有關象鼻山路、和宜合道和城門道一帶的問題

象山邨絕對係道路計劃嘅受害者，喺1989年10月30日<<華僑日報>>內新界版中，
有報導指當時報導指五號幹線完工後，原來出入邨內嘅通道要封閉起來，
以後只有一條路通往新和宜合交匯處，本來經象鼻山路駛經該邨內通道嘅小巴同巴士線，
將不會再駛經之餘，政府更打算設禁止其他車出入，連帶紅小都唔能夠再入邨。

而經居民爭取後，紅小最少可以繼續入邨，而32號巴士出九龍方向仍然入邨，
如果當年爭取不成，只靠32B同32M出入，情況肯定更加惡劣。
不過其他車出入邨內就唔方便，本來行半公里左右就到石圍角，
但改道以後行車距離就要多一倍，仲要兜多一段路，
後來城門谷運動場同公園開咗條路，但只係俾車出入公園，
唯獨係行人可以用嗰段路直接行落石圍角邨，但咁行嘅人始終唔多，
象山邨真係可以話係自成一角，甚至係孤島都唔過份。

提起城門道，原來早於1975年已經在憲報公佈封閉和宜合交匯處一段：
http://www.hk-place.com/view.php?id=304

睇返1989年1月25日嘅<<華僑日報>>，港聞版有報導指由當月27日起，
象鼻山路由象山邨東路至新城門道交界以西250米一段，將會封閉以進行工程，
而車輛改經邨內後，將行經一條連接象山邨西路至象鼻山路嘅未命名新路。

按照呢段報導，該段未命名新路實際係以前掘頭嘅一段象山邨西路，
而所指連接嘅一段象鼻山路，實際應該係現有和宜合交匯處南端，
介乎西路至可風中學近變電站嘅一段路。

因此，象山邨西路應該就係喺1989年1月27日連接到和宜合道，
而部份完工嘅和宜合交匯處，迴旋處南端一段路變成臨時路，
供東西行車輛行走和宜合道至象鼻山路，而象鼻山路不再連接和宜合道。
而32號巴士、82、82M(當時仍以城門水塘為總站)同94小巴，就因此而一度要行經象山邨。

至1989年12月中，交匯處同石圍角路兩條下通道完工開放後，
交通安排如現時一樣，來往石圍角路至和宜合道嘅車輛要經二陂圳路同三棟屋路，
再經和宜合交匯處到和宜合道，而不再行經象山邨同象鼻山路。

另外，按1988年2月24日<<大公報>>港聞版，
有指連接和宜合道嘅新城門道，喺當月26日上午啟用，
報導雖無提及連接三棟屋路嘅一段舊城門道，但估計該路段喺同時封閉，
而和宜合里都應該係同期建成，當時來往三棟屋路至城門道，
應該要改經老圍路連接象鼻山路嘅路口，再由象鼻山路駛到和宜合道轉入新城門道。

[ 本帖最後由 Dennis34 於 2015-4-4 23:49 編輯 ]

原帖由 kiwai 於 2015-4-2 23:20 發表
1983年香港街亦都有圖中的"和宜合道交匯處", 不過係虛線型式, 即係有計劃會起
當年通用好鍾意將計劃道路畫定係地圖, 所以我估計圖中的"和宜合道交匯處"應該從未出現 ...

通用的確係將好多規劃中道路畫響地圖內，另一例子係恆安邨西南西沙路連接馬鞍山路交匯處

原帖由 Dennis34 於 2015-4-4 22:27 發表
睇返1989年1月25日嘅，港聞版有報導指由當月27日起，
象鼻山路由象山邨東路至新城門道交界以西250米一段，將會封閉以進行工程，
而車輛改經邨內後，將行經一條連接象山邨西路至象鼻山路嘅未命名新路。

按照呢段報導，該段未命名 ...

根據該報道，新城門道規定不允許巴士和紅小進入

現時，和宜合道交匯䖏有一跨象鼻山路行車橋和一穿過象鼻山路的隧道。依你之見，是那隧道通車先還是那條橋呢?

原帖由 beaconlim 於 2015-4-6 22:42 發表
現時，和宜合道交匯䖏有一跨象鼻山路行車橋和一穿過象鼻山路的隧道。依你之見，是那隧道通車先還是那條橋呢? ...

一齊通車的機會較大, 根據華僑日報
1989年12月29日前, 石圍角來往梨木樹的車輛, 本來經象鼻山路、象山邨西路、和宜合道
1989年12月29日起, 石圍角來往梨木樹的車輛, 改經石圍角路、二陂圳路、三棟屋路、和宜合交匯處, 和宜合道

原帖由 kiwai 於 2015-4-7 00:12 發表

一齊通車的機會較大, 根據華僑日報
1989年12月29日前, 石圍角來往梨木樹的車輛, 本來經象鼻山路、象山邨西路、和宜合道
1989年12月29日起, 石圍角來往梨木樹的車輛, 改經石圍角路、二陂圳路、三棟屋路、和宜合交匯 ...

和宜合交匯䖏建造期間，三棟屋路的車怎樣取道前往城門道??

原帖由 Dennis34 於 2015-4-4 21:54 發表
象山邨絕對係道路計劃嘅受害者，喺1989年10月30日內新界版中，
有報導指當時報導指五號幹線完工後，原來出入邨內嘅通道要封閉起來，
以後只有一條路通往新和宜合交匯處，本來經象鼻山路駛經該邨內通道嘅小巴同巴士線，
將不會再 ...

梁醒德同何傳耀之間的道路太窄了

原帖由 Dennis34 於 2015-4-4 21:54 發表
象山邨絕對係道路計劃嘅受害者，喺1989年10月30日內新界版中，
有報導指當時報導指五號幹線完工後，原來出入邨內嘅通道要封閉起來，
以後只有一條路通往新和宜合交匯處，本來經象鼻山路駛經該邨內通道嘅小巴同巴士線，
將不會再 ...

我就係諗緊點解當初做規劃個陣會搞成咁，
倒轉講句人行個條路而家比兩間中學同埋石翠樓阻住擴建，想車行除非呢三座建築物其中一座冇左就或者可行 ……

原帖由 beaconlim 於 2015-4-7 00:44 發表


和宜合交匯䖏建造期間，三棟屋路的車怎樣取道前往城門道??

根據43#, 應該係經象鼻山路, 和宜合道, 新城門道