talktogether 發表於 2020-3-30 16:42
抱歉，No, 回想268X開辦初時也是只於星期一至六繁及下繁服務，之後提升至每天全日服務，九巴唔接納區議會 ...
題外話:
想問好耐,「抱歉, No」係乜嘢回答方式, 學校教你?
paul2357paul 發表於 2020-3-30 15:23
28唔係俾九巴嫌收得太平既，其實都應該要拉上四順，讓其有埋來往九龍灣直車。
...
28只有單程入九龍灣, 咁拉法效用成疑.
talktogether 發表於 2020-3-30 15:59
26拉上四順，21就冇由彩雲延長
26延唔延長同21有咩關係?
talktogether 發表於 2020-3-30 15:59
26拉上四順，21就冇由彩雲延長
26同21係冇關係㗎喎，26號係6F+前身209
。21係彩雲邨開荒牛巴士線，即使26唔拉上四順21都唔會拉上四順
EX-TL 發表於 2020-3-30 13:58
睇嚟你對巴士嘅認識只係得班次 走線 收費, 思維狹窄非常.
呢度唔係只得B2 F1呢兩板, 根本大把嘢討論! ...
巴士迷都有唔同類型嘅， 有啲人鍾意車型車號， 有啲人鐘意修改/創作路線，有啲人就對巴士嘅車身有興趣，有啲人就對巴士內幕零件有興趣，如果佢對嗰樣嘢冇興趣佢自然就唔會去嗰度討論， 所以你有興趣唔代表佢一定有興趣，雖然佢只對呢兩方面有興趣，就唔會有好多選擇畀佢討論，咁樣亦都唔代表佢思維好窄
呢一個討論區分咁多區域， 就係要畀唔同類型嘅巴士迷喺唔同方面都可以有討論，當然亦都有啲人係全部都好熟全部都有興趣， 又或者你就係嗰個，但唔係嗰個都係咁
EX-TL 發表於 2020-3-30 16:50
題外話:
想問好耐,「抱歉, No」係乜嘢回答方式, 學校教你?
恕我直言，只係打算釋除意思上的誤解喔:'(
WongKinYat_WKY 發表於 2020-3-30 17:54
巴士迷都有唔同類型嘅， 有啲人鍾意車型車號， 有啲人鐘意修改/創作路線，有啲人就對巴士嘅車身有興趣， ...
我只係想鼓勵佢, 趁停課有咁多時間, 可以諗下唔同嘅嘢, 即使巴士都有好多方面, 唔止得路線, 有時間可以發掘下唔同方面嘅自己, 例如先分享自己對件事嘅睇法.
你都睇到佢一開頭就問九巴有冇心做33, 原因係咩呢, 撳入嚟就見到話唔轉七日服務, 除左咁已經冇論點, 咁喺我眼中, 原來做足七日就係有心做一條線, 咁樣諗法已經唔得啦, 而家九巴幾多路線做足七日, 垃圾過乜, 特別係荃葵線, 講左咁多頁, 33當中好多內容, 包括途經咩地方, 有咩獨特之處, 做緊咩客源, 有咩競爭, 好似通通係0, 完全冇接觸過一樣, 要靠睇wiki去回, 咁到底佢關心33係出於乜嘢.
拎一條同自己無關, 非常陌生嘅路線出嚟討論, 目的只係想帶起討論, 係想知多啲嘅巴士嘢, 應該自己先睇多啲, 咁係好正常嘅事, 我初次上巴士討論區都係十幾歲未成年, 發現到一個網上大寶藏當然係第一時間乜都click睇餐飽, 到咁上下先諗好唔好註冊, 留言都要諗多陣, 做住CD-ROM先, 但係而家嘅人(唔止樓主)好似鍾意就問, 唔會自己睇吓資料了解多啲個討論題目同埋討論區運作.
開post開到舊板友覺得煩, 唔可以再容忍, 你哋就一句話冇其他嘢可以討論, 只係得呢啲.
你有嘢問冇問題, 但擺明係FF, 或者係拎啲錯誤資訊出嚟, 都要講到明正言順可以喺度傾, 肯留低喺italk仲肯出post討論嘅「叔父輩」真係少之又少, 大個左時間少左, 冇咩動力討論, 或者知嘅嘢多, 應該退下來畀後生自己討論, 呢啲都係藉口, 如果一個討論區多番啲有質素嘅提問, 討論內容多元化一啲, 大人們係好樂意留低喺度一齊慢慢討論.
不過, 我講講吓發覺唔應該話晒板友唔啱, 個討論區本身走咩方向, 有冇板務主動管好各板討論質素都好重要... 多言了.
EX-TL 發表於 2020-3-30 16:50
題外話:
想問好耐,「抱歉, No」係乜嘢回答方式, 學校教你?
其實我已不是中學生了，到現時工作仍會想起從前老師所教的不恥下問，我認為讀書遇到不明白的地方也還只是繼續背誦，要深入理解，網上關於33開辦初期的帖子，我是有看過的，但不表示我已完全明白了
talktogether 發表於 2020-3-30 18:56
其實我已不是中學生了，到現時工作仍會想起從前老師所教的不恥下問，我認為讀書遇到不明白的地方也還只是 ...
你算好好, 我一路咁寸, 你都敢繼續謙虛回覆.
EX-TL 發表於 2020-3-30 16:52
28只有單程入九龍灣, 咁拉法效用成疑.
11X亦係單向經九龍灣，但11X秀茂坪覆蓋唔差，13X亦係秀茂坪覆蓋唔差，反而28咁樣在樂華邨止步就顯得算死草。
諗到個真正原因應該係九巴要四順居民硬食新清上落山巴士線既詭計，因為28拉上四順既話，四順居民會嫌26新清塞車而走哂去搭28來往尖沙咀。