最近唔係幾掂喎…

原帖由 volvo_chan 於 2015-5-29 13:34 發表
PS：其實自大陸四大航近年不斷開辦歐美長途線及機種更新後，
CX的大陸<>北美客都有一定程度影響，航空業競爭真是越黎越大。

咁事實上大陸個四大航空公司（其實仲有 3U 同埋 MF 呢幾年都開始開長途航線，後者好似將會開啦)係應該要開線，
根本大陸咁多人，而家又有錢，出國 o既人真係多的是。

冇理由做自己人生意做唔到，尤其大陸佬最鐘意同聲同氣（當中部份人都係祟洋，不過又唔識聽外語就 ……），
早幾年不斷比外企搶生意，而家係時候要企返出黎。
不過講真，而家國內咁多間航空公司硬件係有（雖然唔算最好－CA 748/77W 商務位仲係做唔到獨立出入，個人認為係一大敗筆，MU 77W 配色真係靚，我自己認為比 CX 仲好，J/F 位跟得上 CX 但係 Y 位整個 3+4+3 又係衰，CZ 77W／380 就叫搵到個平衡點，但我認為配色係有待改善）。我自己就已經好耐冇幫襯過大陸公司，服務質素就 no comment 啦。
既然而家佢地不斷開國際航點，對於大陸人黎講幫襯佢地又平又慳時間，最重要識溝通，呢樣野已經係優勢。

雖然大陸客係少左，但係東南亞三大航企收縮就岩岩好幫 CX 搵返班客黎頂個班大陸客個位，
以我所知而家真係有唔少東南亞人坐 CX 起香港轉機，上次我坐個班 CX889 眼見都唔知幾多個拎住新加坡同大馬 passport .....

個人對上一次搭CX已經係10年前的事，無從判斷佢宜家個質素變成點
只係經常聽聞經濟位的service就黎cut到冇得再cut咁既款

其實各大LCC開始陸續係香港開線，對CX等又有幾大打擊?

1.正所謂"隔離飯香"
樓上所講"有部份新加坡人鐘意 CX 多過 SQ ……"，不出奇
2.再加上不少航空公司為了吸引其他國家/地區客人，在海外機票票價比本土賣得平，提供同樣的服務，是非常普遍
  香港人有少少錢，扮"高級"，但品格又唔係高尚，又難服侍
  對待其他地區，比本港客好，不出奇
3.另外，香港經常以"好客之都'，應以歡迎海外客人態度服務

CX勝在長途航班頻密同CUST COST控制成本成功：
1.CX北美歐洲大洋洲熱門城市航班比起很多東北航空公司頻密，而且短途航班亦都頻密，方便轉機
  再者，不開拓附近地區轉機市場，根本無法做到現時班次
  所以要更應開拓亞洲地區市場
2.其次，CUT COST控制成本方面
  CX主要在軟件服務CUT COST
  如：零晨短途航班經濟位不再派全套餐饍，這令一般普通乘客較易接受
        非航空迷不會太了解之前零晨機餐饍
  不像其他航空公司改窄座位，削減成本，較為顯眼

原帖由 volvo_chan 於 2015-5-29 13:34 發表
CX搵岩左條路，機型適中簡單，經濟性佳，
長短線班次密商務客最鐘意，轉機客又唔洗等咁耐，
反觀SQ，雖然用A380真係顯得高大上，
不過你睇佢大部份線都係每日一班，
熱門port頂多都係每日三四班，
你睇CX，超長途的NYC直航做到每日四班，SQ ...

好難拎 SQ 北美網絡同 CX 比，SIN 先天位置唔適合做東南亞<->北美 hub…

SIN 飛去北美幾個大場，下下都要 16-19 個鐘，成本比起短 3-4 小時的 HKG 貴好多好多，
自然支持唔到咁多直航線，要靠中途客支持係正常。

而且 SIN 位置比 HKG 更南，做到的東南亞 catchment 自然比 CX HKG 少好多。
例如由菲律賓、越南或者泰國出發，經 SIN 去北美係兜遠左唔少，經 HKG 反而算係直接。仲未計台灣之類。

再者就算有直航，乘客多數都寧願短途一程坐耐少少，長途一程坐短少少時間，
而唔係長途飛 16-19 小時，真係幾難頂。就算有客咁搭，長途機本身成本都會高好多，自然無咁好賺。

無直航（例如 SIN-HKG/ICN-SFO、SIN-FRA-JFK）的話，經 SIN 轉機就要停多個站，咁不如索性搭 CX 或者其他亞洲航空公司。

所以 CX 北美網絡比 SQ 發達係正常。

利申：從來無坐過 CX

原帖由 volvo_chan 於 2015-5-29 12:54 發表
航空公司是反映該地方的縮影，那地方如何，那地方之航空公司也是如何。

唔知點解，一見到呢句，第一下就諗起我平時坐開來往香港同北美的 KE

聞說自從上次 JFK nut scandal 後，KE 入座率大跌，連暑假頭尾要搵到平價機票都唔難。
睇來間野應該都同樓主貼的 CX 一樣，「最近唔係幾掂喎」

不過坐左六、七年 KE，感覺上佢地硬件進步左但軟件退步左少少，
飛機餐的水平似乎有少少不復往日，另外 amenity kit 都有縮水，Y class 由以前派成個精美包裝的 amenity pack
到今時今日只係派個爛布袋，好彩暫時仲有對紙拖鞋…

當然，服務水平都仲係唔錯的。但上面 AV115 兄提到同美國航空公司比較，我覺得除左 AA 同 UA 外其他都進步緊。

KE 暫時對我最大吸引係平，同埋可以坐 A380。不過黎緊返新工，我諗我往後都未必會再經 LAX 出入，應該有一段長時間同 A380 無緣。

原帖由 AV115 於 2015-5-29 13:55 發表

其實 CX 商務服務好，唔見得因為D客易服侍。我有幾位朋友做 CX FA，不約而同都話大陸客其實好服侍過港客。而佢地最憎既，其實係商務班自以為俾得起錢大晒既港客 (當然唔係話你~) 可能商務服務好只不過係人手相對Y cla ...

同意，聽過D服務業朋友講過其實大部分大陸遊客唔難服侍，係香港D傳媒不斷醜化，跟住香港人就以為自己高人一等！

同埋我唔明白D人坐Econ想要D乜野服務，特別係short haul, 坐低派餐收餐跟住就落機，你想人地點？Long haul 十零個鐘真係要不停食野？食少個杯面會餓親？定係驚死蝕底？見過唔少香港人，人地派餐唔該都冇聲，唔怪得D空姐見到香港人就黑面，投訴前不如自己先檢討下。

講開amenity kit, 派拖鞋真係晒氣
要著既人, 9成9都自己帶左對
派對厚socks就仲無謂.. 個廁所濕架.. 點入去丫?
又著返對鞋? 咁我不如著返自己對socks

原帖由 OTIS401 於 2015-5-29 15:40 發表
個人對上一次搭CX已經係10年前的事，無從判斷佢宜家個質素變成點
只係經常聽聞經濟位的service就黎cut到冇得再cut咁既款

其實各大LCC開始陸續係香港開線，對CX等又有幾大打擊? ...

LCC 對 CX 我又唔覺得有幾大影響，
始終 CX 向來都係 target 商務客同埋轉機客多。

或者最大影響就係整左個 Fanfares 出黎

其實CX的Fanfares只係PR野黎，唔係志在靠fanfares的票價賺錢，令CX在港人的印象係有良心兼會有平飛賣，所以就變相掩飾自己從香港出發的偏貴定價，呢招在PR上贏哂兼又唔會大幅影響自己收入，係好高明

目前一年來回HKG-LHR 3次，通常係SQ，所以可以拎SQ同CX直接比較。(只限於Y Class)

SQ的服務的確有點走下坡，但不太明顯，現在還是良好水平。食物方面亦有CUT過，芝士同餅乾係CUT左的，amenity kit就照有派，但係其實除左拎支牙刷落機當旅行用品外，堆socks真係冇用過....... 座位也是寬敞而新的77W更是非常不錯，AVOD的Screen也夠大，軟硬件都很好，SIN的transit也很流暢，沒有問題。膳食方面也算是一流水準，雖然CUT左芝士餅乾，但雪糕依然有供應，都算係咁 (食過最好食的飛機餐係幾年前的KA HKG-PVG的中式飯同TG BKK-LHR的泰式咖喱) Overall SQ的性價比係高的

我最近亦坐過CX的LHR線，從外站始發買飛，所以比較平。CX這次的服務也不錯，空姐都有笑容同有禮貌，amenity kit就冇啦，毛氈都有的，CX的坐位也不被SQ比下去，始終都係77W的3-3-3位，唔會太差，但AVOD MON因為習慣了SQ的尺吋，覺得CX的小得很可憐...... 而選擇方面SQ同CX都很不錯，兩者不相伯仲。可是，CX的問題係份餐，真係CUT cost cut 到好樣衰，同SQ係無得比，成份餐分量少，冇雪糕，前菜甜品不值一提，明顯CX份餐的CUT係低過SQ唔少的
CX以呢個價位直航來說仍可接受，但若要收過萬的話我唔會

短途線方面，SQ就成日搭HKG-SIN啦，CX最近都搭過HKG-NRT來回，這次SQ係完勝，CX無論服務 (全程黑面)、食物同準時度都差過SQ好多，CX凌晨機派餐盒冇所謂，但唔好剩係serve一包檸茶就算，半夜比啖水人飲都得掛....... 堆空少又黑面，真係差到....... SQ的華藉空姐則有問有答，對乘客有良好的服務，CX回程份餐依然係屬於差，SQ比CX優勝得多。座位方面，兩者都係777舊位，SQ係舒適，有footrest，又好瞓，CX的hard-shell對身高唔高的人真係一種折磨，一跣落去個頭係掂唔到頭枕，差到爆...... CX凌晨機冇毛氈，SQ則每程都有，半夜瞓到凍醒......
CX的短線真係失敗至極，極失望

但諗深一層，如果我只係搭CX而未搭過SQ甚至係搭開UA/AA的話，CX係唔錯的......但當眼界擴闊後，CX的cut cost位則顯而易見

SQ比SIN侷限得好緊要，SIN做除澳洲的轉機客外真係唔理想，我HKG-SIN果程基本上係額外飛的，但以SQ的票價和服務，依然有競爭力，但最近不停漲價，我也要考慮其他航空公司了，畢竟過萬元已經超出我的心理關口

原帖由 2076 於 2015-5-30 04:50 發表
其實CX的Fanfares只係PR野黎，唔係志在靠fanfares的票價賺錢，令CX在港人的印象係有良心兼會有平飛賣，所以就變相掩飾自己從香港出發的偏貴定價，呢招在PR上贏哂兼又唔會大幅影響自己收入，係好高明

目前一年來回HKG-LHR 3次， ...

除左Fanfare，CX呢兩年暑假都有搞大專生優惠

之前呢度好似有人講過日本red-eye flight個餐盒，令我諗番起又係十年前係印尼搭過但已經摺左既航空公司上，所派發的餐盒
雖然夜機通常大家都預左訓唔會食野，派餐盒而唔派熱食個原意可能係避免浪費，乘客係機上唔食都可以帶落機
但乘客個感覺係身為一間地區性的航空公司，機上膳食可以cut到咁既樣，同埋張機票又唔係平

個人只係試過為左坐A380而選搭SQ，可能我要求低，除左地勤外沒有不滿意的地方
只係估唔到經濟倉的飛機餐，都會俾金屬餐具...

[ 本帖最後由 OTIS401 於 2015-5-30 05:22 編輯 ]