新巴88X係咪違反商品說明條例？

其實只係以往新巴城巴定價過平，
788收人$6.2，仲要咁多年都無加過價。
對面海九巴呢類特快最少$7以上起標。
等同紅隧收人私家車咁多年$20，根本無道理。

lwb701 發表於 2016-8-22 21:32
其實只係以往新巴城巴定價過平，
788收人$6.2，仲要咁多年都無加過價。
對面海九巴呢類特快最少$7以上起標 ...

認同城巴好抵搭，
但新巴都加過2次價。

當然，九巴之前幾年就加到痴哂線。

lwb701 發表於 2016-8-22 21:32
其實只係以往新巴城巴定價過平，
788收人$6.2，仲要咁多年都無加過價。
對面海九巴呢類特快最少$7以上起標 ...

如果新城東廊特快線收6個幾唔足以滿足營運需要嘅話
咁唔該按程序申請加價等行政會議審批
唔係走去搞埋啲無謂掠水線

其實新城冇加價咁多年
就算新巴話按返咁多年通脹率將720加到$8
都好過整條18X去令原有乘客連上車都上唔到

其實我真係睇唔明點解你地咁focus中環囉
根本88X唔係做緊中環..錯鬼晒重點
即係擺個站係度就一定係要做大佢?
170/182北行夠一大堆人紅隧口落啦..係咪要飛走170同182呀?

佢寫7分鐘的確係錯..都係個句..你可以當佢冇到
乜家下開左線你隻腳一定要去上?
幾時有人拎支槍指住你?
又幾時有CUT到線強迫你冇780/8搭而令你搭左88X?
樓上有位CHING我好認同
家陣有81/82/X/85去北角..你要搭682去係你既事

你話想做大88X而KO 780/8?證據呢?
區議員死左咩?
灣仔班客88X做到咩?
運吉行政指令?788 而家3分班都班班頂閘邊有可能減到班..運吉署長想自己早D退休咩

講正題..事實證明西區有48件而中環先得23件
而家的確係有條線直車而且有位坐再加上更平
你講個D所謂780/8轉18P/X?幾錢呀?咁轉法你職員證唔駛錢就話姐

PS.自己去搵下車費等級表啦..巴典成大個擺係度都唔識用
88X據官網講係18.6公里
根據個表最高係可以收到13.8囉..當然收呢個價就好賤既
講乜鬼"價錢公義"(可唔可以唔好老作名字出黎)

引伸一問

今天仲暑假, 在817 時段都要上20 分鐘 才到中環, 仲要到城市花園才慢車, 其實算正常/ 幸運?
以往在830 左右, 東隧特快線其實同正線唔太差好遠時間


如果當正常番, 更多車的時候, 會否真的加長好多時間<<呢個唔太熟, 新界人

其實成件事我淨係覺得
1. 豬紙實在誇大得太離譜
我搭左禁多年 788 789 翠灣落灣仔警署 最快都只係試過7分鐘
加上 88X 開 0800 果個時間跑東廊告士打道點都會有少少塞
私家車超哂速都未必做到

2. 跟車個督察有講過 "中環特快" 黎吸客
因為同788比 貴左又慢左 咁樣昆人比9蚊就真係唔得

不過咩收9蚊迫人搭去中環呢樣我又覺得無問題
788客知道中伏之後就唔會再去比9蚊
而家又唔係要cut 780
如果柴東有客想比貴d 可以遲少少出門口快d到中環 咁有咩問題

mingfai31 發表於 2016-8-22 22:59
其實我真係睇唔明點解你地咁focus中環囉
根本88X唔係做緊中環..錯鬼晒重點
即係擺個站係度就一定係要做大佢 ...

就係新巴past record唔好，先搞到啲人會懷疑開左呢班88X之後，新巴有咩盤算呀。
當日開18X做咩？單單做西環客呀？
如果單單做西環客，就唔該拎西區資源去開18X，唔係拎2、18同720A黎祭旗。

新巴開18X，諗嘅屎忽數係咩？
就係逼東區人用$8坐去中環呀。
18減班，北角少左車去中環，咪氹到人俾$8上18X囉。
西港島線通車後，無左18，而18P非繁都由10分減到12分，但18X依然係20分一班，非繁無減過班。
點解18、18P會越整越頹，而18X就乜事都無？

720A cut非繁，720入返海富，拉近720同18X嘅車程差距，咪又係嘗試氹人俾$8上18X囉。
新巴係2013年嘅714重組做左咁多屎忽野，就等如一個誠信破產嘅政府，你俾佢呃完一次，下次仲點信佢？

俾人呃一次係無知；
俾人呃第二次就係死蠢。
我點知佢今次開88X（仲要係今年RPP提過將18X拉去小西灣，大改路線被ban之後），以後有咩打算，諗住又再屈東區人俾多啲錢，上佢嘅88X呀。

*********
呢個世界就係咁。
誠信、聲譽都好重要。
要建立係好難，但要摧毀，真係好易。
呢幾年新巴已經將自己多年建立嘅聲譽清袋，你可以話人做咩少少野就咁緊張、多疑，
但歸根究底，就係間公司已經無哂信譽，先至會搞成咁。

請各位討論時注意態度, 以事論事, 嚴禁罵戰.
剛剛已有一位曾多次不良紀錄的板友被再次停板, 希望各位不要重蹈覆轍.

admin69