【中長文分析】九巴已經趕上，甚至超越新城

原帖由 3ASV174 於 2015-6-5 02:37 發表
好坦白講，其實講咩都只係時勢造英雄o者，
新城無得做係佢自己都知既事，西港島線通車西區已經即時死左，南港島線通埋，南區連接駁都唔知輪唔輪到佢，最賺錢既 629 都會收檔，城巴會首先舉白旗。
（南區最慘係佢主要競爭對手仲要o係議會有話語權，可以擺明車馬郁你o的線同阻撓你改線，同樣情況九巴都一樣要面對，o係西貢呢邊，經典之作係踢走清半既線出環保大道，根本邊間巴士公司都一定輸）。
到沙中線通埋，連紅隧線都要早抖，所有新城主要油水線都會全部收檔，你前境係咁，你會幾有心機做？
當年九巴俾將軍澳線、西鐵同馬鞍山線三連撃之後，都已經想執咁款啦，之後仲加左四次價加到賺錢為止，而港島係唔會再有大型發展，城巴本土線車費幾乎凍結左二十年。 ...

踢走清水灣半島的298E及797M出環保大道絕對係德政。
去工業邨巴士已經夠疏，仲要用多幾分鐘兜入蓬萊路對乘客感覺絕不好受
係康城都唔會有幾多人會搭796X出市區，上將軍澳隧道已用上半小時，隨時耐過98C坑口到寶達

城巴本土線多年唔加價係值得稱讚，不過唔代表乘客喜歡城巴服務
特別係唔少長者對城巴司機普遍開快車有感到不滿，
例如未對準站頭上客，未等長者坐定，一上車就即關門開車
相對九巴車長，對長者關懷係比較足夠

原帖由 AD118 於 2015-6-5 11:04 發表


九龍新界咁有前景，以前九巴一有地鐵通車就做得差
當年其實因為係九巴唔識將巴士定位唔使同地鐵硬碰，唔識定位去搶返地鐵客
去依家先識用有位坐，特快線去搶返地鐵客 ...

不過運輸署向來都係有最終決定權，
佢係唔比你巴士公司開線同地鐵死過，
巴士公司都耐佢唔何。

不過近年地鐵自己都頂唔順，
運輸署先開始批返多小晨早特別線出黎，
加上又想減下市區車輛數量先開始搵線上西九龍走廊。

原帖由 DR1666 於 2015-6-5 10:59 發表



咁又唔係咁講, 王維基都請咗好多前 TVB 人, 咁又唔見人地啲劇集質素同 TVB 一樣的爛?
一間公司的質素, 除咗睇人 (員工素質) 外, 都要睇間公司本身既文化 / 風氣 / 營運態度既

況且, 我地只係知道施將軍過咗九巴, ...

係投資既角度, 管理層(唔係普通員工)係一個好重要既考慮黎...
一個有遠見既CEO隨時可以救返成間公司, 相反亦然~

不過有樣野肯定既係, 如果無新城搶290/290A支標, 九巴一定唔會咁積極~所以我話競爭可以造福人群
(如果兩鐵無合併, 話唔定沙中線已經起好了)

不過統計學上有regession to the mean既理論,
有時可以解釋到一間公司既表現, 有高潮有低潮,
可能過多兩年新城服務又好過九巴都未定~

原帖由 AVD1 於 2015-6-5 11:06 發表

不過運輸署向來都係有最終決定權，
佢係唔比你巴士公司開線同地鐵死過，
巴士公司都耐佢唔何。

不過近年地鐵自己都頂唔順，
運輸署先開始批返多小晨早特別線出黎，
加上又想減下市區車輛數量先開始搵線上西九龍走廊。 ...

最重要係九巴依家識得發揮巴士嘅優勢，一程過唔駛轉車
專攻遠離地鐵嘅地方提供快過轉地鐵，點到點嘅服務，轉鐵客咁就少咗

原帖由 YY487 於 2015-6-5 11:07 發表
九巴最先全線裝報站 , 所以 新城 > 九巴
九巴最先全線車內張貼路線資料 , 所以新城 > 九巴
九巴而家已經將所有無頭枕巴士退役 , 新巴仲有一大堆低地台車無頭枕 , 所以 新城 > 九巴
結論就係 新城永遠好過九巴 ...

人地因為一條一線問題係存在，但人地有正視過囉，而家得屯門得返六條去荃灣葵涌的線喎，惡性競爭結束都已經有十年啦，仲有咩藉口唔正視，不過人地享受曲線加價多過直接加價無計啦

樓主講左我一路想講既野，回想2008-2012 年時，九記加價，脫班，垃圾班次，舊車多(熱狗，3+2)，新車低載，鬼車，鐵路搶客，廢線多，油價貴，蝕本，缺人，唔衰果樣唔做，日日俾人插到傻，百份報，蘋果輪住黎日日做低佢

反而城記呢個時候平價，車密，路線進取，海量新車，車費回贈，新城無可否認好九記多多聲

但2013 年九記MMC 投入服務後，整個形勢開始逆轉，新記舊車多脫班嚴重，兩巴東區，南區垃圾重組進退失據，港島延線通車客量急跌，資源錯配廢線行大車，細車行大線，養住一大堆無錢賺平線蝕死，此消彼長九記又爬新城頭

特別係上年，感覺九巴服務明顯好咗，當然有時仍有甩班問題。 始終九巴規模比城新加埋仲要大差唔多一倍，平常見九巴多過新城，一有問題就會有罵聲會特別大，而且特別明顯。因此希望九巴唔好咁快自滿，重新履行九巴標誌下ge「九巴服務，日日進步」ge承諾！

其實九巴一向經營環境都比新城好
講脫班有新界大把無可能塞車既線俾佢拉curve
講獨市大把位冇其他工具競爭
只係之前自己做衰盤生意
九記做得好過對面根本係應該

原帖由 AD118 於 2015-6-5 11:33 發表


最重要係九巴依家識得發揮巴士嘅優勢，一程過唔駛轉車
專攻遠離地鐵嘅地方提供快過轉地鐵，點到點嘅服務，轉鐵客咁就少咗

呢樣先系老九好的地方，人地開特快線都識選擇地方黎開，佢比新城更了解巴士的優勢，同埋巴士應有的角色...

鐵路為骨幹，巴士為輔，呢個就一定架啦，但輔助唔一定系轉鐵，可以系連接2個地點，而鐵路往來至少需要轉一次車的2個地方...

老九的特快線，至少我淋唔到邊條系直接對打的，系講緊平排到轉車都唔轉就往來2地...

我淋到打鐵路打得最勁的，得215x，但至少都要轉一次車(當然系指有料到的快線)...

所以新城某d特快線，低能兼幼稚，簡直系養懶人兼養大個屎忽！