本帖最後由 10598C 於 2019-3-28 18:39 編輯
巴士的膠 發表於 2019-3-28 18:27
當234C係的士走線去九龍灣，936A朝早都唔爆又唔駛上安蔭、入四小龍，繁時交通算係幾好。即使唔用36M駁鐵 ...
冇車/全日車去尖沙咀嘅地方就真係大把，嚟緊梨木樹36X冇記錯會改入尖沙咀
for通勤班客，其實根本繁時線都夠用，梨木樹哪方面其實唔錯，其餘時間轉一程車都算方便，又有駁腳巴士密密去地鐵站，過得去啦
本帖最後由 keilingha 於 2019-3-28 19:20 編輯
editing
238X 發表於 2019-3-28 10:14
其實我覺得，一個區所謂較好嘅巴士服務，應該係有一啲上到車嘅直車，然後有一啲班次速度容量都夠大嘅駁腳 ...
反而安蔭就真係得一架車揀仲可能係無位坐。行落東邨坐:lol
不過有時東邨已經企人
最多都係等多班
安蔭好多時上車剩一兩個位
而石籬想有位就要拖卡先得:L
本帖最後由 keilingha 於 2019-3-28 20:25 編輯
我住沙田四美,我婆婆住梨木樹,我一星期都會過去幾次.坦白講,綜合我對全港交通公具嘅認知,梨木樹交通唔算十分差,算是屬中等水平.
係我眼中,地鐵站七分鐘步程內到達嘅地方,先係上等水平,梨木樹呢方面絕對唔入流.
但點解我會話中等水平,以下有解釋.
第一 梨木樹駁地鐵線有多條，可分成六組.
36M、94 (小巴)往葵芳站，車程5-10分鐘
312往青衣站，車程20分鐘
46X、403X (小巴) 大圍站，車程10-15分鐘
47X、48X、403、403A、403P小巴往沙田站，車程12-15分鐘
46X西行往荔景站，車程10-12分鐘
73X、278X往荃灣西站，車站15-20分鐘
另外單向有32、36A及36B由荔枝角站往梨木樹，車程14-19分鐘
坦白講,路線選擇係多嘅,覆蓋咗現時鐵路網絡中,新界東同新界西兩邊拉開嘅情況.
最少去全香港九龍新界各主要地點,可在一小時內做到.
呢個方便喺好多地方都做唔到嘅,例如馬鞍山、將軍澳過東涌、大西北就已超一小時，但梨木樹只需40分鐘.但相反梨木樹過西貢市中心,40X/47X/48X轉299X 要一小時內到達唔難,而將軍澳亦唔見得好快,除非住正坑口隔嚟,就可30分鐘到.不過,新東過返新東,快喺應該嘅)
跟住,我講下等車問題.
去沙田方向班次喺最密,因有多飛,基本上喺十分consistent,
美中不足喺往大圍嘅46X間中脫班,403X繁時梨木樹上唔到車,我極度唔喜歡等車,所以每次由梨木樹返歸都總有怨言)
基本上,只要上到車去沙田或大圍站,駁鐵去新界東、九龍東、紅磡以至北角一帶就已經無問題)
至於去新界西、九龍西、港島中西區一帶,可36M/94駁荃灣線或46X駁東涌線,
我得承認繁時94 會大排長龍,但46X就未試過上唔到(喺味真喺一定上到,我可以再問問我婆證實)
所以出香港站國金一帶基本上半個鐘可到,consistent!
只喺36M出葵芳臨入葵富路間唔中會塞一陣,不過塞車情況喺市區都好難避免,that’s why我認為在市區來往,靠鐵比靠巴士重要)
至於312,除上繁外,基本上唔需排隊,車海戰術3-4分鐘一架,缺點就只是車程稍長,
但去東涌因東涌線車速快,所以整體上咁搭法在時間上仍有優勢)
去荃灣西,73X同278X唔算密但仍唔算疏,廿分鐘去到西站,再駁西鐵好快入到大西北,
唔喜歡搭鐵又可以48X、73X、278X轉大西北巴士，幾乎邊度到去到,
also consistent!
去將軍澳,可36M/94/40X/46X/47X多飛轉290/290A/290X,嫌慢可以到彩虹落車轉鐵,
最少選擇多,咁搭法出彩虹平均半小時可到.
好,講下通勤,
去各主要工商業區,無咩邊個要超過一小時,
我柴灣上班,若在梨木樹出發,我會選擇46X/47X/48X/403X多飛轉鐵往紅磡(403/403A唔考慮,因為落車地鐵在沙田大會堂,行去火車站要4分鐘比較麻煩),半小時內到紅磡,再轉118直到.
若要去觀塘、九龍灣一帶,可考慮234C或403/403A轉89,視乎出發時間,
去新蒲崗四美街就會46X轉89B,基本上車程唔太耐.
有人講返大陸,我個人唔建議278X因為車程勁耐,就算堅搭都應粉嶺落車轉鐵.
我會揀46X/47X/48X/403X轉鐵最快,另外亦會考慮入元朗轉B1/B2,視乎去邊.
如果咁講,好似已經無邊幾個地方唔能夠一小時內去到,點算得上地底泥?
梨木樹有幾條線喺廢既,對我嚟講喺32、36及36B，
但喺其實好多區都有類似情況,例如慈雲山都有唔少廢線.
至於無直車往旺角、尖咀嘅問題,唔少地方都有,例如我四美某邨,就已無直車去旺角和尖咀,
一樣喺要轉鐵,分別只在於我樓下有極頻密小巴往大圍站,連等車8分鐘可到,但梨木樹就要20分鐘先到.多飛嘅好處就喺慳返等車時間彌補車程稍長嘅損失,有唔少地方連多飛機會都無,例如大埔幾個大型屋邨就得特定一架車去到火車站,仲要唔喺極頻密,好似富亨,等得車嚟出到大埔墟站,已廿幾分鐘,仲要喺大埔墟喎唔喺大圍喎,即要加多13分鐘東鐵車程出市區)
總括嚟講,梨木樹嘅交通唔算中上(喺我心目中,中上嘅有地方,7分鐘步程內喺應同時有鐵路及巴士選擇,不過地理位置可稍為遠一點,例如東涌富東、天水圍屏欣苑、沙田碩門邨等,而上等就唔使講,好多人都認同喺彩虹邨嗰類㗎喇)
但梨木樹嘅交通絕對唔係下等,下等例子眾多,單是目前嘅東涌逸東、迎東、粉嶺華明、上水清河、馬鞍山錦英、火炭穗禾等已經唔方便.唔好同我講錦英去旺角、紅磡搭87D,呢個車程夠我由梨木樹去至旺角、紅磡一次半有多.我重申,我仍然認為如果有直車到一個地方但車程連等車比搭鐵長廿分鐘以上,就已經唔喺一個良好選擇la)
如果要用一個形容詞嚟形容,我會覺得梨木樹情況係地理位置(東南西三方向皆通)有優勢但交通欠規劃,
而四美就係地理稍遜(自成一角,不利巴士服務)但良好營運搭救(超頻密3分鐘一班小巴去大圍站,可惜上下繁間唔中都會排長龍,但路程短回車快,仍能10分鐘內上車)
另外,雞蛋裡挑骨頭,我嘅一點小見如下:
1 36B改特快
2 40P全日兼延長至荃灣西,取道大河道北,特快接駁西鐵線.
3 46X改善脫班問題、403X 小巴加密班次,以配合沙中線通車,大圍成為兩線交匯嘅優勢.
4 加開石圍角至荔景小巴,經梨木樹,供接駁東涌線.
5 36M及94在繁忙時間調整班次,飛走昌榮路站,疏導人流避免打蛇餅問題.
6 改善通宵服務,其中482小巴可考慮改經三棟屋、石圍角路,服務梨木樹及象石一帶.
keilingha 發表於 2019-3-28 20:20
我住沙田四美,我婆婆住梨木樹,我一星期都會過去幾次.坦白講,綜合我對全港交通公具嘅認知,梨木樹交通唔算十 ...
繁忙時間梨木樹去柴灣唔搭936A過港島轉車，就小巴/36X出旺角轉118啦，何苦特等屈去沙田轉東鐵？
10598C 發表於 2019-3-28 17:38
因為你只係睇到梨木樹嘅問題，唔識睇梨木樹嘅優點，望望同區，其實梨木樹根本唔係好似你講咁，差到地底泥 ...
梨木樹的設施同交通跟葵興芳、大窩口比較已經差好遠，仲點樣好法？你地往往用隔籬衰到貼地的屋邨比較，咁邊度有進步空間呢？
10598C 發表於 2019-3-28 17:58
回覆埋你之前講康翠有690過海
690而家都俾人減班，我過海如果夾唔到690，都即刻轉地鐵啦
好多人都受夠果度的巴士服務，你咁鍾意唱好，不如自己搬去附近住下，先再落評論。
我住咗近廿年，感受到交通如何惡劣，講來講去就有唯一優點，就係去沙田同大埔快。
ricky 發表於 2019-3-28 20:58
好多人都受夠果度的巴士服務，你咁鍾意唱好，不如自己搬去附近住下，先再落評論。
我住咗近廿年，感受到 ...
如果要住過先可以評論，麻煩你收返所有評價康翠嘅言論，以及所有對你冇住過嘅地方嘅評論
我從來“唱好”梨木樹交通，你根本只係係到創造二元對立，覺得梨木樹唔差就係等於唱好佢
我一直指出，梨木樹並非特別好，只係未去到如你所言，踩到“地底泥”嘅程度
如果你仍然無法理解，本人認為亦無繼續討論嘅意義
keilingha 發表於 2019-3-28 20:20
我住沙田四美,我婆婆住梨木樹,我一星期都會過去幾次.坦白講,綜合我對全港交通公具嘅認知,梨木樹交通唔算十 ...
見你寫好多字，未睇晒，但趕住回你先。你講的情況，未反映巴士同小巴脫班問題，繁時同非繁時都出現。「轉車方便」我都係第一次聽，除非在大型轉乘站轉乘，否則成日要轉車就已經係敗筆。
仲有，如果梨木樹去柴灣，正常應該係搭36M落葵芳轉地鐵，或者搭36A去深水埗轉118；梨木樹去新蒲崗，正常應該係搭36M轉40(有轉乘優惠)到鑽石山行過去，或者搭42C(無轉乘優惠)，唔使行在四美街落車。你所講的方法太特別，無人咁搭。
本帖最後由 10598C 於 2019-3-28 21:22 編輯
ricky 發表於 2019-3-28 20:55
梨木樹的設施同交通跟葵興芳、大窩口比較已經差好遠，仲點樣好法？你地往往用隔籬衰到貼地的屋邨比較，咁 ...
我一直覺得梨木樹有佢嘅不足，係需要改善，但有冇必要怨婦式數臭佢？
呢到咁多怨婦式埋怨咪就係咁嚟
古語有云 知足不辱、知足者常樂