西港島綫車站命名

原帖由 hoising 於 2014/2/12 21:54 發表


現時是大量車站所在地的持份者不滿、不想改變習慣
硬上弓就是「大石砸死蟹」

不想改變習慣就不要改, 不想改變習慣又要改呢啲叫隨波逐流冇性格, 叫大角咀的人還是可以叫大角咀, 對吧。大量是有多大量, % 多少 ?? stevegold 疑似退出然後由你來接力, 樓主為本板帶來熱鬧真好。

[ 本帖最後由 syp 於 2014-2-12 22:05 編輯 ]

原帖由 syp 於 2014-2-12 22:03 發表
不想改變習慣就不要改, 不想改變習慣又要改呢啲叫隨波逐流冇性格, 叫大角咀的人還是可以叫大角咀, 對吧。大量是有多大量, % 多少 ??

居民對自己的社區有權利

社會科學不是絕對科學希望閣下諒解一下地球、諒解一下文明、諒解一下社會
給人類生存空間吧!

霸道也有限度
不是幼稚園生搶玩具

原帖由 hoising 於 2014/2/12 22:07 發表


居民對自己的社區有權利

社會科學不是絕對科學希望閣下諒解一下地球、諒解一下文明、諒解一下社會
給人類生存空間吧!

霸道也有限度
不是幼稚園生搶玩具 ...

那就看看石塘咀居民如何行駛他們對自己社區的權利好了。我在你眼中如何霸道, 我都不能真正干擾車站命名的, 請放心。我年紀大了, 不玩玩具的。不過我有興趣了解一下有限度的霸道和無限度的霸道是什麼, 有何分別, 我在這裡發表言論, 又如何影響人類生存空間呢, 又如何影響地球呢, 又如何影響文明呢, 你的說話真玄, 令人無法理解, 有興趣你不如去 N 板 elaborate 一下, 可能可突破討論 100 頁呢。噢, 我開始懷念 stevegold 了, 雖然我不同意他的觀點, 雖然我有點不滿他說我霸道, 但我相信他是真心捍衛自己的信念, 亦很有心機回文, 寫理據很直接很詳細很易理解, 不會把問題扯去港大學生, 不會把問題扯去地球, 不會把問題扯去人類生存空間, 也不會把問題扯去文明, 如果他真的不再回文實在是本 thread 損失, 可惜可惜。

[ 本帖最後由 syp 於 2014-2-12 23:21 編輯 ]

原帖由 stevegold 於 2014-2-12 09:45 發表


當有人以為去車公廟係車公廟站落車會近d、去長沙灣廣場要係長沙灣站落，要港鐵係車站出指示，叫人去其他車站落車會近d/適合d，有人以為去港大醫學院係"港大/香港大學站"落係唔出奇。而家港大官方地址又係薄扶林，港大醫學院官方地址又係薄扶林，有人以為係同一個區唔出奇，咁啱又有個站叫「港大/香港大學」，以為係呢個站落車會去埋醫學院。

即使係去港大本部以外的校舍，“香港大學”站仍然係最近的地鐵站。亦係一個理想0既轉乘站。
除非閣下係去嘉道理農場。

我其實追post追到一半都無乜心機
其實大家都「香港大學」/「石塘咀」站都有分歧
正如社會上應該都有唔同意見
既然係咁, 我更加覺得應該搞個命名比賽或者投票
睇下雙方支持者有幾多
如果結果出到黎係兩者相差太遠, 就無謂再拗囉

但係到目前為止,
唔好話命名比賽,
就連諮詢區議會都好似無做到
鐵路就快通車, 我諗港鐵做下樣都好應該啦

原帖由 stevegold 於 2014-2-12 16:41 發表


問題唔係幾多年先至習慣，而係牛池灣區地鐵站命名為彩虹站，居民要去習慣 ?而家既然有石塘咀呢個地名/社區名，點解要用"香港大學/港大"，跟住又要比石塘咀區d人習慣，點解要d居民去習慣新名，而唔係用番現有地名/社區名?同埋石 ...

有西寶城之後，D人要習慣去西寶城買野又唔麻煩?
有5X之後，D人要習慣去搭5X又唔麻煩?
有地鐵站之後，唔搭開地鐵既人又要重新習慣點搭地鐵又唔麻煩?

原帖由 stevegold 於 2014-2-12 11:59 發表



問題係，你講呢d車站，已經改左超過三十年，市民習慣咗，改番只係擾民。但而家石塘咀呢個名仍然存在，而且個車站仍然未啟用，同埋沒有因時制宜而命名為「港大/香港大學」的必要。 ...

回應返先~~
其實呢.... 我唔係保"港大"站的(之前那篇我明顯在狂抽水la)

其實地鐵站名對當區的影響之大, 可以由我提出的例子可見一番

有些區份, 因為地鐵站來到改左個同本區"無那間"的名
結果區名都比人改埋....
如太子..... 其實本來果度只係旺角北, 太子只是借用在那裡行過的太子道西, 結果現在成區都比人叫做太子了
更甚的是美孚,荔枝角,長沙灣 這個"錯位組合"

還好大家仲叫到奧海城係大角咀.... 大學係馬料水

雖然未必會發生, 但難保20年後石塘咀真係會比人叫左做"港大"了, (起碼馬料水經過幾廿年仲存在.....)

我地係唔係要更努力為"舊名"保留下來, 而唔係變左塊石碑?(正如成個樂富區, 得返個變電站叫老虎岩)

不過我地嘈來嘈去都無結果... 港鐵係好多地方都用緊"香港大學站"這名稱來宣傳了

至於可唔可以另到佢改名?...
正如荔灣改左做美孚....九龍都改左做紅磡..... 散石灣都改做龍門   

"因時制宜"姐....

難保有一日落馬洲都叫埋福田(南)站.....

「旺角北」應該本來就唔係一個區名, 所以「太子」並唔應該是取代了「旺角北」呢一個名, 佢只係取代了「旺角」北面的一些地方命名啫, 但「旺角」呢個名並無消失, 唔需要寫進「石碑」, 係咪。但我個人覺得一個區被拆細來叫, 都係順應市民習慣的叫法, 唔應該覺得係一件唔好嘅事吖。但其實「旺角」本身就係取代「芒角」或者「望角」而來的, 「芒角」或「望角」就真係寫上「石碑」喇, 咁又可唔可惜呢。我個人覺得地名加東南西北的叫法, 倒不如起個新名, 係咪有創意啲呢, 我唔係講緊要消滅個舊名噃, 係新舊名並存, 當然舊名的一些部份可能被新名取代了。長遠來講改新名係咪方便啲呢, 如果前人都只用東南西北命名, 咁假設油尖旺三處原來只有油麻地地名, 咁尖沙咀叫油麻地南? 旺角叫油麻地北? 深水埗叫又咩, 油麻地北西北? 其實地名就係不停更替, 舊名消失可惜係會, 但大家亦可以從不同角度看, 看看佢好的影響。或者可能大家對地名因其他原因而變更不覺可惜,只對港鐵公司引起的地名變更才覺可惜?

至於「長沙灣」、「荔枝角」站名, 直至 30 幾年後嘅今日都依然做成混淆, 喺某個角度來看, 其實即係可以話港鐵站名嘅威力唔係真係想像中咁大, 係咪, 不過做成混淆係唔啱, 衰啲講句, 我寧可政府「大石砸死蟹」宣布荔枝角站一帶正式改叫荔枝角可能程可以減少混淆, 當然荔枝角站改過個新名都可考慮。地方名所指範圍有改變, 有些擴大, 有些縮細, 有些飄移了, 其實例子都唔少。好似九龍塘, 由太子站東北面一帶飄到老遠去了今日的九龍塘, 我哋都只係可以喺「石碑」裡重溫九龍塘昔日位置, 我唔知又可唔可惜呢。至於車站命名多啲諮詢, 唔會唔同意的, 與其搞比賽, 不如直接搞公眾諮詢喇, 比賽一樣最後係由評審「大石砸死蟹」決定, 或者搞比賽再加公眾投票更好。

原帖由 hoising 於 2014-2-12 22:07 發表


居民對自己的社區有權利

社會科學不是絕對科學希望閣下諒解一下地球、諒解一下文明、諒解一下社會
給人類生存空間吧!

霸道也有限度
不是幼稚園生搶玩具 ...

社會科學學生表示讀「社會科學」唔係淨係咁簡單「諒解」，背後牽涉好多觀察同埋理論框架，事情亦無絕對對錯。
始終鐵路相關從業員大多牽涉工程、技術等針對有必然正確與錯誤既領域，無論係鐵路公司定係愛好者好多時都係響人文、社會角度有所忽視，如果係有敏感觸覺的話，車站命名工作可以做得更好，地區諮詢工作可以聽更多意見。


但小弟學藝未精，無意班門弄斧、在前輩面前被貽笑大方，唔特別搬乜嘢理論、乜嘢框架去解釋啦。

回歸基本步，香港真係無一套明文規定既車站命名原則文件。畢竟都講咗超過20頁，容我簡單概括下呢個位於「薄扶林道」地底既鐵路車站大家提過乜嘢可行命名：
－香港大學 （機構名稱、香港首間大學）
－石塘咀（所在地地名、過往風月場所集中地）
－屈地（街名、車站設有出口服務屈地街、1967年《集體運輸系統報告書》曾使用名稱）
－振英（人名、可指曾於附近著名男校就讀的現任特首梁振英）
－中山（人名、指曾於港大前身西醫學院就讀之孫中山、西區亦有建築紀念孫中山足跡）
（如有錯漏，歡迎提出）

[ 本帖最後由 aaron 於 2014-2-13 10:57 編輯 ]