青沙，係咪大家想象中咁吸引？

原帖由 ccchhhuuunnn 於 2015-3-9 11:10 發表

呢個起點終點幾乎一條大直路, 一邊差唔多係公路後頭站
另一邊過曬尖咀佐敦, 雖未到公路前尾站但都已經唔太多人
唔駛計唔駛試都知81c贏喇
有咩參考價值 ...

287x唔到尖沙咀，冇得比.佐敦計81c仲穩定過287x,起碼唔會喺旺角塞車

放工搭287X 最唔好的地方是班次的range 太大, 拖卡至>20 mins 一班都試過。

我試過有一段時間是日日拖卡, 2部車一齊/ 前後腳到青沙。 有一次轉車站顯示牌顯示下一班287X 預算29 mins 到達。

最常見第一部車迫爆, 上到轉車站顯示牌顯示下一班287X 預算5-8 mins 到達。

原帖由 drbean7218 於 2015-3-10 09:08 發表
放工搭287X 最唔好的地方是班次的range 太大, 拖卡至>20 mins 一班都試過。

我試過有一段時間是日日拖卡, 2部車一齊/ 前後腳到青沙。 有一次轉車站顯示牌顯示下一班287X 預算29 mins 到達。

最常見第一部車迫爆 ...

286X 都有相同問題，試過平日夜晚九點幾喺饒宗頤文化館等左30分鐘先來一架頂閘的286X，跟住下一班有位的要再等多10分鐘

原帖由 vicky0521 於 2015-3-10 10:24 發表

286X 都有相同問題，試過平日夜晚九點幾喺饒宗頤文化館等左30分鐘先來一架頂閘的286X，跟住下一班有位的要再等多10分鐘

有時明知多人/ 好大機會有後車追來我都照上車。

除了唔知等下班車要等幾耐外, 更重要唔知有幾多人入到大圍站轉803。 如果只是287X都還好, 中間撞正E42/ 249X埋站加埋可以有超過10個人在等小巴。

原帖由 straysheep123 於 2015-3-9 18:32 發表
其實自從青沙開左之後就已經只有上繁出九龍真正叫塞
下繁係落雨先會塞

塞就唔係塞到紅隧咁
不過九龍塘開始慢車就走唔甩

突然諗到，既然落返舊區咁難，另一邊廂大老山隧道曾經有一條九龍只停一個站的循環線，
亦有一條九龍只停兩個站的循環線由1997年服務至今，青沙有冇潛質照辦煮碗呢？

大紅大紫就未必架喇，如果單靠長沙灣工業區+美孚，夠唔夠支持一條「特急」？
又或者前面有人提到的，淨做富榮大角咀？
沙田方面可以直插美林沙中（沙中係交通樞紐，唔怕同280X重疊）、淨做四美、直衝馬市，
又或者調返轉，九龍做總站，沙田圍路＞愉翠第一城＞大涌橋路咁又得。

青沙就係衰在浪費好多時間在連翔道與舊區之間的燈位，又被線換線、車換車思維局限，
蜻蜓點水式集中做一兩個主要工商業／消費中心會唔會係出路？九巴係需要開拓新市場。
如此一來佔用舊線資源較少，可以幾條線抽一部車湊數，
市場係淨增加，應該會比較容易通過，亦可收宣傳之效。

另外講過海，唔止中上環架嘛，西環都會越來越旺。

既然佢寧願唔殺80M都要照開280X，肯做一定可以做。

[ 本帖最後由 DIH 於 2015-3-10 14:58 編輯 ]

原帖由 DIH 於 2015-3-10 11:41 發表
突然諗到，既然落返舊區咁難，另一邊廂大老山隧道曾經有一條九龍只停一個站的循環線，
亦有一條九龍只停兩個站的循環線由1997年服務至今，青沙有冇潛質照辦煮碗呢？

大紅大紫就未必架喇，如果單靠長沙灣工業區+美孚，夠唔夠支持一 ...

大老山既線主要係做接駁做主因
但長沙灣+美孚/大角咀等等就唔係咁既一回事
要做到有客量既前題係轉乘上要用得足先得
如果唔係邊到搵人轉

原帖由 straysheep123 於 2015-3-9 18:32 發表
其實自從青沙開左之後就已經只有上繁出九龍真正叫塞
下繁係落雨先會塞

獅隧朝早仍是好塞。青沙現在朝早及放工都多了私家車行, 放工較多車經連翔道入青沙。

原帖由 Snoopy@FB8617 於 2015-3-9 17:48 發表
私家車同巴士走法又係兩件事
再講青沙使用率不斷上升緊係真既

若果要計既話實際上好多位可以快過舊路
當然若果獅隧連九龍塘完全暢通就唔係咁講
但獅隧真係可以做到咁既時間真係唔多

反而青沙出現一個問題係
快還快 ...

係咪兩回事睇你點睇, 因為巴士走線其實都係揀D比較大路既方案黎行~
私家車都係~ 所以唔係無參考價值~

另外使用率既野又睇解讀果個人點處理...
係呀, 佢不斷上升緊GA...由1%升做2%, 再有2%升去3%...一年升1%都係不斷上升GA~
但一睇主流點行就知根本呢個上升數字不成氣候...因為一睇大數即係大部份人都唔用~
好似3條過海隧道咁, 西隧都係年年使用率上升緊GA...不過香港車輛數目都係年年升呢~
閒日都還好D, 有時D車塞起上黎都仲肯行遠D用下青沙...始終佢唔似西隧收得貴~
一去到假日, 唔係來回4段隧道都有相機...私家車真係架架係度試極速都唔驚撞到其他車...
我都仲係未被說服到住...至少揸左咁多年車, 青沙都係如我所講目的地係某個範圍內先會快過舊路, 呢D係駕駛經驗既問題, 不過人人都可以不同答案既~

但係你尾段好中POINT...行青沙未必唔快, 不過快得好少~
對巴士黎講, 得失既客可能比得益既客仲要多...

原帖由 straysheep123 於 2015-3-9 18:32 發表
其實自從青沙開左之後就已經只有上繁出九龍真正叫塞
下繁係落雨先會塞

都唔只既...假日夜晚經老龍獅隧入沙田都會塞~