請問沙中線可否先分段通車？

腦夫子 發表於 2016-9-16 12:12
＂早做完檢測果批，咪掟出去正線擺囉＂
仲係行車時段，點掟出去正線擺？你當列車係巴士，隨時爬頭呀？
...

樓上都話有車係要擺正線過夜喎...

要唔阻車，不外乎兩個做法：

1. 最簡單係尾車開出後，列車返緊廠時，工程車出佐街後，要掟出街的車先至出黎泊
2. 正常行車時間要做，一架檢測完後，出街再做生意，尾車過後在停泊處清潔。
架車出街同時，收另一部車返廠。正線車數不變。

s3n370 發表於 2016-9-15 18:29
理論上，東西線通車前，馬鐵要完成4轉8。
大圍車廠一係要應付到馬鐵全線8卡，
唔係就本身都要預D車過八鄉 ...

隧道問題﹐並非我擔心的問題﹐要開通一段都要經政府審批的﹐如果真係有問題而不能通車(指: 載客非試車)﹐MTR亦無得強行而開通。(連隧道都未完成所有工程及試車﹐談何提早分段開通)


而我的顧慮只係車廠的維修處理能力﹐好簡單的數學題﹐4變8 已經係比現時多了一倍的車﹐到延長出去九龍﹐大既都多4-6抽8卡車(前文講了點粗略去計)。


車廠有無能力處理﹐係要睇車廠面積及維修車道等數目﹐有無足夠的維修設備﹐有無足夠的人手﹐有無足夠的其他配套。




單純車廠夠大﹐有足夠的維修車道﹐但係部份維修設備未到位﹐結果都有野要排隊等維修。
人手如果未培訓完﹐仲有一大批的 "學徒"﹐唔夠合資格的人上場工作﹐我都不用多解釋。




至於運車去八鄉﹐其實只有列車年度大修才會這樣做﹐一抽車一過去便隨時要幾個星期﹐係可以經紅磡頂替﹐這一點我係同意無問題的。
這樣安排﹐都係一個月才2-3晚需要這樣做﹐過去東鐵千九都有這樣安排。



樓主問有無機會局部通車﹐我只會講紅磡去何文田站係唔會﹐同列車掉頭有關﹐會嚴重西鐵影響班次。

而大圍向南延伸﹐這便要睇各方面配套性問題﹐當中包括維修檢查方面。不一定係載客列車的維修檢查﹐還有訊號系統﹐路軌............。
MTR真係做到所有通車的配套性安排﹐咪有條件預先開通大圍以南的一段路。
但係做唔到做﹐值唔值這樣做﹐現時去到有基本開通條件的時間(即車站及路軌等具備營運能力)﹐仍有一段好長的時間﹐邊有人可以肯定答到。


************************************************************

另外我不另外回新文 :

我上文提及如果車廠唔夠位放車﹐做完日檢的列車可以踢出去主線停泊過夜。


再實現時多條線都有這個安排的﹐每一天其實都會因應不同部門晚間收車時段﹐要佔用那一段路作維修/檢查﹐有沒有工程車通過等等﹐做一份資料出來﹐從而安排不同的人員在那一處standby(可以係車廠﹐亦可係個別車站)﹐之後等指示才進入路軌工作。

而工程車方面﹐則安排接近尾車時間﹐逐步出去主線去則線standby﹐去到尾車經過後才由則線出番主線去指定車站接應番車站的維修員工。

需要在外過夜的載客列車便是睇晒所有維修的 "封路" 安排﹐要點留路比工程車出出入入﹐再去搵時間及地方泊車﹐之後再在適當時間踢出車廠。


成個安排係要預先做好計劃﹐點去計劃不同的車幾時出發﹐邊處入則時暫避等等﹐只係前期工序多好多﹐同埋一plan錯左便會影響好大﹐無得臨時再加減/更改收車時段的 "封路/補給" 等事宜。

kei_hk 發表於 2016-9-17 10:34
隧道問題﹐並非我擔心的問題﹐要開通一段都要經政府審批的﹐如果真係有問題而不能通車(指: 載客非試車)﹐ ...

而家個問題有幾個站Delay左，有幾個Ready好晒，咁應唔應該投入左服務先

其實西營盤站已經係一個好例子

足足可以推番晒你上面成段鬼唔知阿媽係女人既廢話

港鐵係想有咁快得咁快通車，但係事實唔得姐

s3n370 發表於 2016-9-16 00:41
都係果句，東西線未全面通車，馬鐵己經要行17抽8卡車
假定南延至鑽石山，按現有繁時3分一班，大圍去鑽石山 ...

如果大圍-啟德已經萬事俱備, 只係差在大圍車廠負荷能力而開唔到,
咁我寧願佢拉疏班次都想佢分段開住到啟德先啦.

馬鐵早一日通到鑽石山, 我地馬鞍山居民就挨少一次大圍迫車出九龍塘.
而且沙中線土瓜灣段一次又一次 delay, 都唔知會唔會再 de, 如果堅持等埋東西線一次過開, 閒閒地等多三五七年.

樓上提到大圍車廠上限係 17 抽 8 卡車, 當佢烏溪沙-啟德來回要 60 分鐘, 做 4 分鐘一班其實唔難.
載客力亦不輸依家 2-3 分鐘一班 4 卡車丫.

JC3987 發表於 2016-9-18 14:46
如果大圍-啟德已經萬事俱備, 只係差在大圍車廠負荷能力而開唔到,
咁我寧願佢拉疏班次都想佢分段開住到啟 ...

馬鐵早一日通到鑽石山, 我地馬鞍山居民就挨少一次大圍迫車出九龍塘.
而且沙中線土瓜灣段一次又一次 delay, 都唔知會唔會再 de, 如果堅持等埋東西線一次過開, 閒閒地等多三五七年.

馬鞍山出東九有邊個會唔搭大老山巴士直線出鑽石山而選擇兜落大圍?

kei_hk 發表於 2016-9-17 10:34
隧道問題﹐並非我擔心的問題﹐要開通一段都要經政府審批的﹐如果真係有問題而不能通車(指: 載客非試車)﹐ ...

仲講車廠？如果講到唔夠人、機，
4轉8果陣已經出現樽頸啦，甚至第二日正常出車都可能有問題啦
仲講乜分段通車？

Kaix 發表於 2016-9-18 18:05
馬鞍山出東九有邊個會唔搭大老山巴士直線出鑽石山而選擇兜落大圍?

去鑽石山就一定係落東九？
繁時大圍轉車都要等幾班，响馬鐵沿線上車嘅，
直落鑽石山先轉車係唔輸蝕

s3n370 發表於 2016-9-19 08:35
仲講車廠？如果講到唔夠人、機，
4轉8果陣已經出現樽頸啦，甚至第二日正常出車都可能有問題啦
仲講乜分段 ...

請了解清楚﹐我係講車廠的 "處理能力" ﹐唔係淨係講車廠本身的佔地大細。

這是我一直所講的問題﹐由始至今都無否定過是否可以提早分段通車﹐只係講要各方面配合﹐不要單單只看路軌配置問題。


4轉8﹐如果後勤配套不足﹐都係可以出事的。只不過因為唔需要照顧大圍以南的地方﹐人手等需求都係比開通新路段細一些的。
而且﹐要求資源總比要額外人手處理大圍以南為急﹐斷估稍為有智慧都識的分配﹐先處理4轉8的額外人手及其他配套。
去到有明確開通新路段的時間表﹐再去增加新路段的額外資源。

用4卡出住鑽石山先, 又是否可行
起碼每班車可分流600-800 人出九龍

ma212223 發表於 2016-9-16 12:51
如果只係通顯徑至大圍一段
理論上4卡都夠載
又會唔會比較易少少?

突然諗到個問題
顯徑站幕門系統係跟8卡設計嘅，如果要先通，係咪要改返4？咁改要搞幾耐呢？定係求其用鐵馬封住唔用果D門都得？