九巴290,290A開辦消息

kmb兄 發表於 2016-1-13 02:35
九巴係咪重視條290,
睇佢宣傳,用車,優惠,服務,
已經冠絕所有巴士線,

宣傳,用車,優惠,服務

我只見因為九巴本身對條線信心唔夠

91M 92 夠有加班車啦，咁唔通佢又賺？呢兩條線蝕呢樣野人人都知架喎

kmb兄 發表於 2016-2-10 23:53
老實，我只會相信對眼，
就係客量，
客量多與少就係最實在數據，

最簡單，
根據 KMB 個行車時間
每個 42A 客先係袋唔夠七蚊
每個 B1 客講緊係接近兩倍既十三蚊
但係兩條線係正常情況下行車時間相約 ( B1 仲要比 42A 少時間跑完 )，唔好彩既話 42A 塞下車隨時個半鐘都未跑完
所以就算 42A 同 B1 都係一樣咁多客搭，B1 既收入已經最少係 42A 既 Double

kmb兄 發表於 2016-2-10 23:53
老實，我只會相信對眼，
就係客量，
客量多與少就係最實在數據，

你用對眼睇到既唔係叫客量，而係叫載客率。當然，用番用車數量黎講客量同載客率不無關係，但係載客率會受幾樣野影響：
1 流水程度。當290同98D假如同樣係100%，基於你只係響一個地方觀察，根本唔知流水程度令條線實收幾多。以290比98D講，290就算同98D同載客率，290仍收入比98D高，因爲290流水比98D多。
2 轉乘優惠。某啲駁腳線客量再高都只係收勁少錢，載客率反映唔到呢樣野。
3 逆向客源。載客率往往單一方向睇，下繁見到尖沙咀架架爆當然啲客講哂粗口，但另一邊廂一蚊都收唔到咁岀番尖沙咀，你見到載客率高，但收入其實比一堆雙向線其實仲低。
除此之外，你亦唔可以當成本係死既，成本包括油同人工，簡單去諗用車其實包得哂，除非計埋某啲情況會有隧道費。同樣數字既收入，如果唔計成本亦毫無意義。
當然真正條數響巴士公司手，但係平時既行為要推測到條線狀況點一啲都唔難。

kc_loo 發表於 2016-2-10 23:56
宣傳,用車,優惠,服務

我只見因為九巴本身對條線信心唔夠

用車同優惠，老實講只係因為條線係招標而哂冷，反而用咁多車都唔夠載我相信全世界都跌眼鏡，特別係一開波本身大家都唱淡條線。
宣傳黎講，條線落咁重本拎到手，甚至乎係嗰種“堆錢係咪都要洗”既地步，當然會嘗試宣傳得勁啲去增加客量啦。
至於堆加班車服務，應該都係頭一日嚇一跳先咁加落黎，睇唔到同信心有咩關係

GK3258 發表於 2016-2-11 00:09
你用對眼睇到既唔係叫客量，而係叫載客率。當然，用番用車數量黎講客量同載客率不無關係，但係載客率會 ...

好老實講，就我所見，老九 98 系果幾條線晚繁出城方向客量係唔差，差極都叫坐到七八成，只係班次疏左少少，但早繁入城就 ...