072 於 2013-12-16 01:05 發表
龍翔道炒得重密,咁龍翔道全程改限速50km/h
又係咪會炒得無咁金?

將軍澳隧道炒車已經分別o係11月12日下繁同埋早幾日既晚上癱瘓左東九龍交通，

龍翔道呢？

龍呈炒車都仲可以睇下炒邊段，有替代道路，將軍澳隧道得返兩條山路做backup

原帖由 GA6072 於 2013-12-16 01:05 發表
加巴士專線
加到翠林斜之前就ok
重有 清水灣道科大至坑口道變四線雙程

一定好用過三跪九叩既寶林路

錯，係一定要劃埋翠林斜路，應該話其實翠林斜路先係最關鍵
寶北巴士專線就係可以將私家車既樽頸由翠林路路口，下移至寶康路同寶北
將條專線由翠林斜路再extend落山，只係進一步防止其他車輛排隊上山，阻礙各種公共交通


清水灣道擴闊就要開山，但原來只係用作支援將藍隧道通車前幾年既需求，一D都唔cost effective
反而拆分隔帶、劃巴士專線既成本，比開山係少好多好多

唔係要歧視私家車，只係o係道路空間有限既情況下，有必要將道路既運載能力最大化

[ 本帖最後由 ~誰@359~ 於 2013-12-16 01:22 編輯 ]

原帖由 最後熱狗 於 2013-12-15 11:25 發表
好彩琴日早返歸，晏多半粒鐘就大檸樂

請注意用詞, 避免使用粗俗用詞及代替詞

admin26

1.呢個係咩道理？
呢個就係實際情況,條路行得100km/h,落限速70km/h已經好合理
落限速50km/h,你唔係以為會有車會理
2.如何防止D車冼胎？又如何防止冼胎之後其他車收得切掣？
防止D車冼胎就加鋼砂,防止冼胎之後其他車收得切掣,加吐公兩秒箭咀
大直路D人亂CUT,限速幾多一樣會炒車
EH3349比人炒已是一例
再講,限速70km/h,淨講繁時唔計塞車,車流時速得65~68km/h已經好理想,好多時得55km/h~60km/h
限速50km/h,車流時速得45km/h既時候,同寶林路一樣
或者咁講,你係將隧道公路降格做普通道路,
唔洗等炒車,寶林路日日都會大塞

3.翠林斜路先係最關鍵呢PART
翠林斜路唔係得巴士同私家車行,有好重型既貨車都要條慢線
經常有貨車上唔掂翠林斜,要慢線落番寶林
相反,巴士亦要爬笠巴士,未必用巴士線無謂係斜路開條毎日得80部車用用得既線

或者我同你諗法唔同既係,如何盡快清理車流同如何盡快清理人流既分別
人入將軍澳重有地鐵簡,貨就無得簡
重有,山上亦好應該用95做彩虹轉乘

[ 本帖最後由 GA6072 於 2013-12-16 11:58 編輯 ]

16/12
1309消息
地鐵將軍澳線全線停駛

https://www.facebook.com/icablenews

[ 本帖最後由 GA6072 於 2013-12-16 13:11 編輯 ]

原帖由 3350 於 2013-12-16 00:45 發表
其實唔知有冇人試過,見到山上山下兩條通道都GEM死哂,
會即時掉頭利用大老山>西沙路呢個終極方法呢?

無意思
因為行西沙路最終都係要經清水灣道入將軍澳
去到新西貢公路都會開始塞

原帖由 GA6072 於 2013-12-16 11:47 發表
或者我同你諗法唔同既係,如何盡快清理車流同如何盡快清理人流既分別
人入將軍澳重有地鐵簡,貨就無得簡
重有,山上亦好應該用95做彩虹轉乘

我同你既諗法好明顯係唔同啦

我既諗法係

o係繁時塞車既時候，令公共交通服務暢通無阻

結果所有公共交通既使用者都可以得益，鐘意搭咩車就搭咩

車

你既諗法呢，就係

繁時竟然係留條路畀貨車（which其實根本冇貨車會o係繁時用山路），都唔打算留畀巴士小巴

結果假以時日人口增加車流增加，山上就只會得返95同95M可以正常服務
將隧大炒倒塞返觀塘時仲只會得返95
一眾幫襯105 17M 98A 98C既朋友悉數中伏
而板友一直提倡，但其實一路都冇ground去support既「95出彩虹轉乘」，就會順理成章成為居民冇選擇下既選擇

原帖由 ~誰@359~ 於 2013-12-15 22:52 發表
其實只要睇返而家隧道出口既實際車流量，同埋隧道公路限50同70既理論車流量
就可以大約估到公路70變50對車流既影響
但可以肯定既係，因為隧道入面既車都唔會全程開足70，所以公路改限速既影響唔會有想象中咁大
而條路本身 ...

話因為防止落雨跣軚，將條路永久降低限速，道理上就同“因為要預地鐵故障，尤其是將軍澳線成日爆鑊，要求保留692每日全日服務”無乜分別。

晦氣點講，如果將隧公路因為咁要降速，屯門公路平日炒車當食生菜，道理上佢降速都未到將隧。
荃錦公路更加要永久封閉，因為好多日子的視野得幾公尺。
歐美等地落大雪其實比落雨更大鑊，但一樣唔會因為落雪而永久減限速。

如果只係因為天氣因素就要永久減限速，閣下會話塞車時限50同70無乜分別，但當無咁塞車就高下立見。
塞車0既時間會長佐，有因為有一段唔細0既range係行70無事，50就塞車。
睇下沙田市中心對出0既大埔公路就知，大圍方向好長時間都係介乎慢車到少少塞之間。相反，反方向往火炭就暢順得多。

閣下可能會問，好似青馬/汀九橋等，可變限速咪得。理論上係可能，外國亦有唔少例子。
但如果0係將隧執行就相當困難。
青馬/汀九兩橋改限速只基於一個因素：風速。

但落雨對路面的影響係複雜好多，豪雨固然唔駛講。
微雨會令路面有浸水，反而會跣過大少少雨，因為大雨少少，路面去水能力會好番d。
落雨的累積時數亦會有影響。


講番正題，既然將隧交通情況咁差，將藍隧道亦唔可能0係呢幾年爆出黎。
降低限速可能會令意外減少，但無事無幹一樣中伏。
學當年獅隧潮水式又得唔得？學屯門公路整巴士專線，繁時唔俾車由青山公路上屯門公路得唔得？
甚至盡d，學東涌道未改善前，將某段時間列為封閉道路，某段時間只淮某類車輛（當然要包括巴士小巴等）行駛又得唔得？

原帖由 s3n370 於 2013-12-17 00:29 發表

講番正題，既然將隧交通情況咁差，將藍隧道亦唔可能0係呢幾年爆出黎。
降低限速可能會令意外減少，但無事無幹一樣中伏。
學當年獅隧潮水式又得唔得？學屯門公路整巴士專線，繁時唔俾車由青山公路上屯門公路得唔得？
甚至盡d，學東涌道未改善前，將某段時間列為封閉道路，某段時間只淮某類車輛（當然要包括巴士小巴等）行駛又得唔得？

冇事時候中唔中伏呢就要睇返而家往將軍澳方向出口既實際車流囉
但換個角度睇，出口車流有幾多，其實個樽頸係o係隧道入口同埋初段既車速
即使D車行100衝出隧道，但只要D車實際上係行50入隧道的話
咁出口之後路段限50就唔會塞，只係大家一齊行慢D

當然你話改限速驚塞車，所以用其他方法，唔係唔得，但都各自有難處
鋪鋼沙畫箭咀都係要封路同錢，差佬果邊亦唔知有冇咁多超速相機，但改限速就最多係換路牌同宣傳

咁若果改限速對車流量影響不大，實在未嘗不可

即係如果TKL唔係半年壞一次，而係一日壞三次，我相信大家都會覺得692有必要保留，而正正前幾晚隧道就係一晚炒三劑，今日亦都炒左最少一劑

至於巴士專線，我早幾頁其實都有提呢樣野…

[ 本帖最後由 ~誰@359~ 於 2013-12-17 00:53 編輯 ]