請問沙中線可否先分段通車？

jpoon 發表於 2016-9-19 15:23
突然諗到個問題
顯徑站幕門系統係跟8卡設計嘅，如果要先通，係咪要改返4？咁改要搞幾耐呢？定係求其用鐵馬 ...

多出既幕門較去ISOLATE就ok, 吾使裝折

cruisesnet 發表於 2016-9-19 15:32
多出既幕門較去ISOLATE就ok, 吾使裝折

似乎係有另一個更簡單的處理方法處理的﹐唔需要特別去做調校﹐或者講調校係部車上面處理﹐唔係在月台上處理。


西鐵7>8﹐幕門都識得分部車係7定係8﹐第8卡的幕門便會自動打開定係唔打開。
當年在東涌線7>8 亦如是。


而實際情況﹐4轉8亦無可能一夜間做晒﹐無理由逐班車去調校月台幕門﹐而不是跟列車長度去自動化去指示幕門是否全數打開。

kei_hk 發表於 2016-9-19 17:10
似乎係有另一個更簡單的處理方法處理的﹐唔需要特別去做調校﹐或者講調校係部車上面處理﹐唔係在月台上處 ...

原文係問如果先用短車分段通車時psd要點樣調整

kei_hk 發表於 2016-9-19 10:49
請了解清楚﹐我係講車廠的 "處理能力" ﹐唔係淨係講車廠本身的佔地大細。

這是我一直所講的問題﹐由始至 ...

磚家大大，估唔到除佐邏輯混亂，連理解能力都有問題。

第一.我上面係話"人、機"唔夠，係4轉8已經出現樽頸位。
幾時話過係面積問題？
第二.我一路都只係駁斥車廠處理能力，係能否分段通車呢點。
我唔講車廠應付4轉8，係必要條件呢點啦。
樓上話若要分段通車，只要用現成車輛再略略拉疏，
載客量應能應付，直頭完美KO車廠唔夠處理能力呢點啦

成日扮專家話呢樣唔得果樣唔得，
睇真D唔係自己創作出黎，子烏虛有，
就係基本邏輯混亂。小弟唔係唯一一個咁批評

磚家唯一講中係，能否局部通車，
要所有野配合呢句阿媽係女人嘅說話
咁咪所有野都關鍵？
退一萬步講，就算人機未如預期準備好呢個point係valid，
唔夠車長站務，車務控制中心唔夠人，都一樣延長唔到架喎，
又係咪要計埋入去？
突然間車廠全班人集體中金多寶後劈砲，又係咪要計埋入去？

cruisesnet 發表於 2016-9-19 23:46
原文係問如果先用短車分段通車時psd要點樣調整

上面其實已經暗示了﹐係可以乜野都唔需要攪。
(除非用一個好傻的方法﹐mark死永遠都係打開所有8卡的幕門閘門)


只要列車係停最前位置﹐即係正常8卡車的車頭位置﹐月台幕門/閘門係唔需要刻意調校。(明知好快會改做8卡車﹐無理由仲要分4卡及8卡車的停車位置)

幕門閘門係會根據列車長度﹐去打開相應的幕門閘門﹐所以連 ISOLATE 都可以唔需要做﹐因為根本唔會打開沒有車卡對應的幕門閘門。
這一點﹐在東涌線﹐機場快線﹐以到現時西鐵線增加車卡時﹐已經有實際例子可以看到。

而重點係自動根據列車長度去打開相應數目的幕門/閘門﹐遲早都要做﹐始終都會出現4轉8的交接期﹐到時一樣要這樣安排。
斷估唔會由人手睇班車幾多卡﹐即時設定幾多隻門要lock門掛。

總之﹐一直來4卡車﹐便一直自動打開4卡的幕門閘門。
突然來部8卡車﹐會自動打開所有8卡的幕門閘門﹐就是這樣簡單。
忽然玩野整部7卡車﹐月台亦只會自動打開7卡的幕門閘門﹐唔需要在月台幕門閘門作出額外的調整。

點去辨別部車係幾多卡﹐應該會在部車上面設定﹐停站時列車與幕門閘門之間溝通開關車門﹐在發射訊號給幕門閘門時﹐會同時包埋列車的長度﹐要開那一堆車門。



根據原本的計劃﹐在沒有工程延誤的情況下﹐有機會在全線開通的初期﹐有列車會未完成加卡的工程﹐即係會有4或7卡列車﹐要用特車方式去跑短程去疏導乘客。
如果一開始唔係根據列車長度去自己打開相應的幕門/閘門數目﹐只會自己無事搵野做。

kei_hk 發表於 2016-9-20 10:25
上面其實已經暗示了﹐係可以乜野都唔需要攪。
(除非用一個好傻的方法﹐mark死永遠都係打開所有8卡的幕門 ...

其實係想講你捉唔到討論既重點-.-

再講一大堆係人都知既廢話

一時又識話怕車廠唔夠人手唔夠技術

一時你又話顯徑站堆幕門夠技術識得自己感應4卡7卡8卡

s3n370 發表於 2016-9-20 08:54
磚家大大，估唔到除佐邏輯混亂，連理解能力都有問題。

第一.我上面係話"人、機"唔夠，係4轉8已經出現樽 ...

其實你同佢一樣都係帶緊頭盔, 只係你一直強調車廠處理能力果點,
"第二.我一路都只係駁斥車廠處理能力，係能否分段通車呢點。
我唔講車廠應付4轉8，係必要條件呢點啦。
樓上話若要分段通車，只要用現成車輛再略略拉疏，
載客量應能應付，直頭完美KO車廠唔夠處理能力呢點啦"
不過, 從以下大圍車廠軌道配置一看, 關鍵並不是繁忙時間 (因為幾乎所有車出哂去打扙), 而係非繁忙時間及收車後d車點入返車廠泊及維修
就咁睇現時最多可以泊10x2=20列4卡車, 但之後4改8後就變成10列8卡車, 咁其餘D車就要迫住係正線行/泊, 列車調度真係好考車廠主管應變能力!


Source: Wikipedia <港鐵大圍車廠>

而且, 以下龟鐵介紹已經KO了閣下及樓主的幻想
http://www.mtr.com.hk/chi/projects/scleia/hhs/

"總括而言，沙中綫（大圍至紅磡段）將不能在沒有(紅磡)列車停放處的情況下投入服務。"

腦夫子 發表於 2016-9-20 19:43
其實你同佢一樣都係帶緊頭盔, 只係你一直強調車廠處理能力果點,
"第二.我一路都只係駁斥車廠處理能力，係 ...

諗住閣下响#16咁清楚沙中線進度，亦好清楚咁多樣野之間相互關係
點知理解能力都有問題呀？

最後果句明顯係講全面通車0既情況，
而呢篇文明顯係討論緊，或者學閣下話齋，幻想下必要時能否分段通車。
你拎一句港鐵網站講全面通車0既情況，就話KO分段通車的可能性？你無野下話？
要討論呢個非港鐵正式計劃，就當然係回歸基本技術層面

好，回正題。我就算唔郁車廠處理流程，
多出果4抽車只要一直在正線（呢點小弟#21己提及，你自己於#37都提到），
就無需理會車廠處理能力問題。
就以閣下觀察到，車廠可以擺10抽車計，若果用現行班次延長至鑽石山加到17+4抽，
10抽擺廠11抽在線，非繁講緊要行5分半至6分一班先用得哂呢11抽車。
除佐頭尾車前後會密得滯，基本上係個正常的非繁班次
（去埋啟德調頭要多一抽車，但果度有多條側線擺車，以上數字大致不變）

而家只係講緊用現行班次呢個最嚴謹的情況，而家既然係討論/幻想可否分段通車
係咪一定要死跟全面通車的情況呢？樓上話到用原馬鐵16抽8卡（1抽擺廠）拉出九龍，
載客量唔會少過開工前全線4卡車，同樣完美KO車廠處理問題論

剩係咁睇，車廠處理能力，又點會係關鍵呢？

s3n370 發表於 2016-9-20 23:25
諗住閣下响#16咁清楚沙中線進度，亦好清楚咁多樣野之間相互關係
點知理解能力都有問題呀？

最後果句明顯係講全面通車0既情況，
而呢篇文明顯係討論緊，或者學閣下話齋，幻想下必要時能否分段通車。
你拎一句港鐵網站講全面通車0既情況，就話KO分段通車的可能性？你無野下話？
要討論呢個非港鐵正式計劃，就當然係回歸基本技術層面

好，回正題。我就算唔郁車廠處理流程，
多出果4抽車只要一直在正線（呢點小弟#21己提及，你自己於#37都提到），
就無需理會車廠處理能力問題。
就以閣下觀察到，車廠可以擺10抽車計，若果用現行班次延長至鑽石山加到17+4抽，
10抽擺廠11抽在線，非繁講緊要行5分半至6分一班先用得哂呢11抽車。
除佐頭尾車前後會密得滯，基本上係個正常的非繁班次
（去埋啟德調頭要多一抽車，但果度有多條側線擺車，以上數字大致不變）

而家只係講緊用現行班次呢個最嚴謹的情況，而家既然係討論/幻想可否分段通車
係咪一定要死跟全面通車的情況呢？樓上話到用原馬鐵16抽8卡（1抽擺廠）拉出九龍，
載客量唔會少過開工前全線4卡車，同樣完美KO車廠處理問題論

剩係咁睇，車廠處理能力，又點會係關鍵呢？

再唔係就借用埋隔離東鐵既設施例如沙田貨場、火炭貨場等位置泊車，何東樓車廠整車都仲得。
反正大圍站附近已經有聯絡線。

嫌開到鑽石山站唔得既咪開到顯徑站等顯徑人早D適應有鐵路既世界先囉。
總之有心做既總會有唔少好辦法。

kei_hk 發表於 2016-9-20 10:25
上面其實已經暗示了﹐係可以乜野都唔需要攪。
(除非用一個好傻的方法﹐mark死永遠都係打開所有8卡的幕門 ...

我吾係話吾得, 而係有無尼個必要姐.

重點係既然一段長時間都只會有4卡車行,
點解吾直接鎖死多出既PSD而要用一個程式來控制?

多一個程式 = 多一個故障既機會, 特別係新線一定有磨合期,
點解要take尼個risk?

你都識講西鐵同將來馬鐵增加車卡既期間有吾同長度既列車運行,
總吾可能搵人每班車人手調整, 所以先要依賴個程式來控制.
但係如果分段通車期間係吾存在尼個問題.