Snoopy@FB8617 發表於 2018-8-16 00:10
我諗完全唔俾上落貨既又有些少難度
始終個需求係到既
佢總係會搵條街上落貨
成條巧明街兩條線左右泊車，淨番一條線都未必行到，要留比前車倒車入工廠，
唔使三分鐘就塞返出開源道。
觀塘成日塞車有一半就係因為內街違泊出事，一日唔處理，一日唔會好過。
開偉業街開右轉勵業街作用不大，勵業街太短，雅麗道去勵業街既車已經排到鴻圖道口。
再塞多堆車分流去海濱道？偉業街直去批車唔停係黃格已經偷笑。
偉業街本身係六線雙程，而海濱道只係雙線雙程。
海濱道已經超負荷緊分流就無咩可能啦。
14X 每日就係因為咁進一步脫班，隨時創紀去九展搞成 10-15 分鐘。
唯一真係有用少少係比雅麗道去勵業街既車右轉偉業街去九龍灣。
不過最有用既方法係開源道或勵業街起天橋延長去郵輪碼頭，索性引走觀塘市中心車輛。
Snoopy@FB8617 發表於 2018-8-15 03:11
我意思係你加右轉作為間接補償
但其實冇意思
因為直去偉業街唔會慢過你右轉再左轉出返觀塘道
再重申,呢個只係多一個選擇,我亦唔認為多左呢個選擇會係一個壞處
首先,改變進入工業區既方式係唔可能減少進入工業區既汽車數目
車只會越黎越多,但路面已經唔可能有大幅增長
所以應該將車龍由原本好易倒灌出觀塘道,變成冇咁易
呢個先係我既大方向
唯一方法就係利用附近未完全飽和既行車路面作為臨時緩衝區
減慢車流倒灌出觀塘道既速度
所以你話碼頭迴旋處精彩,我唔否認
但起碼我將最精彩既位置大幅移離觀塘道
呢個先係目的所在
部分車輛的確可能要額外經多次迴旋處,但多左幾多可以再觀察
亦可以保留鴻圖道為東行,提供多一個選擇,我唔認為呢D野係一條死線唔可以改
另外宏利對開位置係絕對可以擴闊多一次線出黎
係工業區,因為貨車好多時唔只去一個點,而且要兜圈搵位
所以loop唔係問題,問題係loop夠唔夠大可以容納咁多車,
我將觀塘道進入工業區既方式統一就係為左可以將個入loop既等候區擴大
而且當大部分車由單一位置進入,燈位既調教就可以更有指向性,
等侯區擴大同單向,亦可以減少轉燈次數,從而提升車流速度
隧道炒車,警方可以臨時開放觀塘道雙向巴士線比普通車輛使用,
而且改同唔改,隧道一炒車成個觀塘都必定GG嫁啦
迴旋處放車速度不及交通燈係一個事實,將大部分原本需要使用迴旋處既車變成唔使用係必定可以提高左效率
我之前都提過由於路面單向,所以要做到觀塘道右轉康寧道往協和街一燈直達根本唔係難事
物華街車流量係高左,但物華街轉協和街既速度亦都高左,
而且協和街上山方向亦差不多變成公交專用,車流量大幅減少,
所以物華街左轉上山既綠燈時間可以大幅延長
向互相抵消既情況下,我唔見得會有你所講既惡化情況出現
觀塘道係有條件取消哂D燈位
dennis28a 發表於 2018-8-16 03:10
成條巧明街兩條線左右泊車，淨番一條線都未必行到，要留比前車倒車入工廠，
唔使三分鐘就塞返出開源道。
...
問題係違泊趕走左後咁上落貨既需求又點處理
斬腳趾避沙蟲冇咩用
麵粉廠一段海濱道又未特別聽聞過咁塞車
如果真係既咁當我冇講過
AV385 發表於 2018-8-16 04:22
再重申,呢個只係多一個選擇,我亦唔認為多左呢個選擇會係一個壞處
首先,改變進入工業區既方式係唔可能減 ...
問題位置遠離左觀塘道係啱
但為此產生一個更大既計時炸彈
到時影響既唔單單係一條觀塘道而係成個觀塘一齊玩完
如果鴻圖道繼續東行會好些少
討論正正就係為左改善個建議
我講既炒車唔係交通意外
而係大部分車出入要經觀碼迴旋處同偉業街下
兩條路根本頂唔到咁多車
最後拉到條龍落隧道既就成個觀塘炒
相較而家衰極都仲有部分車走到隧道
其實之後觀塘市中心重建後
物華街得返兩條東行線
將全部行協和街上山既車/部分落開源道既車都塞埋落去
左轉上山可以拉長枝燈但仲要配合月華街枝燈
右轉車多左但冇得拉長枝燈
最尾都係會搞到上山方向
Ravenclaw 發表於 2018-8-16 02:09
當觀工所有大廈變左商廈，好似Manulife咁，少咁一大堆上落貨既貨車，咁就得... ...
但係返工時間尐私家車等入場已經霸晒一條線
AV385 發表於 2018-8-16 04:22
再重申,呢個只係多一個選擇,我亦唔認為多左呢個選擇會係一個壞處
首先,改變進入工業區既方式係唔可能減 ...
開源道倒灌只係其一原因, 唔係唯一
好多時開源道好暢通出面觀塘道都照塞
另外東行市中心巴士站多車埋站+小巴出口燈位更多時係塞車主因, 一過支燈已經唔塞
西行入碼頭區尐車一早入晒偉發道, 迴轉處尐車多數直去或上山, 塞車因為多車出入觀工,
加迴轉處又要讓車, 就算趕東行去碼頭區尐車入物華街, 佢地一樣先入迴轉處, 西行都係要
先讓佢地先行, 差別不大
另外就算東行入碼頭區尐車趕晒入偉發道, 加埋西行尐車入晒成業街, 塞上加塞, 成業街開源
道支燈遲早要加時畀成業街轉開源道, 迴轉處入開源道尐巴士小巴咪一樣倒灌出迴轉處
leeallen 發表於 2018-8-16 23:49
但係返工時間尐私家車等入場已經霸晒一條線
移加系私家車加貨車夾攻，就算工廈都有老細渣車翻工...
將來變晒商廈，將APM變成shuttle站，令觀工內街in out更方便，令渣車人數盡量減少...
冇架啦...做到既野有限...
我覺得就算點塞都好，唔好將個塞車點落系觀塘迴旋處，要將佢shift去某d位...
所以我其實讚成有版友話將迴旋處入開源道果段變返雙向，但!!入開源道方向變巴士線...
但上面個方法，有個過渡期，而且相當痛苦...
當突然同全世界講話觀塘道非巴士唔准入開源道，初頭一定會有車行錯，但如果動個慈母系路口，一有非巴士既車就截停，然後講解點入，道致有車停系迴旋處，咁會令塞
車情況進一步加劇...
leeallen 發表於 2018-8-17 00:13
開源道倒灌只係其一原因, 唔係唯一
好多時開源道好暢通出面觀塘道都照塞
將來1A同佢d相關路線(11C, 13M????)
系新裕民坊巴總，開條過車坑去招呼堆上山客...
Snoopy@FB8617 發表於 2018-8-16 00:20
問題位置遠離左觀塘道係啱
但為此產生一個更大既計時炸彈
到時影響既唔單單係一條觀塘道而係成個觀塘一齊 ...
你諗清楚先,向同一情況下,如果工業區內車流真係散唔去,由開源道倒灌出觀塘道迴旋處快定係由成業街/偉業街經偉發道倒灌返出鯉魚門道快?
只要拉長左車龍倒灌出觀塘道既時間,就已經可以提供更多既時間比交通警疏導工業區車流
向唔可能更變車流量同增加路面既情況下,呢個根本就係唯一既方法
另外防止車龍倒灌完全塞死隧道仲有一個方法,可以考慮由康寧道前,
大約創紀之城對面開始將觀塘道東行快線劃為只往偉發道
並設虛實線,只可切出,不可切入,隧道內為雙實線
加設一巴士專用袋口位於觀塘道東行大約觀塘游泳池對出,快線開始由一線變成兩線既位置
當快線起初由一線變兩線時,靠左一條大約三個巴士車位既位置劃為巴士專用
讓巴士可以過左翠屏道後依然可以轉入偉發道
我唔覺得整個工業區行車線有咁多大改既時候
觀塘市中心可以維持原有方案
由於觀塘道迴旋處大幅改善
落山車輛根本唔需要再依靠物華街及康寧道
要解決既只係協和街落山前往牛頭角道既車
惡D既就叫佢地自己諗辦法,一係就上返山經康寧道落,
再唔係就入瑞和街街市穿出康寧道
再唔係就落觀塘道,向雅麗道上返黎
冇咁惡既方法就係留返一條線比佢地入牛頭角道
而觀塘道同牛頭角道之間一段康寧道改為單向上山
咁物華街最少都有三條線上山