寶琳北？唔駁寶琳轉乘將軍澳綫仲有價值咩？
本帖最後由 eternalflame 於 2017-12-11 00:26 編輯
大約走線如上
將軍澳第8區即係寶琳北路消防局同將軍澳村之間的空置土地, 如果車廠設係呢度, 出入車廠路線有機會要由寶豐路u-turn返上去
另外車站設置始乎想盡量方便山上居民, 亦會同西港島線一樣將車站作行人通道, 所以秀茂坪站要設置咁多出入口, 睇黎有機會會同安達臣道發展行人網絡一併考慮
https://kwuntong.files.wordpress.com/2011/10/pedestrian_vehicular_en_tc.jpg
西貢區議會一直力推UST站，我自己也支持。
始終清水灣道和新清水灣道塞車問題也嚴重，UST站方便學生和村民之餘，西貢轉鐵客也不需要去到將軍澳那邊或者彩虹，絕對是好事。
設UST站當然係好事
平日朝早高峰時期，最嚴重可以係無論彩虹定坑口都要等足足1個鐘先上到小巴，由坑口來往UST唔塞車既話車程最快10幾分鐘，但塞車時特別係下繁落山可以足足半個鐘都仲未過到清水灣道同影業路之間個迴旋處，果度真係慢到一分鐘都未必走到一架車。至於彩虹來往UST最快都要廿分鐘，仲未計塞車⋯⋯
另外巴士上斜慢，車速係小巴既N分之一
不過惟一既壞處就係會多左好多閒雜人等，同變左做去西貢既轉車站
利申
其實我想問，這條東九龍線，鑽石山以西究竟會再去邊？是否一定要去旺角？還是可以經慈雲山、秦石村（車公廟）去沙田火車站？甚至配合「連城廣場」重建？
科技大學站、寶琳站、秀茂坪站、順天站的位置同我設計的一模一樣，但我完全反對之後的走線，一來繼續高度依賴觀塘線，二來未能打破東九要兜上北九龍、不能直線到達九龍南部的宿命
科技大學站-寶琳站-秀茂坪站-順天站-九龍灣站(超高架)-九龍灣西站-宋皇臺站-真何文田站-油麻地/佐敦站-西九龍站
好處
- 減低對觀塘線的依賴
- 東九能直線前往九龍南部及高鐵站
- 新界西能經西九龍站快速前往東九(10分鐘)
Kaix 發表於 2017-12-11 02:42
科技大學站、寶琳站、秀茂坪站、順天站的位置同我設計的一模一樣，但我完全反對之後的走線，一來繼續高度依 ...
或者奧運站-旺角站-沿亞皆老街設真・何文田站- 兜上九龍寨城公園近九龍城廣場設九龍城站-彩虹道／大成街交界設新蒲崗站-沿彩虹道駁去東九龍線，成為東西九龍線
觀塘線／沙中線咁逼個站咁繁忙仲點駁落去？
Ricetastic 發表於 2017-12-11 01:53
設UST站當然係好事
平日朝早高峰時期，最嚴重可以係無論彩虹定坑口都要等足足1個鐘先上到小巴，由坑口來往 ...
完全同意應接駁至科大, 不單止科大嘅乘客, 西貢嘅乘客都好需要, 而且距離寶林直線最短只係一公里, 效益大,
再者, 睇佢去到科大向北嘅走線, 如果話會預留條件,
日後延伸至南圍 (迴旋處) 甚至西貢市都唔係無可能
本帖最後由 eternalflame 於 2017-12-11 10:13 編輯
康盛站同寶琳北站考慮因素似乎跟規劃署年初想建議改劃將軍澳綠化地做住宅用途有關。根據建議，康盛花園以南有兩幅地會研究作出改劃，而將軍澳村變電站以北的一幅地屬建議改劃之一，如果政府最終決定改劃，就有可能落實康盛站。而寶琳北站就可能要考慮埋車站上蓋發展的客流，但同現有寶琳站無接駁就有點那個。唔知龜公司有無諗過可以係車廠加個支線車站呢？
Ref: http://www.districtcouncils.gov.hk/sk/doc/2016_2019/tc/dc_meetings_doc/12901/SK_2017_111_TC.pdf
至於條線往西應該點樣行，真係好睇條壞車側線個走向同長度，長度就同列車方案有關係。想影響地面建築最少就一定係跟彩虹道。
Ricetastic 發表於 2017-12-11 03:15
或者奧運站-旺角站-沿亞皆老街設真・何文田站- 兜上九龍寨城公園近九龍城廣場設九龍城站-彩虹道／大成街 ...
樓主以前分享過RDS-2014的顧問公司曾研究過的九龍東西線的走向
http://www.hkitalk.net/HKiTalk2/forum.php?mod=redirect&goto=findpost&ptid=827315&pid=2958733