S3V1742C 發表於 2020-8-16 21:40
要交線 大把線有得交
33A 37 38A 237A甘執
將33A食埋38A 加個$4.7雙向來回美孚收費 38A果度交左既三架車 ...
33A食38A，之前自己都諗過，不過海濱有權唔放38A，33A街市客又行遠咗，葵涌邨呢個最大用家都未必支持
至於32H兜海濱再加雙向分段，睇完真係得啖笑
己所不欲，勿施於人，你既然唔想食你口中嘅「垃圾」33X，又點可以要求海濱食兩條真·垃圾32H同33A？
大窩口道最大問題係，冇一條線係自己直出唔經其他區
33A楊屋道、34葵盛麗城、43葵芳青衣南、40X馬鞍山、44M青衣北、A32葵芳/青衣中、930葵芳
要交數都要問過其他區
本帖最後由 tonychow 於 2020-8-17 13:45 編輯
castanopsis 發表於 2020-8-15 23:28
留意我話41A沿線人口7.4萬
係計埋翠怡、灝景灣、宏福花園等相當貼近青衣站既屋苑
建議既237X覆蓋緊10萬人 ...
你睇清楚我堆 argument 未
地鐵快過巴士但都有人搭巴士
即係巴士本身有優勢
而 37 嘅優勢好明顯係平而唔係快
當你推 237X 之後已經無咗平呢個優點，當搭鐵去旺角都係貴你幾毫嘅時候點解仲要揀一個唔穩定嘅方案，然後你就話我左兜右兜
唔好唔記得 35X 都要收 $8.8，你條直落荃富街嘅旺角特快收唔收到平過地底都係 concern
正如北角去中環，有人唔趕時間搭鴨仔，你就話鴨仔好多客所以 18X 都會好多客，根本講唔通
其他論點例如觀感等等 Ricky403 答咗你
最後葵盛拆尖沙咀特快，我講過可以同葵芳拆。非繁新都會根本係客倉，仲要喺大部分情況下速度上跑贏鐵，唔見得做唔到
S3V1742C 發表於 2020-8-16 20:49
嗱 宏觀甘睇 尖沙咀係有客
但係做唔做到全日甘多客 真係好大疑問
由新界西去做佐敦尖沙咀特快
又係講咗 N 次
重點係，巴士就算等 15 分鐘，只要尖沙咀走線合適，最後都會跑贏鐵
你用大西北線比較根本唔合理，因為 268B 即刻有車都未必快過西鐵，仲要貴咗
重點係，只要宣傳得當，基本上可以吸到絕大多數嘅客
葵芳落尖沙咀等車 14 分鐘下都會快過地鐵，即係速度上計吸到現有葵芳 - 尖沙咀 70% 客
只要 20 分鐘內本身搭鐵去尖沙咀嘅人有 150 個，架車開始企都仲得，而呢個數絕對唔過份
相反如果你條 237X 要等 5 分鐘以內先快得過紅小 / 地鐵，開 20 一班即係只係搶到 25% 客
其實葵盛如果肯郁37M嘅話都勉強夠資源自己開一條特快，應該好過夾埋葵涌邨大窩口搞一條，避免咗邊區快邊區慢嘅問題
殺咗37M攞3部車，再略減37至全日20、繁時單向15，抽2部車，夾埋5部車應該夠開全日20。新線總站擺葵興站，跟37M上葵盛，到葵盛東後再跟47X落葵褔路，之後轉右上荃灣路出九龍。回程就行荃灣路後經葵福路去高盛臺，之後跟37M返葵興站。咁樣葵盛山上直出九龍應該會快，不過山腳可能會慢過經新都會。
新線就加返雙向分段補返來往葵興站嘅服務。咁嘅話葵盛用37減班同葵興站減班，換全日20分班特快出九龍。37走線唔變，無補償問題，出深水埗由15略減到20應該勉強可接受？只係新都會嗰邊未必肯喺無補償下減班(不過就算唔抽車開新線，九巴遲啲如果再減班嘅話都可能會跌落全日20)。而最大影響應該係來往葵興站班次亦會少咗同埋站位無咁方便，如果葵盛接受唔到來往葵興站嘅服務削減就無得搞。
至於九龍段可以睇下葵盛想要邊樣特快多啲，跟701行太子旺角或者287X行油佐旺。跟701嘅話服務範圍細啲，又要同37爭客，只靠葵盛客源可能未必夠。不過來回旺角都夠快，而且加價幅度低啲。跟287X嘅話去程出旺角唔算快，而且要俾佐敦價會再貴啲 (不過嫌貴可以照搭返37)。不過就可以擴大服務範圍吸新客，有直車去旺角以南。
本帖最後由 castanopsis 於 2020-8-18 04:06 編輯
Ricky403 發表於 2020-8-16 13:11
鐵路車程唔吸引？大窩口出旺角，出入站比到盡12分鐘，等車2分鐘，車程16分鐘，夾埋30分鐘
237X大窩口出旺 ...
我敢斷言
你同tonychow，係完全唔了解巴士乘客既習慣
巴士車程上快過地鐵15分鐘，已經係極大既差距
你唔信，不妨用同一個方法，計下中環去元朗
行去香港站出入站12分鐘，等車平均6分鐘，淨車程30分鐘，總計48分鐘
968行去站頭5分鐘，平均等車6分鐘，去匯豐總行>大棠路43.5分鐘，總計54.5分鐘
呀，原來巴士仲慢過地鐵，繁時塞車就更加慢好多，按你個邏輯，968唔應該開線
我知你又會話西鐵轉一次車，就好影響吸引力云云
咁你自己不妨又計下720/722/2X
呢三條線如果按你個標準去計，肯定慢過鐵，尤其東行
偏偏720/2X都係線皇，722繁時一樣係頂閘載唔曬仲連帶18X都上到唔少客
根本巴士乘客就完全唔係你想像中咁，分秒必爭
向來巴士總行車時間只要同港鐵差唔多，已經攞到一半市佔率
就算鐵路競爭好強既地區，例如坑口，98D去尖沙咀明明慢過鐵都一樣攞到半個市場
（地鐵開通之後班次exactly減咗一半，坑口寶林客比例無變過）
237X大窩口新區淨車程快地鐵15分鐘，屋邨離地鐵站有距離，已經係好大優勢
我當然唔期望所有人都會坐鐵，但你攞到半個市場已經夠食有凸
康盛翠林，加埋都只係2.5萬人，都已經咁多人搭98A/C
10萬人既葵盛/新區，攞一半市佔已經係相當大需求
而我更加唔理解，如果你連我個方案都覺得唔夠客，點解會覺得100兄個二拆四方案會夠客？
本帖最後由 castanopsis 於 2020-8-18 04:10 編輯
S3BL100 發表於 2020-8-16 23:04
麻煩你望返第一、二頁既討論先，Ricky403 兄同我都先後 (#7, #12) 指出左 castanopsis 既 33A 走線係做唔 ...
你呢段嘢簡直打橫來講，我再梳理一次我個立場
你話我條33A四架車唔夠跑
我第一個反應，係反建議縮落葵涌邨開車（#9/#18)
葵涌邨開，太子用定時點形式處理，再同40X互跳，偷疏繁時逆向班次，四架車係夠跑
然後你唔滿意葵興無咗車
嗱，呢個我本身覺得可以試下闖下關
反正九巴連37改經荔枝角道都攞得出來博大霧
葵興本身仲有37/36A之下，同區又咁大improvement，過到既機會唔低
好啦，就當俾你講中，過唔到
我覺得額外加1-2架車落去，維持33A葵興站逆走，再開237X，唔過分
大窩口/新區/葵盛，過去十年哪怕有新增人口，都無加過車，九巴絕對係理虧
宜家開新線，服務範圍擴大咗咁多，以前爭落既車，係有理由還返少少落來
呢點我喺#9/#18，表達得好清楚
而抽37M車，唔係我既first choice，唔係我既second choice，而係last resort
點解講起37M，係因為我覺得你雙重標準
你自己一方面猛咁話我個方案唔夠車做
但望返你個33A/37二拆四建議，原來要加成4架車先做得到
望落夠車，純粹係因為搵咗37M/43填數
如此，你又有乜嘢資格話我唔夠車？如果你可以搵37M填數既，我都一樣可以
你認為葵盛肯用37M換尖沙咀特快，但唔肯用37M換旺角以南特快，只係你主觀意見
我條237X做到油麻地，做到佐敦，而尖沙咀唔慢過鐵
你條237X，做唔到油麻地，佐敦南行站位差/北行20-30分鐘一班循環等死人，同做唔到無分別
結果條線真係得半個尖沙咀既客有用
實際上，葵盛上公路，經葵芳只係快過經新區5分鐘左右
但經新區走，班次有條件落到10-12甚至個位數字
我係葵盛，一定選擇我個版本既237X
如果佢地唔肯用37M換237X旺角特快，唔使旨意佢地會肯換你條廣東道特快
Ricky403 發表於 2020-8-17 12:18
33A食38A，之前自己都諗過，不過海濱有權唔放38A，33A街市客又行遠咗，葵涌邨呢個最大用家都未必支持
至 ...
38A班次有d疏，如果合體之後班次密左，海濱應該會放。至於街市客方面，由於33A本身班次就好疏，佢地多數會上小巴，老人家的話肯定會搭930而唔系33A
本帖最後由 tonychow 於 2020-8-18 10:42 編輯
castanopsis 發表於 2020-8-18 00:42
我敢斷言
你同tonychow，係完全唔了解巴士乘客既習慣
巴士車程上快過地鐵15分鐘，已經係極大既差距
你成堆例子根本同 237X 唔同
237X 大半條走線貼近地鐵站
落咗地鐵之後唔使轉車仲要無乘客習慣幫手
968 除非你香港站返工，上環金鐘灣仔只要搭東涌綫一樣要轉多程，計埋輕鐵 4 程，又或者要行尖東
當西鐵唔係特別平，月票計九巴月票一樣抵過全月通，咁 968 梗係贏
中上環金鐘去西灣河已經收緊 $8.8，而 7 系快線收得平，情況就好似 37 收得平咁，慢過鐵但唔算特慢而又平價下咪多人搭
你試下睇下炮台山 - 中環，巴士公司做成點
98 系亦係同 968 同一個 case
紫色線過兩次海去尖沙咀，當然唔吸引
你條 237X 就好似康翠逆走咁，然後 37 都仲係葵芳（寶琳）上公路，你就搞到康翠兜寶琳坑口再入隧道無分別
問心，如果 98C 唔係行山而係康翠總站經坑口行隧道，仲點會有人會總站上，係都出九龍轉車啦
你話我唔係巴士乘客，okay fine
事實係我住屯碼返工返上環我都搭西鐵而唔係 962 系出城
因為就算一星期有 4 日準時都好，有咩事遲出門 / 走車 / 塞車，剩返果日都會遲到
而你條 237X 再密，都唔會密得過我堆車海
castanopsis 發表於 2020-8-18 01:49
你呢段嘢簡直打橫來講，我再梳理一次我個立場
你話我條33A四架車唔夠跑
其實你 quote 緊我回 S3V1742C 版友果段野，中心思想得一樣野
就係如果要按照你既框架去做，將你個方案改到技術上可行，及/或區議會啃得落，用 33A 37 現有車數係唔夠
所以無論我既方案，定係你既方案，到最後都係要加車。呢個問題上，我地之間無邊個方案特別優勝
咁當然九巴唔會天降資源落去呢幾個區，抽車來來去去都只能諗 37M 43 44M，當中 37M 更加係無可能唔成條拎來祭旗。你話係 last resort，但事實係唔諗 last resort 都唔得。只不過呢點某程度上已經超越左我回緊 S3V1742C 個 scope
亦當然你個方案底下，葵興、楊屋道街巿係潛在問題位，而你亦恐怕對客量太樂觀。但呢兩點亦同樣超越左你 quote 緊我果個回應既 scope 同 level；一來客量問題其他版友已提過，不贅；二來有時我對其他版友既回應懶得打咁長咁詳細，反正人地唔明就算
不過既然你提到你認為葵盛會想要兜新區大窩口出旺角 237X 多過經葵芳直出尖咀，我不妨呢度講多少少點解我唔同意。除左行車時間同直出觀感外，你個版本既 237X 做唔晒葵盛圈（例如對比起拎來祭旗既 37M，你個版本既 237X 只係一個方向做到高盛臺、一個方向對葵聯邨唔就腳），而方案出台之時，地區人士睇到既亦只會係初期班次，而唔會係日後加班加車既可能，變相你所謂「班次有條件落到10-12甚至個位數字」一點完全唔會被納入考慮之列，仲未計 10-12 係太樂觀
都係果句，做人有時要睇餸食飯。既然客觀條件（包括資源、客量、配額）做唔到頻密班次，都好難強求