西港島綫車站命名

原帖由 thomash 於 2014-2-10 20:47 發表

大學站都只是處於中大的邊緣，同大部分中大主要設施距離都幾遠...

你搞清楚
大學站前後中左右都有中大設施及建築
包圍住大學站
有學院總部又有書院總部(好似係)

_______________________________________________________________

其實呢一刻仲未有既定事實
作為用家嘅大家實在冇責任幫港鐵洗少啲錢或姐搵錢

原帖由 kei_hk 於 2014-2-10 11:33 發表


欣澳真係亂改一通 ?


你自己番查下叫欣澳的原因。(其實前文已經有暗示講出了)

跟政府亂改，都係亂改，所以我沙田都當改錯名。中電而家仲有老虎岩變電站。

為求一致起見，加埋其他由政府用行政手段改出來嘅名─
旺角、樂富、藍田

原帖由 thomash 於 2014-2-11 00:02 發表
不論係前地鐵定係東鐵綫M車裡面個報站走馬燈都容納到4字站名
（目測東鐵M車可以一次過容納9個全形字符：下一站是五六七八；前地鐵就10個）
而且因為係走馬燈所以就算突左都無咩影響 ...

有人話出唔到超過3個字嘅係列車車頭顯示目的地個電牌，
並唔係車廂內個資趣台/東鐵LED顯示牌出唔到

原帖由 ArnoldC 於 2014-2-11 01:38 發表
跟政府亂改，都係亂改，所以我沙田都當改錯名。中電而家仲有老虎岩變電站。

為求一致起見，加埋其他由政府用行政手段改出來嘅名─
旺角、樂富、藍田 ...

欣澳當時改名係因應迪士尼作出嘅要求，而且政府諮詢過區議會同意先至改的

至於你話沙田、旺角、樂富、藍田都係改錯名，
沙田喺1899年，英國將沙田圍誤會為瀝源，先至有呢個名，
旺角、樂富、藍田等等地方嘅命名，都係因應中國人嘅好意頭而改，有一啲仲係順應民意。

至於最後係唔係亂改，唔知道！
但呢啲地方都已經改左有一段時間，絕大部份香港人都習以為常，
所以根本唔可以攞呢啲嚟挑剔。

原帖由 hoising 於 2014-2-11 00:50 發表


你搞清楚
大學站前後中左右都有中大設施及建築
包圍住大學站
有學院總部又有書院總部(好似係)

_______________________________________________________________

其實呢一刻仲未有既定事實
作為用家嘅大家實在 ...

我相信你係用緊中大現有設施及建築去講有關包圍?
唔會1966年由馬料水站改名為大學站時已經係"包圍"吧...? 車站右邊應該那時仲係海.....

另外我又放張地圖, 睇下大學站與中大主要校園建築群的位置, 叫唔叫邊緣, 真係"見仁見智",
為左自己論點, 可以離開現實有幾遠?

[ 本帖最後由 3ASV196 於 2014-2-11 09:11 編輯 ]

原帖由 epsilon 於 2014-2-11 00:01 發表
歷史話畀大家知，位置唔準確都夾硬用地名嘅例子比比皆是，
地名相當流行又啱晒位置偏要用地標名街名甚至創作名嘅亦多不勝數，
仲講咁多做乜，根本某某所謂必須首先用地名命名車站嘅乜鬼原則從來冇存在過，一切都係佢覺得，思覺失 ...

歷史上出現過車站名稱錯配,命名不當，並不代表新落成的車站可以重覆呢d錯誤。同埋一個車站，並不是專門服務某機構/建築，又不是新發展區，卻不首先考慮以現存的地區/社區名稱去命名，我認為非常荒謬。

思覺失調的只係某d習非成是，讓錯誤重覆下去，又要攻擊其他人的人。

原帖由 syp 於 2014-2-10 22:07 發表


有咩好擔心, 石塘咀都係近百幾二百年至有嘅名, 佢有冇取代再之前嘅名, 你同我都唔知啦, 地名就係不斷更替啦, 唔好話地名啦, 人都不斷更替啦, 擔心得咁多。至於石塘咀之名會否被港大取代, 我睇就唔會喇, 馬料水之名 ...

石塘咀本來係一個荒蕪的山坡，係當地曾經有一個花崗岩石礦場，採礦完成之後，剩低一個凹陷大石塘，而向海的一段又尖又窄，似鳥咀，之後係上面發展的區域因此叫「石塘咀」。呢個名有其歷史背景，居民亦習慣了這個稱呼，到現在仍然使用。如果將新車站命名為"港大/香港大學"，是漠視地區的歷史背景，居民的習慣。

至於馬料水，係多得政府保留一個馬料水公眾碼頭同中大仍自稱自己在馬料水。但石塘咀的情況，我不樂觀。

同埋你霸道之處在於你的理據，一個人唔能夠接受自己提出的理據受質疑，咁討論落去都冇意思。

[ 本帖最後由 stevegold 於 2014-2-11 09:24 編輯 ]

原帖由 aaron 於 2014-2-10 23:35 發表
呢個題目，其實真係可以「龍門任你搬」，一時又話有兩三成「例外」例子，一時又話嚟嚟去去都係嗰啲「標準」
我諗其實好簡單，總之個站名能夠確切地反映車站所在地既位置就OK
既然有人要執著於「歷史」上，叫返「屈地」啦，反正都 ...

屈地街本身也位於石塘咀區內，叫"石塘咀"最能反映車站所在地，亦能概括車站的服務範圍。

原帖由 stevegold 於 2014/2/11 09:16 發表


石塘咀本來係一個荒蕪的山坡，係當地曾經有一個花崗岩石礦場，採礦完成之後，剩低一個凹陷大石塘，而向海的一段又尖又窄，似鳥咀，之後係上面發展的區域因此叫「石塘咀」。呢個名有其歷史背景，居民亦習慣了這個稱呼，到現在仍然使 ...

多得維基百科, 就算本來唔知啲地名來源, 一查就可以, 係咪? 地名同大自然一樣, 弱肉強食、汰弱留強。如果一個地名要消失, 你單憑個人力量係阻佢唔到的, 同樣如果個地名係經得起考驗, 佢永遠在民間流傳, 唔會因為一個用學校命名的車站消失。你都話石塘咀之名仍在使用, 如果佢真係如你所說咁多人用, 點會咁易消失, 你係咪骨子裡對個名本身都冇信心先, 係嘅話, 就算冇港大站名佢都會慢慢消失啦。如果真係消失, 都有維基百科收留佢, 俾大家閒時用來引經據典呀。我都係唔係好明, 點解你唔能夠接受地名有機會被更替, 就如大自然定律一樣嘅現實呢?

至於「霸道」嘛, 送你「三」個字: 「話人者是」

原帖由 stevegold 於 2014-2-11 08:53 發表


歷史上出現過車站名稱錯配,命名不當，並不代表新落成的車站可以重覆呢d錯誤。同埋一個車站，並不是專門服務某機構/建築，又不是新發展區，卻不首先考慮以現存的地區/社區名稱去命名，我認為非常荒謬。

思覺失調的只係某d習 ...

如果將新車站命名為"港大/香港大學"，是漠視地區的歷史背景，居民的習慣。

我相信大家都好了解你的意見了

但問題重點係, 命名o既野, 其實無話叫"錯誤"吧, 就算真係改名做"港大", 都唔可以叫"錯", 最多只是叫, 你個人唔鍾意多d lor...或認為有更好的命名....
歷史上亦話俾我地知, 就算"名稱錯配, 命名不當"的車站, 轉頭市民實際使用問題卻不大, 亦沒有不方便...所以你用居民的習慣等去講係不合理

如果講居民的習慣, 本身石塘咀都無地鐵的, 有新站本來就係新事物, 又唔係舊有車站改名, 我唔明有咩叫"習慣", 亦同"歷史"無關, 依家都無人叫石塘咀
改名, 依家命名只是新車站而非地區名, 擔心"石塘咀"改成叫"港大", 將2樣野, 車站名與地區名, 要絕對關連在一起, 一直只是你自己諗多左....

[ 本帖最後由 3ASV196 於 2014-2-11 09:44 編輯 ]