九巴88X延長路線消息

Snowbb 發表於 2017-1-9 18:16
其實 88X 同 89 做緊既野好唔同 ,
89 本身係流水角色 , 而且係行牛頭角道 , 所以同 88X 基本上唔會構成太 ...

我同意89和88X做緊既野唔同呢個觀點，但我反而覺得係做藍田和黃大仙既分別。89既客源唔係淨係得觀塘和牛頭角，仲有黃大仙。
88X既主力係做藍田山上，觀塘只係執客而已，執雞既作用係回程更加明顯。
而牛頭角道和觀塘道都只係隔左塊地而已，係觀塘道落車行返去牛頭角道都唔算遠，比盡都係10至15分鐘既事(搭返新界方向另計)。

當然，如果話要去牛上最入果座、佐敦谷公園、彩霞邨等地，呢個真係無得好講，
因為絕大部分去觀塘既新界線(將軍澳既除外)都係行觀塘道，由新界去呢d小區，一係就行，一係就另外轉車。

keith2314 發表於 2017-1-9 19:24
其實點解88X唔擺駿景園而要擺火炭站？

是因為要配合桂地街公屋發展
新公屋落成後，88X會成為該屋邨主要的通勤線之一。

HT408 發表於 2017-1-9 21:24
47X/48X/49X往荃葵青方向都有唔少非兩蚊客喺沙中落車，而唔坐區內線

可能因為呢堆線本身開得密 , 再加上間唔中好似 81K 都會脫班 .

不如88x 直頭主做藍田反正觀塘都係執雞

bennyho1004 發表於 2017-1-10 18:08
不如88x 直頭主做藍田反正觀塘都係執雞

88X淨係做藍田會唔夠客，一係做埋觀塘特快，一係同秀安沙線重組。

HR1377 發表於 2017-1-10 18:36
88X淨係做藍田會唔夠客，一係做埋觀塘特快，一係同秀安沙線重組。

整還整唔好搞秀安沙依條唔關事嘅線

HR1377 發表於 2017-1-10 18:36
88X淨係做藍田會唔夠客，一係做埋觀塘特快，一係同秀安沙線重組。

88X無可能踩過界

唔好唔記得當初九巴直頭係建議成條80X改做藍秀順大循環算，俾人BAN左先焗住開依家條88X

HR1377 發表於 2017-1-10 18:36
88X淨係做藍田會唔夠客，一係做埋觀塘特快，一係同秀安沙線重組。

例如603正是主力放在藍田山既變態線王。
我唔信來往新界東既線認真D做既話客量勁唔過例如過海既線。

宜家88X既死症正是在例如班次太疏、唔行碧雲道等等。

流星☆雨 發表於 2017-1-10 20:50
88X無可能踩過界

唔好唔記得當初九巴直頭係建議成條80X改做藍秀順大循環算，俾人BAN左先焗住開依家條88X ...

本身老九一開始係考慮過開新線翠林去大圍站，經秀順、沙田市中心，
後來計劃胎死腹中先變左 80X 大循環方案，再俾人 ban 左就先變開 88x 只做藍田，跟手秀茂坪沙田大圍段就俾運署拎左去招標，改經安達，
賴低將軍澳就叫左新巴開 798A 執手尾。

所以 88x 當初只做藍田，唔排除係 80x 方案拉倒後有諗過開返翠林大圍線，
又或者當時運輸署已經打算將秀沙線拎去招標，於是唔批准 88x 行秀順。
其實前者機會更大，因為 88X 係 2014RDP 建議，但安達臣招標係 2015 年頭公布，差左一年，
建議開 88x 時已經知道將荃線會招標，我估當時老九係準備萬一投唔到將荃就會開將秀沙，所以 88x 就只做藍田。

講開又講，88X幾時去埋油塘，定係九龍定線上仲有爭議？

3ASV174 發表於 2017-1-11 00:59
本身老九一開始係考慮過開新線翠林去大圍站，經秀順、沙田市中心，
後來計劃胎死腹中先變左 80X 大循環方 ...

呢個算係成個故事既一半，老九一開始係唔需要考慮藍田架
就係縮277X落去地鐵站，先要諗大循環80X同埋88X出黎，80X先要做埋藍田變大循環

成個回應想講既就係，當初80X太兜（同埋唔經市中心）俾區會ban
然後依家88X已經開左兩年幾，先話要代替秀安沙食埋秀茂坪
而秀安沙係班次同行車時間都唔會輸俾88X，甚至直頭係好過88X，秀茂坪／安達經藍田走無好處
藍田經秀茂坪／安達走，影響藍田果班既得利益者，更加無可能

所以結論就係88X無可能踩過界