ATENU135 發表於 2020-8-15 23:48
青衣本身搭車習慣唔同，出旺尖搭地鐵要轉一次鐵，轉完又唔係快巴士好多，咁樓下就有巴士，所以巴士咪有多 ...
唔好倒轉因果
葵涌邨/大窩口邨/葵盛圍多人搭鐵，原因唔係搭鐵方便，而係巴士服務太惡劣
老老實實，你企喺大窩口邨，出旺角會唔會搭條非繁淨車程都要40分鐘先到既33A？
若果開237X，大窩口/荃富街上車，15分鐘多啲已經到旺角站落車
呢個速度，仲快過紅小地鐵一截，條線一開，乜嘢搭車習慣都即刻拋到九里雲霄之外啦
就好似海怡半島，唔通佢地習慣搭590，就唔識改搭南港島線咩
青衣當然同新區大窩口情況不盡相同
始終跨月台轉一次對吸引力影響有幾大，難以量化，唔同人有唔同答案
但唔代表41A客量無參考價值
而你質疑我人口數據，事實上我237X十萬人係無計荃富街
41A果邊無論計唔計長青都唔影響結論
castanopsis 發表於 2020-8-16 00:06
33A+37總體客量係多過44唔少
拆出來計少過44都正常，始終新區/葵盛任何一區人口都少過青衣
亦要記住，以前 ...
有時都好睇競爭對手
33A、37沿路你認為行落地鐵站遠，至弊居民唔係咁諗，一早用哂腳投票
如果真係獨市，減完班肯定會爆閘，要好似44之前咁加番柯打清客
44同33A一樣價位，但係33A陰乾力度大過44好多倍
葵涌新區葵盛人口係多，但係顯然唔夠忠誠...
唔好為拗而拗
現實係除非你同時建議同其他尖沙咀線合併 (e.g. 219X) 或者同你講嘅81C/87D/281A拆線捆綁做
否則運豬唔會批准，RPP頭幾頁大大隻字寫明，「避免開辦途經繁忙地區如...尖沙咀...等路線」
因為唔見得旺角特快入到尖沙咀，所以剔除尖沙咀客相當合理
再者我嘅葵盛<>旺角1500只係一個例子，我前面已經講過實數要數客先知，況且37興芳路一樣多客
葵盛純住宅區，需求集中繁時兩三個鐘，興芳路有葵廣新都會，全日位
非繁長過繁時多多聲，興芳路全日計多過葵盛唔意外
即使葵盛<>旺角有3000-5000咁多客，如果turn out大部分居民 (70-80%) 其實只係貪平，
你改完佢地繼續坐37，237X個數都同我估算嘅差唔多
另外，我實在唔認同你認為葵涌邨葵盛要尖沙咀線priority高，
先唔講其他大區，淨係荃葵青入面，梨木樹、青衣西南又畀你擺咗去邊？
葵涌邨葵盛居民腳骨力好啲係行得落鐵路站直達尖沙咀，梨木樹、青衣西南呢？
當然，實際上亦唔係「priority高」就會有，將南康城、火炭沙市、北區、油塘都係近年新增尖沙咀線，
而priority未必係好高，只不過各自都係巴士網絡及/或政治原因成就到尖沙咀線；葵涌邨葵盛有冇？
castanopsis 發表於 2020-8-16 00:28
唔好倒轉因果
葵涌邨/大窩口邨/葵盛圍多人搭鐵，原因唔係搭鐵方便，而係巴士服務太惡劣
老老實實，你企喺 ...
你點sell條237X我無意見，不過用590同南港島線比，就大錯特錯
南港島線唔止贏速度，仲贏埋穩定同頻密
237X只係贏速度而已，班次同穩定都比唔上紅線，仲輸埋車錢
東涌線班次接近全部通勤鐵路最疏，要轉多條疏車東涌線，點影響吸引力我諗畀啲同理心都清楚
青衣北人口好似係少過葵涌邨葵盛人口，但係講到基本盤，
睇下44陰唔乾，仲有41執雞，對比葵涌邨葵盛孖寶一齊頹都略知一二
castanopsis 發表於 2020-8-16 00:28
唔好倒轉因果
葵涌邨/大窩口邨/葵盛圍多人搭鐵，原因唔係搭鐵方便，而係巴士服務太惡劣
老老實實，你企喺 ...
事實係葵盛人口老化＋有堆人搭37M落葵興轉鐵，平同算直接嘅37其實葵盛非繁都唔係好多人搭(嚴格來講葵盛非繁需求都唔係好大)
葵涌邨算係最有可能嘅客倉，但要睇下啲人會唔會都係選擇地鐵
大窩口有部分樓係行出地鐵站方便啲，亦都係人口老化
荃富街都有可能會係客倉，但係好睇宣傳
我建議可以喺繁忙時間開試吓先
Ricky403 發表於 2020-8-16 01:07
有時都好睇競爭對手
33A、37沿路你認為行落地鐵站遠，至弊居民唔係咁諗，一早用哂腳投票
如果真係獨市， ...
究竟係居民唔覺得遠，定覺得遠但無其他合理選擇？
望返轉頭
紅小又貴，又唔穩定，又唔係快
港鐵本身行得遠，但車程定價錢其實都唔見得吸引
競爭對手好強咩？明顯唔係
純粹係33A服務真係太差，人哋慢佢仲慢，人哋唔穩定佢仲唔穩定，班客先一走無回頭，或者學你講，“唔忠誠”
而正正就係因為有競爭，先有誘因重組去吸返班客返來
237X絕對有能力快過曬地鐵紅小，平過曬地鐵紅小，方便過地鐵，穩定過紅小
你肯去做，班客自自然然會返來
你話44待遇好過33A
正常，因為44行車時間短過33A唔少，就算收同一個價，營收都好好多
而實際上44減班頂閘再加班，客量係有大幅流失，尤其朝早出九龍
你可以問返青衣班版友，佢地見住條線同一班車由頂閘變坐唔滿，感受好深
尖沙咀問題
RPP前面既幾版廢紙無謂攞出來講，乜嘢加班標準減班標準，從來都無跟過
你都識講，14X/796P/270A/280X都相繼入到尖沙咀，點解葵盛/新區就一定唔得？
ATENU135 發表於 2020-8-16 01:26
事實係葵盛人口老化＋有堆人搭37M落葵興轉鐵，平同算直接嘅37其實葵盛非繁都唔係好多人搭(嚴格來講葵盛非 ...
葵聯邨/高盛台/葵涌邨都係近年先入伙既屋邨
葵盛+新區大窩口，工作人口5.46萬，係四順既兩倍
而四順26/27/42客量大家有眼睇
呢區人口其實並唔老化，只係巴士公司做得差趕走曬班客
237X由繁時線開始做起當然唔係問題
但繁時做起同一炮過全日相比，後者宣傳效果好好多
而留意我237X既用車係主要從33A逆走抽出來
既然整體唔使點加車，點解唔一炮過全日？就算最後唔夠客都唔會差過宜家呀，係咪？
castanopsis 發表於 2020-8-16 02:00
葵聯邨/高盛台/葵涌邨都係近年先入伙既屋邨
葵盛+新區大窩口，工作人口5.46萬，係四順既兩倍
而四順26/27 ...
四順環境係唔可以同葵盛新區大窩口比 四順27平到嘔 但望番37又做唔到27咁，37真係靠新都會，葵盛客貢獻比新都會少，你條237X又同37重疊旺角，真係唯有靠葵涌同荃富街做大佢，但保守估計都係15/20分鐘一班係極限
至於ETA方面 淨係方便到啲時間啱啱好嘅人，要比預定時間出門口早或遲到巴士站嘅人，真係地底見
例如237X 3:00同3:20到大窩口 但係我3:30要到旺角 3:10去搭地鐵係可以準時到 搭巴士就要早多10-15分鐘到巴士站，啲人可能都係覺得搭地鐵方便，唔使就時間，觀感嗰邊就會偏咗向地鐵
castanopsis 發表於 2020-8-16 01:52
究竟係居民唔覺得遠，定覺得遠但無其他合理選擇？
望返轉頭
紅小又貴，又唔穩定，又唔係快
鐵路車程唔吸引？大窩口出旺角，出入站比到盡12分鐘，等車2分鐘，車程16分鐘，夾埋30分鐘
237X大窩口出旺角，按你個宣傳，~15分鐘直落旺角，但行去個站都5分鐘，加埋等車10分鐘，夾埋30分鐘
就算係大窩口最遠離車站，最接近巴士站嗰幾幢，即使係你條237X計埋等車都係打和
但係237X個15分鐘，荃灣路同旺角唔塞車先至容易達到，而平時大時大節旺角係必然塞車，且無得提早落車
前面都講過，大窩口道唔好做，諗盡辦法扭轉六壬都係五五波，不如抽調資源去其他更容易做區份
全港唔係得葵涌邨人多，其他地區幾個小區道路網好，方便串埋一齊做，出到黎基本盤已經多過葵涌邨
尖沙咀問題，前面已經講過其他區係有特定原因先入到尖沙咀
油塘交14C放棄平價接駁，有新樓，14本身亦建議開特班行機隧
北區近年最先實施重組且持續爭取，亦交過70
將南康城九新競爭，有新樓
火炭沙市交80M且青沙需要尖沙咀線
你都未講到，葵涌邨葵盛有冇類似嘅多重條件去爭取尖沙咀線
(假設地區有心爭取——不過葵涌邨街工唔多理交通，某站友亦已消失)
要交線，葵涌邨葵盛可以交咩線？
我覺得33A可以拍係富安樓西行個條獨立車坑度，跟住將其他綫擺翻係大窩口道個個之前廢棄左個站度。